اسكرييت بقلم نورا سعد

عدم نسبه للزوج وده في حالة إنك لو كنت متزوجة يعني مينفعش الطفل يتكتب باسم المتكفل. 
ابتسمت بحماس وهزيت دماغي عشان تكمل وفعلا كملت وقالت 
وثانيا هو عدم ورث الطفل من ميراث المتكفل منه لأنه حرام شرعا. 
وإية شروط كفالة الطفل من أمرأة عذباء 
ابتسمت من جديد ورجعت بعنيها للورق وبدأت تقرأ أول شرط يخصني أنا بالتحديد 
شرط أن يكون سن المتكفلة لا يقل عن 30 عاما وده سنك تقريبا وأن الطفل اللي هتتكفلي بيه لازم يكون من نفس جنسك. 
مقطعتهاش وهي كملت 
أن يكون ليك دخل ثابت وده طبعا اللي بتثبتيه بالورق المطلوب وأن يكون ليك مسكن خاص بيك مجهز للعيش فيه وتوافر الإمكانيات اللازمة لرعاية الطفل في المنطقة المحيطة بالمنزل وده بيتم إثباته من خلال اللجنة اللي بتيجي ليك زيارة وأخر حاجة وأهم حاجة أن الأهل يكونوا موافقين بالتبني ده عشان نضمن أن الطفل هيعيش في بيئة هادية ومش هيتعرض لأي أذى نفسي من أي جهة. 
كانت ابستامتي عارفة طريقها ليا وبكل حماس قولتلها 
بس كده حلو أوي أنا كدة الورق هخلصه في خلال أسبوع!
ضحكت على طريقتي وقالت 
لا مش بس كده طبعا غير أن لازم تكون المتكفلة متزنة عقليا ونفسيا وده بيتقيم من خلالنا وأن لازم الطفل يكون من نفس الديانة ونفس الجنسية لعدم حدوث أي تشتت وبيكون في أقرار أنك هتكوني قادرة توفريله الرعاية الصحية والنفسية والأجتماعية بس كده. 
قبل ما أرد عليها لقتها بتقف وبتقول 
عارفه أنك متحمسة باين على شكلك هتيجي دلوقت معايا تتعرفي على الأطفال وهتيجي زيارة كل كام يوم عشان تقرري هتعملي الطلب باسم كفالة أنهي طفل فيهم لحد ما تجهزي باقي الورق المطلوب. 
وقفت أنا كمان بكل حماس سقفت زي العيلة الصغيرة اللي شافت لعبتها حالا وقولت 
متحمسة بس ده أنا هطير من السعادة! أصل... أصل أنا أحلامي بتتحقق قدام عيني!.. منغير ما أخسر نفسي يا أستاذة!
حسيت أني طايرة في السما طير صغير بجناحات بيرفرف في السما بدون قيود حاسة أني أتحررت من كل كلمة لازم اللي كانت ملزماني طول حياتي! مش لازم أتجوز أي حد مش لازم أتجوز عشان أخلف مش لازم أتجوز عشان أبني عيلة مش لازم أتجوز عشان يكون ليا حد في الدنيا أتسند عليه لما أكبر مش لازم أعمل حاجة مش مقتنعة بيها عشان أحس بشعور طول حياتي كنت بحلم بيه! مش لازم أعمل أي حاجة خالص أنا مش عايزاها! كل اللي لازم أعمله أني احافظ على الأمانة اللي هخدها وبس...
هتبنى طفل. 
قولتها بكل بساطة لخويا وهو قاعد معايا وعكس المسلسل متعصبش مثارش وغضب وقال أزاي بالعكس لقيته فرح ملامحه فرحت وقال بحماس 
وده ينفع مش حرام 
ابتسمت ورديت عليه بنفس الحماس 
مش حرام لا حرام لو نسبته ليا أو لو ورث من ورثي لكن كده يعتبر بكفل يتيم ولكن بكفله في بيتي. 
بس مينفعش يا نور عشان أنت مش متجوزة. 
هزيت راسي بسرعة بالنفي وبدأت أوضحله اللي فهمته 
كان الأول مينفعش لكن دلوقت القانون سمح بكده بس بشروط يعني. 
صوتي أتهز راسي بقت في الأرض أنا وبقوله 
زي أن لازم نكون كسرنا سن التلاتين مثلا. 
حس بحزني وكسرتي طبطب على كتفي وأنا حبست دموعي لأن ده مش وقتها أبدا وكملت أنا وبرفع راسي مرة تانية 
ولازم المتكفل يتكفل بطفل من نفس جنسه يعني أنا لازم أتكفل ببنت مش ولد. 
طب... طب أنت يا متأكدة أنك مش عايزة تتجوزي وتبني عيلة أفضل 
عيوني دمعت نفيت براسي وقولت 
لأ ملقتش اللي أتسند عليه ولو أتجوزت في يوم على أقتناع لازم ياخدني أنا والطفلة اللي هتكون معايا. 
ابتسم وقرب خطوة مني مسك كتفي وقالي بكل بفخر ظاهر في نظرات عيونه وصوته الواثق القوي 
طول عمري عارف أن مش هتكوني نسخة من حد يا نور واثق فيك أنك هتسعي عشان تعملي كل حاجة بتحبيها منغير ما تيجي على نفسك ولو في يوم أنا اللي كنت باجي عليك فلازم تعرفي أني كنت بعمل كده عشان عايز أفرح بيك وأتطمن عليك يا نور عيني.
المشهد أنتهى  لطيف كل حاجة كانت حلوة كل حاجة كانت مثالية بس لقيت نفسي فاجأة بقول هو أنا هعرف هعرف أخد طفل ومخذلوش مينفعش أخده وأرجع أقول لا مش هقدر هكون بخذله هكون بحطمه للمرة اللي معرفش عددها بالنسباله!
عمتو أنت فعلا هيكون ليك طفل وهتحبيه أكتر مني وأنا مش هجيلك تاني 
أتخضيت! مسكت أيده بسرعة ونفيت بسرعة أنا وببعد التهمة دي عني وبقول 
أبدا يا ياسين مش هيحصل ده أبدا أنا آه هيكون ليا طفل بس عمري ما هبطل أحبك يا حبيبي. 
بدأ يبكي ويقول وسط بكاه 
بس ماما قالتلي أنك هتنسيني. 
قربت صوابعي منه ومسحت دموعه بشويش ابتسمت وبدأت أتكلم ببساطة 
قولي يا ياسين مش كل واحد لازم يعمل اللي بيحبه 
طبعا يا عمتو. 
طب أنا بقى بحب الأطفال أوي وعايزة طفل يجي يعيش معايا تفتكر أعمل الحاجة اللي بحبها ونفسي أنها تحصل من زمان وهاخد عليها ثواب كبير أوي ولا معملهاش وأفضل دايما متضايقة 
نفى بسرعة براسه وقال 
تعملي اللي بيفرحك طبعا. 
قربته مني أكتر وقولت 
وهل ده معناه أننا لما نلاقي