يونس اسكريبت كامل بقلم ريم خالد
المحتويات
مكانك متحركتيش
بصيتله بأمتنان وأنا بشكره بهمس غمزلي بتسليه وهو بيقول بصوت عالي
شوفلي يابني الكوبايه اللي أتكسرت دي بكام عشان الانسه تدفع تمنها !
ضحكت وأنا بخبط كف علي كف مع ضحكه معظم اللي كانوا في الكافيه فضل جدو قاعد معايا وهو بيكلمني في أي حاجه لحد ما حسينا بحد بيشد الكرسي اللي جنبنا وبيقعد بغضب
قال جدو بأستهزاء يا قاعدين يكفيكوا شر الجايين
بصله عمر بطرف عينيه ورجع بص قدامه تاني كنت ببصله بأحراج وبعدت عيني عنه بعد ما بصلي
اسف أني قعدت فجاه كدا بس مفيش مكان فاضي زي ما أنتي شايفه
قولتله بهدوء لا مفيش مشكلة
مالك يا عمر أشجيني
لما تيته تيجي
بعد خمس دقائق كانت تيته حياه قاعده جنبي وقدامها جدو وعمر قاعد قصادي
طيب هستأذن انا عشان تعرفوا تتكلموا
رد عمر بهدوء لا اقعدي أحنا اللي أحتلينا ترابيزتك اصلا أقعدي
قعدت مع شدت تيته علي أيدي أني أقعد وهي بتبصلي بخبث سند علي الترابيزة وهو بينفخ بضيق
أنا تعبت مفيش حاجه بترضيها كل اللي بعمله مش عاجبها لا هي ولا أهلها بغض النظر عن طريقتها وغرورها اللي مكنتش بيه قبل كدا غيرتها زايده اوي مش عارف اصلا دي غيره ولا تملك بس الغيره بتبقي ناتجه عن حب وأنا مش بشوف منها أي حب انا بتنازل كتير اوي عشان خاطرها وبرضي بحاجات كتير مش عجباني عشان خاطرها وهي ولا فارق معاها اصلا !
وقف كلام وهو بيأخد نفسه بغضب وبيمسح علي شعره بضيق واضح جدا رد عليه جدو
أنت شايف أنها
بصله عمر بتوهان يشبه توهاني في أول مره
مش عارف ومش فاهم ومش قادر أقدم أكتر من اللي بقدمه تعبت خلاص !
اققولك علي حاجه متنازلش علي اي حاجه هي متستحقش أنك تتنازل عشانها هي مش مقدره دا اصلا وكل دا بيأخد من نفسيتك أنت ومن قلبك أنت وهي ولا هتحس بكل دا هتفضل شايفاك مقصر وأنك مش بتعمل حاجه طب ليه وجع القلب من الأول سيبك منها وريح قلبك !
كنت بكلمه بانفعال وكأني بكلم نفسي أو كنت مستنيه حد كان يقولي كدا في الفتره اللي فاتت من حياتي حد يفوقني بصلي بغضب وهو بيقولي
من رأي أن حضرتك متدخليش لاني مطلبتش رأيك وكمان لما تتكلمي علي خطيبتي ياريت تتكلمي بأسلوب أحسن من كدا انتي متعرفيهاش عشان تقولي هي تستاهل ولا متستاهلش
قاطعه جدو بغضب وهو بيقوله عمر فيه اي فوق !
بصيتله بأحراج وبصيت علي المكان من حواليا وحمدت ربنا أن محدش كان مركز ومعاذ مكنش موجود هو كمان قومت وقفت قصاده وأنا بقوله باعتذار
أنا أسفه انا انفعلت فعلا مكنش قصدي اققول اللي قولته وبتأسفلك مره تانيه ياريت متزعلش عن أذنكوا
مسكت تيته أيدي باعتذار ابتسمت بهدوء وأنا بعدي من جنبها بصيت عليه بصه اخيره لقيته بيبصلي بندم وأعتذار سيبتهم وخرجت برا المكان بسرعه وانا بعنف نفسي علي اللي قولته
غبيه والله غبيه أنتي مالك أنتي ما كل واحد حر في حياته لا إله إلا الله وأي الانفعال دا أنا مالي !
كنت لسه هعدي الطريق لقيت حد بيمسك في أيدي ويشدني أتخضيت ولفيت لقيته معاذ قدامي بيبصلي
وحشتيني
شديت أيدي منه بغضب وأنا بقوله
أفندم !
ريم ممكن تهدى
بصيتله بأستغراب ورجعت خطوتين لورا قرب مني
انا الفتره اللي فاتت كنت متلخبط أوي وخسرت ناس كتير وكان من ضمنهم أنتي بس انا عرفت قيمتك وعرفت أنك الوحيده اللي مينفعش حد يخسرها أنا
قاطعته وأنا بقوله بسخرية لا انا مستاهلش اي حاجه من اللي أنت بتقولها دي مش دا كان كلامك برده !
رد بسرعه كلام وقت انفعال مش أكتر والله لاكن أنتي تستاهلي أنه يتحارب عشانك مش بس يتقدم تنازل
ضحكت بسخرية وانا بربع أيدي قدامه
ايوه أنت عايز أي يعني
طلع دبلتي من جيبه وهو بيقولي
تلبسي دبلتك تاني وندي علاقتنا فرصه تانيه
رديت بأستهزاء يا شيخ قول فرصة خامسه تانيه أي بس ! هو أنت متعرفش أني مبقتش لا بدي فرص ولا بقدم تنازلات خلاص !
بلع ريقه بضيق وهو بيقولي ريم أنا بحبك
رفعت عيني في عينيه وأنا بقوله بنبره جامده
وانا مكرهتش في حياتي قد الوقت اللي قضيته معاك
كان بيبصلي بصدمه عدلت شنتطتي علي كتفي وأديته ضهري وأنا بعدي الطريق وقولته بصوت عالي
متظهرش قدامي تاني يا معاذ عشان ردود فعلي مبقتش مضمونه
ركبت التاكسي وأنا ببص علي مكانه وهو واقف بأحباط أتنهدت بضيق وأنا بحط أيدي علي قلبي
بعد فتره من آخر مره قعدت فيها في الكافيه دخلت وبصيت علي مكاني لقيته فاضي وكأنه بقا بأسمي ممنوع حد يقربله أبتسمت علي تفكيري وأنا بقعد مسكت رواية وبدأت أندمج فيها حسيت باللي
ممكن أقعد !
رديت بالامبالاه أنت قعدت أصلا
كملت قراءة وانا مش مدياه أهتمام ضحك وهو بيشد الرواية من أيدي وبيقولي بأعتذار
أنا آسف على طريقتي المره اللي فاتت مكنش أقصد والله هو أنا كنت متغاظ وللاسف طلع فيكي حقك عليا
رفعت أكتافي وأنا بقوله
متعتذرش أنت مغلطتش انا اللي دخلت في حاجه متخصنيش وكان رد فعلك طبيعي
لا طبعا مش طبيعي أنا حقيقي أسف كلامك غير كتير اوي وخلاني شوفت الموضوع من الزاوية الصح بدون مساعدتك ونصيحتك الغير مقصوده مكنتش فهمت
رفعت عيني ليه وأبتسمت كمل كلامه وهو بيقولي
كلامك ساعتها من كتر ما وجعني أنفعلت انفعالي مكنتيش انتي المقصوده بيه بس هو جه فيكي بقا حقك عليا وشكرا علي النصيحه ياستي كان عندك حق فيها
أبتسمت بهدوء وأنا بقوله
كويس أنك عرفت تفهم وتلحق نفسك
قبل ما يرد جه جدو قعد جنبي وهو بيقولي
أنت قاعد هنا ليه !
رد عمر ببرود اتصالحنا خلاص مش كدا
ضحكت وأنا بهز رأسي لحد ما سأله جدو بأستفسار
ها ناوي علي أي بعد كدا !
رفع أكتافه وهو بيقوله
ولا اي حاجه عايز أهدي شويه من الضغط اللي كنت فيه وأدي لنفسي فرصة عشان أرجع لحياتي وهي براها
سأله جدو هي مكلمتكش من آخر مره أتكلمتوا فيها
ضحك بسخرية محاولتش حتي تبعت رساله عشان تتكلم ولا تعاتب وكأنها رمت طوبتي بالفعل
رديت عليه بهدوء وأنا بسند بأيدي علي الترابيزة
متتعشمش
هز رأسه بحزن
متابعة القراءة
