اسكريبت بقلم مارينا عبود حواديت راكان و ايميليا

أي مكان غير بيتك.
بصيت له وابتسمت بهدوء الحقيقة إني أنا كمان كنت مستغربة نفسي معرفش إذا كنت نمت إمبارح من تعب اليوم ولا لأني كنت مرتاحه ومطمنه من أول لحظة دخلت فيها الشقة بس كان في سؤال برضوا بيدور في دماغي فقررت اسأله وأعرف منه الإجابة.
هو أنا ممكن اسألك سؤال
وقف أكل وبصلي بإهتمام
أكيد اتفضلي.
هي إزاي الشقة كلها متصممه على ذوقي كده معقولة للدرجادي ذوقك مشابه لذوقي ولا في حاجة أنا مغرفهاش
عيونه دارت في المكان وعلامات التوتر ظهرت على وشه ابتسم وأخد نفس عميق وبصلي بس قبل ما يتكلم الباب خبط وللاسف كانوا أهلي وأهله قعدنا جنب بعض نستقبل التبريكات منهم كان كل شوية يبصلي ويبتسم مر الوقت واستقبلنا كل الناس إللي جت تباركلنا بس فجأة لقيته لابس وخارج! قربت منه وسألته في استغراب شديد
رايح على فين
نازل الجيم محتاجة حاجة 
ضحكت بصوت عالي وقلت
لا ولله! أنت أكيد بتهزر صح معقوله في حد ينزل من البيت يوم صباحيته
ضحك وبصلي بسخرية
صباحيته!! هو أحنا هنعيش الدور ولا إيه يا إيمي 
كتمت ضحكت وقلت بغيظ
أنا وأنت بس إللي نعرف أن جوازنا دا لعبة واتفاق بينا ولكن الناس بره متعرفش حاجة!
بس أنا آخر حاجة ممكن تهمني هي كلام الناس وبعدين أنا أكيد مش هتحبس هنا في الشقة يعني.
أنا مقولتلكش هتتحبس بس على الأقل اقعد اليومين دول.
لا أنا مش هقعد دقيقة وحده في البيت.
اتنهدت تنهيدة طويلة وبصيت له بقلة حيلة راكان مش هينفع معاه العند أظن لازم اجرب طريقة تانية كتمت ضحكت وقربت وقفت قدامه وقلت بمكر
يعني أنت يرضيك صحابك في الجيم يضحكوا عليك وبعدين الناس تقول إيه سايب عروسته من تاني يوم جواز!! أنت لو نزلت دلوقت الكل هياخدك محتوى للتريقة يرضيك حد يتريق علينا ويجيب سيرتنا فكر فيها شوية أو على الأقل فكر فيا أنا.
رفع حاجبه وبصلي من تحت لفوق للحظة حسيت أنه أقتنع بكلامي ففرحت لكن فرحت مكملتش لما ابتسم بسماجة وقال ببرود
متحاوليش تقنعيني برضوا مش هتعرفي ابعدي من قدامي.
مشي من جنبي وطلع من الشقة بصيت لطيفه بصدمة وقربت قعدت على الأريكة وأنا بأكل في نفسي وبشتمه ياربي معقوله في كده دا لو عبيط مش هيعمل كده! لحظات وباب الشقة اتفتح ودخل وهو بيبصلي بضيق بصيت له بإستغراب! قفل الباب وقرب رمى المفاتيح على الترابيزة وقال بتوتر
أنت عندك حق أنا لو نزلت دلوقت الناس هتأكل وشي حاسس إني هيبقى شكلي بيئة أوي لو نزلت.
حطيت إيدي على بوئي وضحكت بصوت عالي فابتسم وقال بغيظ وهو بيرمي نفسه على الأريكة 
بطلي ضحك وقوليلي هنعمل إيه أنا مبحبش القعدة الممله دي.
وقفت ضحك وغمزتله
متقلقش أنا هروقك على الأخر.
هتعملي إيه
هتعرف.
فضلنا أسبوع قاعدين في الشقة كل يوم كان أجمل من التاني أوقات كنا بنحكي ونتشارك الحواديت وأوقات كنا بنلعب كأننا أطفال صغيرين نعمل اكله حلوه نقعد قعده لطيفة قدام فيلم بنحبه وأوقات كان بينزل عند عم محمد إللي تحت البيت يجبلنا تسالي ونسهر في البلكونة لحد الصبح أو ندخل المطبخ نفنن أنا وهو في الأكل في الكام يوم دول شاركني تفاصيل شغله ذكرياته المجنونه في الجامعة مع صحابه شاركني كل حاجة عنه وأنا كمان حكيتله عن حاجات كتير عمري ما فكرت احكيها لحد.
قوليلي الفراشة بتعملنا إيه على الغداء النهاردة
بصيت له وقلت بحماس
بعملك صنية مكرونة بشاميل هتأكل صوابعك وراها.
دا إيه الجمال والحلاوة دي! أشطر ست بيت ولله.
بصيت له وابتسمت شخص جميل مرح لذيذ بيدعمني في كل خطوة حتى لو كنت صغيرة بيفرح بأي مجهود بعمله حتى لو كان بسيط حاسه أني بدأت فعلا اتعرف عليه من أول وجديد ودا شيء جميل جميل أوي.
طمني شغلك ماشي كويس ملاحظه أنك بقالك كام يوم مضايق بسبب الشغل أتمنى تكون كل الأمور بقت كويسة.
كان قاعد بيأكل طمطماية قدامي على الرخامة وقف أكل وبصلي بإبتسامة
متقلقيش كان في مشكلة بسيطة والحمدلله اتحلت بس ادعيلي المشروع بتاعي يتقبل.
بإذن الله يتقبل أنت اشتغلت وسهرت كتيرر عليه وأكيد ربنا مش هيضيع تعبك.
ابتسم وقال بهدوء
بإذن الله بس قوليلي بقى إيه الحكاية معاك اليومين دول
حكاية إيه
سألته بإستغراب فضحك بخفة وقال بمشاكسة
يعني.. بقالك كام يوم مهتمه بيا بتعمليلي كل الأكلات إللي بحبها وكمان بتاخدي بالك لما بكون مضايق ومضغوط في الشغل وبلاحظ أنك بتحاولي تعملي أي حاجة علشان تخلي نفسيتي أحسن وتخليني مبسوط وبصراحة دي حاجة غريبة بالنسبالي!!
ابتسمت بخجل وبصيت الناحية التانية أنا فعلا مهتمه بيه ودا لأني بعد تفكير كتير قررت انجح العلاقة دي واشوف الجانب الحلو منها قررت أخد بنصيحة ميرا واشوف راكان بصورة مختلفة عن إللي وخداها عنه ومرسومه ليه في دماغي والقرار دا أخدته قبل الفرح بفترة بسيطة وتحديدا بعد ما عرفت أن هو معجب بيا وبيحاول يخبي وأن قرار طلب إيدي كان قراره هو وأن كل إللي هو كان بيعمله الفترة إللي فاتت كانت لعبه عاملها مع ماما وخالتي والحقيقة إني أنا كمان حبيت اللعبة دي بس كمان منكرش إني بدأت فعلا اشوف الجانب الأجمل والأحن منه عرفت عنه حاجات كتير جميلة وطلع فيه صفات كتيرر حلوه وحنينه زي ما كنت بتمنى.
طيب إيه مش هتقوليلي برضوا إيه إللي بيدور في دماغك أنا بدأت اقلق منك.
ضحكت وقلت بمرح
طيب روح حط الاطباق على السفره وانتظرني.
بربش بعنيه وقال بمكر
ماشي هعرف بطريقتي يا ويلك لو كنت بتخططي لحاجة من ورايا.
نزل أخد الاطباق وطلع بصيت لطيفه وضحكت جوايا إحساس إني خلاص بدأت اقع في حبه ودا شيء مكنتش اتوقعه في يوم من الأيام! أنا وراكان يكون بينا قصة حب ويجمعنا بيت واحد ونعمل أنا وهو أسرة وبيت! أحلام العصر بالنسبالي.
كل دا نوم يا ست دا أنت نايمة من الصبح!!
كنت مفتحه عيوني بصعوبة سامعه صوته بس مش قادرة اقوممش قادرة اتحرك حاسه بتعب في كل جسمي حتى الرؤية مشوشه قدامي من الصداع الشديد إللي هيفرتك دماغي وشي كان بيطلع نار من السخونة معرفش إيه إللى حصلي في يوم وليلة!!
إيميليا أنت كويسه قومي كلميني.
مردتش عليه لتاني مرة فأستغرب وقرب قعد جنبي حط إيده على رأسي وملامحه اتبدلت للخوف بص حوليه وقال بقلق
يخرب بيتك دا أنت جسمك مولع نار!!
حط المخده تحت رأسي وقام بسرعة جابلي كمادات قعد جنبي وقال بخوف
متخفيش أنا كلمت الدكتورة وشوية وهتيجي أنت هتبقى كويسة بإذن الله هتبقى كويسة.
كان بيحطلي الكمادات وإيديه بتترجف بشكل بسيط من الخوف كان أول مره اشوفه خايف كده من سنين! كنت مبسوطة بخوفه اهتمامه عيونه إللي بتبصلي وكأنها بتترجاني أكون كويسة وبخير إيديه إللي بدلك إيديا بحنان! وصوته الحنين وهو بيقول
متخفيش يا حبيبي هتبقي كويسة.
حبيبي! كانت أول مرة اسمعها منه صوت دقات قلبي بقى عالي عيوني لمعت