العوض
ࢪوايات تࢪضيه ﷻ
إسڪريبت
اسكريبت...
كنا ماشيين في حته زي الجنينه كدا بنهزر ونلعب ومعانا بلالين من الكبيره وألوان حلوه ومبهجه كنا حاسين بشيء حلو بس فيه حاجه غامضه في قلب كل واحد فينا بيحسها هتحصل النهارده بس أيه هي محدش عارف يجمع دخلنا بطلتنا المبهجه وكان في دوشه كتيره زي كل مره
الليدر أيه يا روفيدا أتأخرتي ليه كدا .. أنتي عارفه إن فيه ندوه فاتتك .. وغير كدا أنتي كمان هتلقي واحده
روفيدا بزعل وهي باصه في الأرض آسفه يا دكتور بالله المواصلات والطريق
الليدر طيب يلا فيه ندوات تانيه أدخلي يلا أنتي وصحباتك وجهزي نفسك عشان الدكتوره بتسأل عليكي
ريهام بإبتسامه مالك يا روفي حزنانه ليه كدا .. دي ندوه عادي يعني .. مش تحبكيها كدا
روفيدا بصتلها لأ مش عادي بالنسبالي دي حاجه حلوه أوي بس أنتي أسمعيها وغيري رآيك وبعدين أنا إللي هلقي النهارده ومتوتره جدآ
شروق بضحك أممم وباصه في الأرض ليه يا أختاه .. دا أنتي زي بنته يعني .. معقده أوي يا رفروفه
روفيدا بإبتسامه وهي بتعدل مسبحتها إللي مبتفرقهاش كلمه معقده بالنسبالي أحسن من كلمه أهلها مربوهاش .. وبعدين ربنا مأمرناش إن كل من هب ودب نقعد نبحلق فيه ربنا بيقول أيه وإذا سألتموهن متاعا فأسألهون من وراء
ريهام وشروق ونعم بالله
وهما بيتكلموا إيجي عليهم شويه أطفال
بيبصلها ببراءه
روفيدا بإبتسامه تعالى يا صغنن عايز أيه..
وهو بيبص للبالونه عايز دي
روفيدا بصت للبالونه بحزن فردت ريهام مهما عملت مش هتديهالك دي بتموت فيها
روفيدا بإبتسامه وبتمد أيدها ليه خلاص خدها أهي
شروق بإستغراب غريبه يا رفروفه بتتخلي عن البالونه عادي كدا..
روفيدا عادي يعني هو طفل .. هبقى أشتري غيرها .. يلا يلا
دخلوا وكان المكان مليان بلالين زرقه وبيضه وموجود ناس كتيره وشيوخ دخلوا المكان بتاع النساء زي مسجد كدا .. لمحتها الدكتوره أتأخرتي ليه ! مش وقته كلام هااا جاهزه عشان تبهرينا كالعاده..
روفيدا بتنهيده جاهزه يا دكتوره .. يلا ياريهام خدي شروق وأقعدوا في مكانكم
ذهبت روفيدا للمنصه وقدامها ميكروفون
روفيدا بإبتسامه السلام عليكم جميعا .. أسمي روفيدا عضو في كن ذا اثر ومجموعه من الجمعيات إللي زيها أتفضلوا أنا معاكم
بنوته باين عليكي صغيره أنتي إللي هتقدمي الندوه..
روفيدا بإبتسامه أيوا حضرتك .. مش بالسن خالص
سألتها واحده كانت متبرجه لابسه بنطلون وعليه شيميز طويل وطرحه عاديه قصيره شويه أنتي إزاي لابسه خمار وأنتي في
روفيدا عشان ربنا أمرني بيه .. وبعدين أنا كبنوته مسلمه مينفعش أتشبه بالرجال مش رسولنا الكريم صلوا عليه بيقول لعن الله المتشبهات من النساء بالرجال والعكس .. يبقى أنا ليه ألبس بنطلون وأبين جسمي إللي رايح وإللي جاي يتغزل فيا ويبصلي بصة طمع وشهوه .. وكمان ربنا بيقولك في سوره النور سورة أنزلناها وفرضناها .. يعني السوره كلها فرض عليكي ي غاليه
البنت بإحراج بس مش لوحدي يعني الكل بيعمل كدا عادي
روفيدا بتوضيح عشان الكل بيعمل كدا يبقى نقلدهم .. يعني على سبيل المثال لو لقيتي معظم المجتمع بيعمل الفحشاء وعلاقات محرمه هتروحي أنتي كمان تعملي كدا .. وبعدين وكلهم آتيه يوم القيامه فرادا يعني محدش هينفعك ي غاليه أنتي هتبقي لوحدك في القبر ويوم القيامه هتبقي لوحدك .. كلهم هيسبوكي ويتجهوا لنفسهم مش ربنا بيقول يوم يفر المرء من أخيه وأمه وأبيه وصحبتيه وبنيه أنتي بقى مامتك اللي كانت بتقولك أنتي صغيره عيشي سنك وحياتك هتنفعك .. أخواتك إللي قالولك ألبسي إللي إنتي عايزاه بس لما تكبري شويه زينا هينفعوكي .. صحباتك إللي طول الوقت بيتريقوا عليكي وعلى زيك الفضفاض هينفعوكي .. طيب أنتي ضامنه عمرك هتكبري ولا لا .. ضامنه
البنت بتأثر طيب لما أجي أتجوز محدش هيتجوزني وأنا بلبس اللبس دا .. محدش هيبصلي ويقولي أنتي حلوه زي ما أنا دلوقتي
روفيدا بإبتسامه بيقولوا ليكي أنتي حلوه عشان أنتي متزينه ما هو لو أنتي مش جميله وحلوه ربنا مكنش فرض عليكي أنك تتستري عشان عيون الطامعين .. غرض الحجاب أيه .. يحميكي ويسترك عمرك شوفتي راجل مخرج مراته بلبس عريان .. طبعا لأ عارفه ليه .. عشان هو راجل وتفكيره زي تفكير الشباب عارف إنك لو طلعتي كدا مش هتسلمي من نظرات حد يا طيبه هقولك حاجه ليه بيغطوا المصاصه مثلا .. مش عشان هي مسكره وحاجه حلوه .. وعارفين لو إتلم عليها حاجه يبقى هتنفسد .. أهو أنتي كدا أحفظي نفسك يا أختي
واحده تانيه طيب وحبيبنا بقى ما هو كدا هيسيبنا ..
الكل بصلها على جرأتها فالبنت أتحرجت
روفيدا بإبتسامه طيب هقولك على حاجه القرآن قال أيه عن أحلى صفه في البنت .. وجائته تمشي على إستحياء صح .. تخيلي بقى بمجرد أنها تجملت بالحياء وغض البصر واللبس الفضفاض تزوجت نبي ما بالك بإللي متبرجه .. هتتجوز آه بس ذكر مش راجل
كانوا ريهام وشروق والموجودين منبهرين بردها وبسرعه إجابتها بآيات ربنا
ثم أكملت بصوت أعلى بتآثر وبكت فإستغرب الجميع أنها فانيه
