هو صحيح الهوى غلاب اسكريبت كامل بقلم ريم خالد
مستحيل الاستفزاز!
خلال الأسبوع دا أتعرفنا علي بعض جامد أشترينا كل حاجه عشان نظبط المكان ونبدأ في تجهيزه بعد ما خلصنا قعدنا قدام المحل بتاعي وأحنا بنراجع اللي جبناه حط القلم علي الورق بعد ما خلصنا وهو بيبصلي
دي كل المصاريف بتاعت الأسبوع في حاجه تانيه ممكن نحتاجها
بدأت أبص في الورقه وأراجع علي كل حاجه موجوده
لا تمام كدا أحنا تقريبا جبنا كل حاجه يعني ممكن علي اخر الشهر نفتتح المكان
رجع رأسه لورا وهو بيقول بأجهاد الحمد لله
أعملك قهوه
اتعدل وهو بيقول مش هتعبك !
ضحكت وأنا بقوله هتتعبني بصراحه
قومت أعمل القهوة علي دخله جدو وتيته وجدو بيقولي
زودي اتنين قهوه كمان !
رديت بابتسامة بس كدا من عنيا
تيته اتكلمت وهي بتفتح العلبه اللي معاها ونبلع بالكيكه بتاعتي
قعدنا كلنا بعد ما عملت القهوه وأحنا بنشرب القهوه مع الكيكه لحد ما جدو سألنا
خلصتوا ولا لسه
رد عمر لا الحمدلله خلاص إحتمال كبير يبقي الافتتاح علي آخر الشهر
ردت تيته علي خير يا حبايبي يارب
ردينا كلنا في نفس النفس يارب
أشتغلت أغنيه لأم كلثوم
بتضحكوا علي اي
رد جدو وهو بيغمز لتيته أصل الأغنيه دي ليها حكايه معانا
سقف عمر وهو بيضحك لا دا أنت تحكيلنا بقا!
أتكلم بأبتسامة أنا وحياه مكناش نعرف بعض وأنا جيت سكنت قدام شقتهم لما شغلي جابني بلد غير بلدي كنت كل يوم أصحي علي نفس الأغنيه شغاله تقومني من النوم عديت الموضوع مره وأتنين وتلاته لحد ما زهقت روحت خبطت علي بيتهم
كملت تيته وهو بتضحك فضل يزعق ويقول أنا مش عارف أنام وعديت الموضوع كتير ودي قلة ذوق لحد ما أنا طلعت وقفت قدامه جنب بابا وأنا بزعق قصاده عشان صوته عالي اتخانقنا شويه ومشي وسابني
بس كانت لابسه فستان أحمر قدر يخطف قلبي يتحط في محميه طبيعية من جماله
سألته بخبث الفستان ولا اللي لابسه الفستان
غمزلي وهو بيرد عليا ما هو الفستان مش هيتحط لوحده برده !
ضحكنا وقام جدو مسك أيد تيته وهو بيرقص معاها علي الأغنيه وهي بتضحك بصوت عالي وأنا وعمر قاعدين حطين أيدينا علي خدنا وبنبصلهم بأبتسامة خبط عمر كتفه في كتفي وهو بيشد ورده من وراه بيحطها
قبل الأفتتاح بساعات واقفين أنا وعمر جنب بعض وأحنا بنبص علي المكان بعد جهزناه أتكلم عمر بتنهيده
كدا المكان جاهز فاضل أحنا !
شديت أيد عمر وأنا ببص علي الساعه اللي في أيده
قدامنا ساعتين نجهز فيها ونكون هنا نستقبل الناس
أبتسم وهو ببقول متحمس جدا
ضحكت وأنا ماشيه معاه مش أكتر مني والله
كل واحد فينا وصل لبيته بدأت أجهز لحد ما سمعت صوت تلفوني بيرن وأنا بخلص
ايوه يعمر
خلصتي!
أيوه خلاص أنت روحت
رد عليها أنا تحت بيتك
سألته بصدمه أنت بتتكلم بجد
اه والله
بصيت من الشباك لقيته واقف تحت بالفعل رفع عينيه ليا وهو بيشاور بأيديه
ضحكت وأنا بقوله طيب ثواني وهنزل !
قفلت معاه وأنا بلف حوالين نفسي أول ما نزلت لقيته مديني ضهره وجدو عبد الرحمن واقف قصاده هو وتيته
دول الحبايب كلهم متجمعين !
صفر جدو وهو بيبصلي وتيته جنبه مبتسمه لفلي عمر وقرب مني وهو بيحط أيد وراه ضهره والتانيه مدها ليا ضحكت وانا بمسك أيده وبنزل معاه أخر درج ركبنا العربية ووصلنا للمكان كانوا الناس موجودين
بعدتي لي
مبعدتش بس فرحانه ولما بكون فرحانه بحاجه بحب أتابعها
من بعيد وأشوف جمالها كامل
هز رأسه بهدوء وهو مبتسم وفضلنا واقفين جنب بعض وأحنا بنبص علي المكان والناس
عارفه ماما كانت بتحلم بأيه تاني
سألته بأهتمام بأيه
أبتسم وهو بيبصلي تشوفني عريس
ضحكت وأنا بقوله بابا برده كان نفسه يشوفني عروسه
قرب مني وهو بيقولي بخبث تيجي نحققلهم حلمهم !
بصتله بصدمه وأنا بزق بعيد عني ولا !
ضحك جامد خلي الكل أنتبهله وأنا بحاول أسكته وببص حواليا بأحراج
أحنا نأخد رأي الناس
كان لسه هيتكلم حطيت أيدي علي بوقه وأنا بسكته
بس يعمر بلاش فضايح !
شالي أيدي من علي بوقه وهو بيقولي
هنحقق حلمهم
لأ
يجماعه
حطيت أيدي علي بوقه تاني وأنا بقول بسرعه
خلاص هنحققه يخربيتك
أهو دا الكلام !
ضحكت وأنا واقفه قصاده ميل برأسه شويه عليا وهو بيطلع ورده من
هو صحيح الهوى غلاب
ريم خالد
