اسكريبت بقلم كنزي ابراهيم
قد ماكنت مدايقه انى كده برجع للصفر الا انى كنت هموت من الفرحه وياريتنى ماكنت روحت...
الحاجه اهى يا ماما عاوزه جاجه تانى
لا بس هتفضلى ضاربه بوز كده كتير
ماما لو سمحت انا مش عاوزه اتكلم دلوقتى
لا هنتكلم ياسلمى عشان وائل مهما كان غلطان هو برضو عنده حق
ياماما احنا فى اوضه يونس التعابان الى ياعالم هيفوق امتى اكيد مش هنتكلم هنا
لا هنتكلم ياسلمى
عيط ومقدرتش امسك نفسي اكتر من كده
يوووه منا بعدت عن يونس ياماما عاوزه اى تانى ..يونس ده كان اكتر انسان قادر يفهمنى هو الوحيد الى بحكيله كل حاجه وهو برضو الوحيد الى بيقف قدام الكل ويدافع عنى حتى لو غلطانه والى بيجى يعاتبنى بعد كده لوحدنا عمره مازعلنى ولا احتاجته وملقتوش مستكترين عليا ابقى جمبه وقت مايبقى محتاجنى! حاضر هبعد عنه ياماما وياريت لما يفوق ابقى طمنينى كده كويس!
مستنتش ردها ومشيت وانا عماله اعيط ومش قادره تشوف قدامى ... عده الايام وانا برضو مبروحش ليونس ولا بكلم حد لحد مالقيت ماما بتتصل بيا
يونس فاق ياسلمى يونس فاق اخيرا
عينى دمعت ومقدرتش امسك نفسي وجريت من الجامعه للمستشفىاول ماوقفت قدام الباب فضلت متردده ادخل ولا اروح لحد ماطبعا مقدرتش اقاوم ودخلت
حمدلله على السلامه يايونس
لقيته بيرد بكل برود ولا اكنى انا السبب فى الحادثه
الحمد لله كتر خيرك على الزياره
كنت واقفه مصدومه مش عارفه هو لى بيكلمنى كده وانا عملت اى اصلا
الباب خبط ودخلت منه بنت جميله اووى الحقيقه
يونس الف سلامه عليك خضتنى عليك اووى
اعرفكوا ياجماعه
مقدرتش اجيلك وانت فى الغيبوبه انت عارف مكنتش هقدر اتحمل شكلك وانت فى الحاله دى دا انا انهرت لما عرفت بالحادثه بس
كتر خيرك والله يانانسي فيكى الخير
مقدرتش اقف اكتر من كده واستأذنت بحجه انى عندى محاضره وروحت قعدت على النيل وانا مش عارفه مالى ولا اى الى بيحصل انا فجأه كده بقيت لوحدى واكتشفت ان يونس كان هو صحابى وهو اهلى اكتشفت ان مكنش عندى حد غيره بعد اسبوع خرج يونس وصحته رجعت زى الاول ورجع الشغل وحياته استمرت وانا حياتى واقفه كلامنا بقى شبه مش موجود ونزولنا سوى بقى معدوم حتى الكتب مبقاش بيشتريها ويبدلها معايا زى الاول لحد مافيوم لقيته بيخبط علينا فتحتله وانا مستغربه لقياه بيضحك ومبسوط
خير يايونس فى حاجه
عاوزك تيجى معايا
اى هتخرجنى!
اخرجك اى انا عقبال املتك رايح اخطب
مش قادره اوصف احساسي وقتها بس حسيت ان فى حاجه جوايه اتكسرت وغصب عنى عينى دمعت
متخيلتش انك هتفرحيلى كل الفرحه دى فعلا الاخوات بيبقوا سند
مردتش عليه وفضلت ساكته وعينى مش موقفع عياط
طب مش هتسألينى مين العروسه
مين
نانسي البنت الى جاتلى المستشفى متتصوريش ياسلمى البت دى جدعه ازاى حرفيا مسابتنيش من ساعه مافوقت وهى على طول معايا وهى الى كلمتهم فى الشغل تانى و...
ربنا يوفقك يايونس انت تستاهل كل خير
الف مبروك ياحبيبي وربنا يتمملك على خير يارب تسلمى يا عمتو وعقبال سلمى ان شاء الله
قريب اوى ان شاء الله
اده هو فى عريس ولا اى
مش عارفه هو اى الى قريب ياماما
ابن
مناسب! مش ده وائل الى فضل يشكك فسمعتى قدام العيله كلها مش ده وائل الى فضلتى تزعقيله عشان بيقول على بنتك حالها مايل...لا ده الظاهر ان انتو بتنسوا بسرعه اووى
سبتهم وقومت دخلت الاوضه وقفلت هلى نفسي بالمفتاح
هو كل ده حصل امتى ياعمتو وازاى تسمحى لواحد زى ده يقول كده على سلمى وقال كده لى اصلا
يابنى سلمى مسابيتكش لحظه واحده فى المستشفى وكانت بتلغى كليتها وكل حاجه عشان بس خايفه تفوق ومتلاقيهاش جمبك ومعاك وكان الوضع ده مش عاجب حد خالص اه انت ابن خالها بس ولو مينفعش يبقى الوضع كده وانا مسكتلوش ولا ابوها سكتلوا بس فى الاول والاخر كان عنده حق
طب عمتو ممكن اطلب منك طلب....
تعملى حسابك بكره عمك ومراته وابنه جايين
ياماما حرام عليكوا بقى هو صعب تقولوا مش موافقه
ابوكى اداهم كلمه يبقى حتى لازم يجو ويتقدموا وانتى ابقى ارفضى براحتك
متعرفيش يونس راح اتقدم ولا لا
انتى مالك بيونس ولا غيره ماتخليكى فى نفسك
تانى يوم صحيت على ماما بتصحينى وبتقولى اجهز علشان شويه وجايين وبعد شويه لقيت الباب بيخبط وطلع يونس بيدينى طقم
اى ده يايونس
طقم خطوبتك
بصتله بحسره
متتعبش نفسك كده كده الخطوبه دى مش هتم
ياستى فال الله ولا فالك لى كده ان شاء الله تتم مش يمكن يطلع شخص كويس وتحبيه
ضحكت بمراره وسألته عن خطوبته
متقلقيش قريب اووى ان شاء الله وهاخدك معايا عشان تعاينيلى العروسه
يبنى هى كرتونه بيض حرام عليك اى اعاين دى
يلا ياسلمى اجهزى قربوا يوصلوا
حتضر
اللبسي الطقم واتظبتى كده والدنيا هتحلو ياجميل
نهى كلامه بغمزه مفهمتش ماله ده ده من كام يوم مكنش طايق يبص فوشي حتى دخلت الاوضه ولبست الطقم الى جابهولى وحطيت شويه ميك اب خفيف وبعد حوالى ساعه لقيت الجرس بيرن ماما دخلت قالتلى انهم جم ومخرجش غير لما تنده عليا وبعد حوالى نص ساعه لقيتها بتنده ولما خرجت اتصدمت
اى ده امال فين وائل وعمو ..يخربيتك لتكون خطفته يا يونس انا اه مش طيقاه بس هتودى نفسك
فداهيه ولا اى
اخطف مين ياعبي طه انتى..يارب انا حاسس ان دى اشاره انسحب من الى بعمله ده
لا ياحلو انت ادبست خلاص انا عمتك اه بس بنتى لا ترد ولاتستبدل
انا مش فاهمه حاجه
قام وقف قدامى وكان لابس قميص وبنطلون شكلهم حلو اووى طلع علبه قطيفه من جيبه ونزل على ركبه وانا كل الى حساه ان قلبى هيقف
فهمتى دلوقتى ولا هتورثى عيالى الالهباب ده
عينى دمعت بس لسه عقلى مش مستوعب حاجه فضلت ابصله وانا ساكته
تتجوزينى!
فضلت ساكته برضو ومبردش
سلمى انا بحبك من زمان والله بس مكنتش قادر اخد الخطوه دى مكنتش عاوز اخليكى يبقى ناقصك حاجه وكان لازم ابقى متاكد انك هتعيشي فى احسن مستوى ومكنتش عاوز اظلمك معايا وانا عارف انك تستاهلى احسن واجمل حاجه فى الدنيا كلها...تتجوزينى!
وانا كمان بحبك اووى يايونس
طب بتعيطى لى دلوقتى
عشان انت قاعد على ركبك كل ده واكيد وجعتك بسببى
يعنى انتى سايبه كل ده وجيتى على ركبى ياشيخه حرام عليكى
خلاص متعيطيش انا كويس والله
موافقه
بقلمى كنزي ابراهيم
