قبل فرحي

كلها كانت فيلم بيتعاد من أول وجديد بس المرة دي أنا مش بطلة أنا الهدف 
تكملة مرعبة جاية لو حابة نكشف مين ورا الملف وليه اسمها اتمسحالراجل اللي لابس البدلة السودا وقف قدامي كأنه بيقفل كل الأبواب في وشي مرة واحدة
إنتي مش هبة واسمك الحقيقي اتشال من السجلات من ٣ سنين.
ساعتها حسيت إن رجليا اتسحبت مني، وبصيت لأبويا يعني إيه الكلام ده؟ أنا بنتك! أنا اللي ربيتني قدامك!
أبويا كان واقف مصدوم، دموعه نازلة من غير ما يحس أنا معرفش أصدق مين دلوقتي عقلي مش مستوعب حاجة!
فجأة الراجل اللي جوه الشقة اللي قال إنه متورط في البيانات صرخ سيبها! دي مالهاش ذنب! أنا اللي غلطان!
لكن الراجل الأسود قرب منه وقال ببرود إنت خلاص انتهيت بس هي لسه قدامها دور مهم.
قرب مني خطوة، وفتح الملف اللي في إيده وطلع صورة قديمة جدًا ليا وأنا صغيرة بس في الصورة كان مكتوب تحتها اسم مختلف تمامًا!
شوفي دي هبة الحقيقية لكن انتي اللي واقفة قدامي دلوقتي بديل بيانات.
حسيت الدنيا بتلف بيا بديل بيانات؟ يعني إيه؟ أنا إنسانة! عندي حياة!
ابتسم ابتسامة خفيفة لأ إنتي كنتي هوية احتياط لعملية كبيرة. لما اتسرق ملفك، تم استبدال هويتك بهوية بنت تانية ماتت في حادث من ٣ سنين.
الصمت كان بيكتم النفس
أبويا فجأة مسك دماغه حادث إيه؟ بنت مين؟ إنتوا بتلعبوا بعقولنا!
الراجل الأسود رد بنت كانت شاهدة على أكبر قضية فساد واتمسح وجودها تمامًا واتسجل بدلها اسم هبة عشان يدفنوها وهي عايشة من غير ما حد يدور عليها.
قلبي كان بيخبط بعنف فجأة حسيت إن كل ذكرياتي مش ثابتة كأن حد بيهزها من جوايا.
وبعدين بصلي وقال بس المشكلة إنك بدأتي ترجعي تفتكري وده خطر عليهم.
في اللحظة دي فجأة النور قطع!
وصوت الباب اتقفل بقوة من غير أي حد يقفله 
وصوت طفل من جوه الشقة صرخ إلحقونييييي!
أبويا جري ناحية الصوت وأنا وراه لكن أول ما دخلنا
لقينا الطفل لوحده ماسك ورقة صغيرة ومرعوب!
الورقة كان مكتوب فيها لو عايزة تعرفي مين إنتي بجد اخرجي لوحدك دلوقتي وإلا الحقيقة هتموت للأبد.
وساعتها الراجل الأسود اختفى!
وكأن مكنش موجود من الأساس
وأبويا بصلي وقال بصوت مكسور يا بنتي انتي رايحة فين؟ الحقيقة دي شكلها هتضيعك!
لكن جوايا حاجة واحدة كانت بتتولد
مش خوف لأ
غضب 
وقررت لأول مرة في حياتي أنا هعرف أنا مين حتى لو هدمرت الدنيا كلها!
ولسه الخطوة الجاية هتغير كل حاجة خرجت من الشقة وأنا ماسكة الورقة بإيدي، قلبي بيدق كأنه هيطلع من صدري
أبويا بيجرّي ورايا استني يا بنتي! ما تمشيش لوحدك! دي لعبة أكبر مننا!
بس أنا كنت بقيت مش شايفة قدامي كل حاجة جوايا بتتفتت أنا مين؟ وليه أنا بالذات؟ وليه كل ده حصل في لحظة واحدة؟
وقفت فجأة في نص الشارع وفتحت الورقة تاني
كان مكتوب فيها عنوان تاني بس المرة دي بخط مختلف تمامًا مخزن قديم طريق مصر القديمة الساعة 12 بالليل
وبس
أبويا مسك الورقة مني ده فخ يا بنتي محدش عاقل يروح مكان زي ده!
بس قبل ما أرد الموبايل بتاعي رن!
رقم غريب صوت رجل نفس اللي لابس البدلة الأسود!
لو عايزة الحقيقة بجد تعالي لوحدك. ومعاكيش حد. ولا حتى أبوكي.
قفلت السكة
وأبويا بصلي بصدمة ده بيراقبك! إحنا لازم نبلغ الشرطة!
لكن أنا فجأة حسيت إن جوايا حاجة بتدفعني أروح كأن في حد بيناديني من سنين ومش سامعة صوته غير دلوقتي.
بليل
روحت لوحدي.
المكان كان مخزن قديم، أبوابه حديد، وصوت الهوا جواه بيصرخ كأنه حد بيتعذب.
أول ما دخلت الباب اتقفل ورايا لوحده 
وصوت نفس الراجل جه من الضلمة أخيرًا وصلتي.
طلع من الظل بس المرة دي كان في حد تاني معاه
ست!
وشها مألوف جدًا بس مش قادرة أفتكر منين
قربت مني وقالت بهدوء مرعب أنا اللي كنت هبقى مكانك بس ماتيت بدل ما أهرب.
اتجمدت إنتي مين؟
ابتسمت أنا هبة الحقيقية
الدنيا كلها وقفت في لحظة واحدة 
بصتلها وأنا مش قادرة أتنفس إزاي؟! أنا شايفة صورتي! أنا اللي اتقال عليها كده!
هزت راسها لا إنتي كنتي الغطاء. أنا اللي كنت شاهدة على كل حاجة وأنا اللي كان لازم أختفي.
الراجل الأسود ظهر تاني وقال عشان كده إحنا عملنا استبدال الهوية واحدة تمسح وواحدة تتزرع مكانها بس واضح إن النسخة البديلة بدأت تصحى.
وبصلي وقال الجملة اللي كسرتني
وجودك دلوقتي خطر على النظام كله ولازم تختاري تمحي نفسك أو تمحي الحقيقة.
في اللحظة دي
سمعت صوت أبويا من بره بيخبط على الباب جامد افتحي!! أنا عرفت المكان!! افتحي حالًا!!
والراجل ابتسم أسرعي الوقت خلص.
وبقيت واقفة بين اختيارين
يا أختفي أنا للأبد
يا أفتح الباب على حقيقة ممكن تدمر كل اللي حواليا 
ولسه القرار اللي هياخد حياتي كلها على وشك يتاخدوقفت في النص صوت أبويا برّه بيخبط كأنه هيكسر الباب
افتحي يا بنتي! أنا عرفت إنك جوه! متخافيش!
والمخزن كله كان بيهتز بصوت الخبط
الراجل الأسود قرب مني تاني وقال بهدوء مخيف القرار دلوقتي يا تختفي، يا الحقيقة تفضحك وتفضحنا كلنا.
بصيت له وبصيت للست اللي بتقول إنها هبة الحقيقية
وسألت بصوت مكسور طب وأنا؟ أنا إيه بالظبط؟
الست ردت إنتي مش ذنب إنتي نتيجة جريمة. بس لو فتحتي الباب دلوقتي كل حاجة هتتحرق.
سكت لحظة
وبعدين سمعت صوت أبويا بيعيط برّه أنا