قبل فرحي
قبل فرحي ب ١٥ يوم.. كنت رايحة السجل المدني عشان أجدد البطاقة وأغير المهنة، وخطيبى كان معايا وبنخطط هنقضي شهر العسل فين وبنضحك.. ومكنتش أعرف إن اللحظة دي هي اللي هتهد كل أحلامي!
وقفت قدام الموظف وبقدم الورق بابتسامة
لو سمحت عايزة أجدد البطاقة وأغير المهنة ل حاصلة على بكالوريوس.
الموظف أخد الورق وبدأ يكتب على الكمبيوتر، وفجأة ملامحه اتغيرت وبصلي بصة غريبة أوي، بصة خلت قلبي يقع في رجلي..
أنتي متأكدة من بياناتك يا آنسة؟ قصدي يا مدام؟
رديت باستغراب
آنسة إيه ومدام إيه؟ أنا لسه فرحي كمان أسبوعين، والورق قدامك أهو.
الموظف سكت شوية وبص لخطيبى اللي كان واقف مستني، وبعدين قالي بصوت واطيالسيستم عندي بيقول إنك متزوجة فعلياً من ٣ سنين! وعندك طفل كمان متسجل باسمك!
الصمت حل في المكان.. أنا حست إن الأرض بتلف بيا، وخطيبى اللي كان لسه بيضحك من دقيقة، وشه بقا أحمر وعروقه برزت..
أنتي بتقولي إيه يا راجل أنت؟ متجوزة مين وبتاع مين؟ دي خطيبتي وأنا عارفها كويس!
الموظف طلع ورقة من برنت الجهاز وقاله أهو يا أستاذ.. هبة محمود... متجوزة من المدعو .... بتاريخ كذا، وعندهم طفل اسمه ياسين.
خطيبى سحب الورقة من إيده وهو بياكلني بنظراته، مكنتش
بقى دي البنت الخام اللي مكلمتش حد قبلي؟ طالعة متجوزة ومخلفة ومخبية عليا؟ كنتي عايزة تلبسيني عيل مش ابني وتغفليني؟
حاولت أتكلم، أحلفله إنه غلط، إن عمري ما شوفت الشخص ده.. لكن صوته كان أعلى الفرح اتلغى، والشبكة هتجيلي لحد البيت، والناس كلها لازم تعرف حقيقتك يا مدام!
سابني وسط ذهول الموظفين ونظرات الناس اللي بتبصلي بقرف و تفتفه، قعدت على الأرض مش قادرة أصلب طولي.. أنا مين؟ وإيه اللي جاب الاسم ده هنا؟ ومين الطفل ده؟
روحت البيت وأنا ميتة من جوايا، لقيت الدنيا مقلوبة، خطيبي كلم أبويا وقاله كل حاجة.. بابا كان ماسك قلبه ومش مصدق، وأمي بتعيط وتلطم..
أبويا بصلي بعين مليانة دموع وقالي يابنتي قوليلي إن ده كابوس، أنتي عملتي كدا فينا ليه؟ ده أنا كنت بتباهى بيكي قدام الدنيا!
حكيتله وأنا بنهار إني معرفش حاجة، وإني عمري ما شوفت الشخص ده في حياتي..
أبويا سكت شوية، ومسح دموعه وقام وقف زي الأسد قومي البسي طرحتك.. إحنا هنروح للعنوان اللي في الورقة ده، وهنعرف مين اللي سرق اسمك وشرفك، ولو كان آخر يوم في عمري هجيبلك حقك.
وفعلاً، روحنا للعنوان، وهناك كانت الصدمة
تفتكروا مين الشخص اللي سجلها باسمه؟ وإيه السر اللي خفى الحقيقة دي ٣ سنين؟
القصه مدهشه وصلنا البيت اللي في العنوان اللي كان مكتوب في الورق شارع قديم، عمارات شبه متهالكة، والجو كله يوتر الأعصاب كأنه بيقولنا ارجعوا قبل ما تدخلوا
أبويا خبط على الباب بعنف
افتح يا اللي جوه! إحنا جايين نعرف الحقيقة!
ثواني وسكت المكان لحد ما الباب اتفتح ببطء شديد.
والمفاجأة راجل في أواخر الأربعينات، شكله عادي جدًا، لابس ترينج بيت، ووشه أول ما شافني اتلخبط بشكل غريب كأنه شاف شبح!
إنتِ هبة؟
أنا بصيت له بصدمة أيوه أنا وإنت مين؟ وإزاي اسمي موجود في ورق جوازك مني؟
الراجل رجع خطوة لورا، وبلع ريقه أنا أنا مش متجوز حد باسمك أصلاً!
سكتنا كلنا ثانية وبعدين أبويا انفجر يعني إيه الكلام ده؟ السجل المدني عنده وثيقة زواج وطفل باسمها!
الراجل مسك راسه أنا عندي مشكلة كبيرة من ٣ سنين حد سرق بياناتي وبيانات شخص تاني وبدأت تظهر حاجات باسمي في الحكومة بس أنا مكنتش فاهم إيه اللي بيحصل!
قلبي وقع أكتر يعني الموضوع أكبر بكتير من مجرد اسم غلط!
فجأة سمعنا صوت طفل صغير جاي من جوه الشقة بابا مين عند
الراجل اتجمد ووشه اصفر
ده ده مش ابني الحقيقي أنا خاطف الطفل ده من سنتين عشان أحميه!
الصمت هنا بقى مرعب لدرجة إن النفس نفسه اتقل
أبويا صرخ فيه إنت بتقول إيه؟ طفل مخطوف؟ واسم بنتي في الموضوع إزاي؟
الراجل قعد على الأرض وبدأ يعيط أنا كنت شغال في شركة بيانات اتورطت مع ناس كبار طلبوا مني أستخدم هويات ناس في تسجيلات مزورة ومن ضمنهم اسم هبة وبعدين الأمور خرجت عن السيطرة واتفاجئت إن في طفل اتسجل باسمها!
أنا رجليا مش شايلاني وبقيت أرجع لورا يعني أنا اتسجل عليا جواز وطفل ومحدش يعرفني؟ طب ليه؟ ليه أنا بالذات؟!
الراجل بصلي بخوف لأن اسمك الحقيقي كان في ملف حساس ملف مخفي عن الحكومة وانتي مش أول واحدة في بنات تانية حصلهم نفس الموضوع
في اللحظة دي باب الشقة اتفتح فجأة بقوة!
ودخل شخص تالت لابس بدلة سوداء ماسك ملف في إيده، وقال ببرود كفاية كلام كده كلكم عرفتم جزء من الحقيقة وده خطر عليكم دلوقتي!
أبويا وقف قدامه إنت مين تاني؟
الراجل ابتسم ابتسامة باردة أنا اللي مسكت ملف هبة وصدقني اللي جاي أخطر بكتير من جواز مزيف!
وفجأة بصلي وقال الجملة اللي خلت دمي يتجمد
إنتي مش هبة أصلاً إنتي اسمك الحقيقي اتشال من السجلات من ٣ سنين
ساعتها
