اسكرييت بقلم نورا سعد

بايرة وبتتأمري! على ايه يختي من حلاوتك 
أطلعي برا بيتي. 
يلا يبني شكل اهلها ماتوا ونسيوا يربوها قبل ما يتكلوا على الله.
قالتها بعصبية شديدة هي وبتشد الحيلة ابنها وبتخرج برا البيت طبعا مع شوية كلام ملوش أي علاقة بالأحترام والتربية اللي كانت بتتكلم عليهم من شوية!
عجبك كده العريس طفش منك. 
حاولت أتحكم في أعصابي ولكن فشلت وبكل عصبية كنت بدافع عن نفسي وبقوله 
ما يطفش أعمله أيه أتجوز شخص معندوش شخصية عشان ميتقالش عليا بايرة اتجوز شخص لسانه طويل عشان ميتقالش عليا بايرة 
هه هو أنت لسه هيتقال عليك! 
الكلمة وجعتني! مش عشان أول مرة أسمعها لكن وجعتني عشان منه هو بالذات! 
اخويا اللي هو مصدر قوتي بيعايرني أومال ساب أيه للغرب طيب 
شكرا يا يوسف بعد أذنك روح شوف مراتك وعيالك عشان اتأخرت عليهم.
وبدون ولا كلمة سبني ونزل. 
تعبت آه تعبت بس مش من كلام الناس ولكن من حملي اللي بقيت حاسه أنه على كتاف أخويا حملي اللي حاسه أنه مش قادر عليه خلاص! 
لو عايزة أتجوز فأنا عايزة عشان يترحم من همي ويعرف يستمتع بحياته.
ياسين تعالى هنا. 
عمتو أنا عايز شيبسي.
مش قولنا قبل ما نطلب حاجة نستأذن ونقول بعد

إذنك
ولما أقول كده لأي حد هيجبلي اللي أنا عايزه يعني ما برضه لو مش على هواهم بيرفضوا.
مكنتش مصدقة اللي بيقوله شهقت بسرعة ولقيت نفسي بقوله وأنا بكتفه من أيده وبقربه مني بتحذير
يا مجرم! أيه الكلام ده
ماله كلام يا نور في أيه!
ضحكت! معرفتش أعمل أي حاجة غير أني أضحك مع نظراته البريئة دي ياسين ابن أخويا عنده 5 سنين ولكن تحس أنه رجل عجوز شعره شاب كمان! ولكني بحبه وبحب كلامه اللي بيحسسني أنه فاهم الدنيا كلها وهو شبر ونص مكملش الخمس سنين أساسا!
نور ممكن تجيبي ياسين من المدرسة النهاردة 
طبعا هلبس وهروح خليك أنت في شغلك ومتشلش هم.
بكون مبسوطة وأنا شايلة مسئوليته بحس أن ليا لازمة! 
بحس بسعادة داخلية بدون سبب مبرر!
حبيب عمته عمل أيه النهاردة 
رفع أيده الأتنين وبكل حماس قال 
_ بصي رسمت أيه 
 أنا وبقول 
حبيب عمتو يا ناس أشطر رسام في الدنيا.
ابتسم 
يمكن... يمكن السبب التاني في كون أني عايزة أتجوز هو أني عايزة أبقى أم! ويمكن ده السبب الخفي اللي محدش يعرفه أبدا!
غريزة الأمومة موجودة في كل بنت من يوم ما أتولدت كنت بحس بلذة الشعور ده من يوم ما كنت بلعب مع عرايسي وأتقمص أني مامتهم! دي.. دي غريزة فطرية في كل بنت! وأنا من حقي أحس بيها أحس بيها منغير ما أحس بالشفقة من حد!
ياسين مش كل شوية هروح عند عمتو هروح عند عمتو أنا مش فضيالك عشان أجي أخدك كل شوية من عندها! 
كانت بتتكلم بنفعال مع الولد وبتزعقله وهو قدامها مش قادر يدافع عن نفسه ومع هجومها الشديد لقيت نفسي باخد الولد وراه ضهري وبدافع عنه بسرعة أنا وبقولها 
أنا اللي طلبت منه يجيلي يا فريدة بعد التمرين بتاعه أنت عارفة أن النادي قريب مني وكنت عايزة أراجع معاه ال بتاع الصبح اللي خده في المدرسة. 
أيوا يا مامي كنت عايزة أراجعه مع عمته. 
أنفعلت أكتر! شدته من أيده بغضب واضح على تقاسيم وشها وقالت 
معلش يا نور محتاجة أمشي مش فاضية يلا ياسين.
كنت بقول أني من حقي أشعر بأحساس الأمومة بدون شفقة نسيت أقول أني محتاجة أحس بيه بدون قيود كمان! 
ياسين ابن أخويا آه ولكن دايما بحس أني مش من حقي أديله أهتمامي كله مامته مش عايزة حد يشاركها فيه وده... وده حقها! ويمكن.. يمكن ده سببي الوحيد أني عايزة أتجوز أني عايزة أحس بالشعور ده بدون قيود بدون أحساس الشفقة من حد بدون أي مخاوف! بس... بس أنا برضه مش عايزة أرمي نفسي في عرض البحر وأقول أصلي كنت عايزة سمكة!
أختارتي يونس 
هو اللي أختارني مش أنا..
تبني! أو... أو كفالة طفل في بيتي! موضوع غريب كنت بفكر في مشكلتي ولقيت مسلسل هو اللي بعتلي الحل حل مشكلتي أكبر مشاكلي في الحياة! 
عادي أتبنى طلب ليه لأ فعلا
مساء الخير أتشرف بيك 
نور عبد الخالق. 
متزوجة 
كنت متوترة بفرك في أيدي شوية وبلعب بصوابعي على المكتب شوية خدت نفس ورديت عليها 
لأ عاذبة. 
ابتسمت وهي بتبص على الورق اللي في أيديها رفعت وشها ليا وقالت بنفس الابتسامة 
عارفة أن حظك حلو 
استغربت من كلامها عقدت حواجبي وضيقت عيني في حركة تلقائية مني لما بتعجب وسألتها 
أشمعنا 
رجعت بعيونها للورق تاني وقالت 
عشان من كام سنة مكنش ينفع حد أعذب يضم طفل لكي يتكفل بيه كفالة شاملة كل شيء. 
مكنش عندي المعلومة دي أبدا عشان كده بنبرة كلها دهشة قولت 
بجد ودلوقت مينفعش برضه 
مرفعتش عنيها من الورق ولكنها طلعت ورقة من وسط الورق ده ولقتها بتقول 
ده قبل ما يتعدل القانون وتظهر الشروط دي. 
قالت أخر كلمة ببتسامة وهي بتبصلي ابتسمت ليها بأمل وهي بدأت بشرح أول شرط وهي مازالت بصه عليا وقالت 
خليني الأول أقولك شروط تبني طفل يتيم عمتا. 
رجعت بعيونها للورقة وبدأت تقرأ منها 
أولا