عاشقي السري بقلم اسراء ابراهيم

اسكربت 

عايزة تفسخي خطوبتنا عشان امي هتعيش معانا ليه كدة يا ندي مكنتش اتوقع منك كدة ابدا
قالها معاذ وهو بيبص لندي بغموض وهو ماسك ايديها بس هي سحبت ايديها وهي بتبص بعيد بتوتر و بتقوله بتردد 
بصراحه يا معاذ انا مكنتش متخيلة ان ده ممكن يحصل انت قولت لاهلي لما اتقدمت اننا هنقعد في شقتك اللي فوق مامتك لكن مجبتش سيرة ان مامتك هتعيش معانا في نفس الشقة
اتنهد معاذ بحيرة وبعدين اتكلم بتوتر وهو باصص لندي خطيبته 
بصي يا ندي انا منكرش ان ده حصل بس قبل سفر عمر اخويا وانتي عارفة ان امي مالهاش غيري بعد ما هو سافر وخصوصا انها هتقعد لوحدها وانا مينفعش اسيبها تعيش لوحدها
مسكت ندي ايد معاذ برجاء وردت باندفاع وهي بصاله وبتترجاه بعنيها 
واحنا مش هنسيبها يا معاذ صدقني احنا كل يوم هننزل نتغدي معاها ونقعد معاها وهي برضه لما تحب تطلع لينا تتفضل في اي وقت لكن انها تعيش معانا صعب اوي صدقني
كشر معاذ ورد باستغراب من رد فعل ندي علي الانفصال بحياتهم عن امه 
انا مش فاهم ايه اللي مخليكي رافضة الموضوع ده اوي كدة يعني مش امي دي اللي بتعتبريها امك مش ده كلامك يا ندي
ندي كانت

مترددة تتكلم بس نظرة الاتهام في عيون معاذ هي اللي خليتها تتجرأ وترد عليه بحزن من شكه فيها وانها انسانة وحشة عشان رافضة انها تقعد مع امه 
انت فاكر اني وحشة يا معاذ مش كدة هو ده اللي انت اخدته عني عشان رافضة الموضوع وانا مكنتش راضية اتكلم في النقطة دي بس انت اللي اخترت ده انا رافضة لان مامتك اصلا مش متقبلاني مامتك يا معاذ مش بتحبني وده انا بلاحظه في كلامها معايا ومقابلتها ليا وهو ده اللي مخوفني من اني اوافق علي الخطوة دي بس مش هيفرق كلامي طالما انت شايفني وحشة سلام يا معاذ
قامت ندي بعد ما قالت كلامها وفي نفس الوقت قام معاذ هو كمان واتكلم بلهفة وهو بيمسك ايد ندي عشان متمشيش 
ندي لو سمحتي اقعدي خلينا نتكلم بس انا اسف اني اضايقت عليكي بس فعلا انتي متعرفيش الضغطة اللي انا فيها بسبب الموضوع ده وامي كمان طول الوقت محسساني اني هسافر واسيبها مش هتجوز ارجوكي اعذريني وخليكي جمبي متتخليش عني
ندي كانت باصة في عيون معاذ وصعب عليها اوي حالته والحيرة اللي هو فيها فاتنهدت بحيرة وهي بتقوله 
سيبني افكر لو سمحت يا معاذ من غير ما تضغط عليا ولو موافقتش اتمني متزعلش مني بس سيبني اخد رأي بابا وماما واتكلم معاهم رغم اني عارفة انهم مش هيوافقو ابدا علي الموضوع ده

نعم تقعدي مع امه في شقة واحدة لا طبعا قوليله مع السلامة 
قالتها زبيدة بحدة وهي واقفة وبتبص لندي بنتها وبعدين كملت كلامها بسخرية 
مش كفايا انه مجبش شبكة عدلة وكمان عايز يقعدك مع امه دي ولية عقربة وانتي عارفة يبقي بالسلامة
ندي بصت لامها بتردد وكانت خايفة تتكلم وبصت لسعيد ابوها واستنت انه يتكلم ويقول رأيه وفعلا قالها بهدوء 
وانتي يا بنتي قولتيله ايه لما قالك كدة
ردت ندي بحيرة وهي بتبص لابوها بتردد 
والله يا بابا انا قولتله هاخد رأي امي وابويا واشوف هيقولو ايه
اتدخلت زبيدة وردت بضيق وهي بتبص لندي بغيظ 
انتي هبلة يا بت المفروض كنتي رميتي دبلته في وشه وقولتيله مع السلامة هي دي لسة فيها هسأل وارد عليك
مردتش ندي ولا علقت علي كلام امها فبصت زبيدة ليها بشك وقربت منها وهي بتقول 
بت انتي سكوتك مش مريحني انتي موافقة علي كلام خطيبك ده موافقة تقعدي مع امه اللي مش بطيقك في شقة واحدة 

بعد تلات سنين كانت واقفة ندي وهي بيتكتب كتابها علي عمر اخو معاذ كانت سرحانة في التلات سنين اللي فاتو وفي كل تفاصيلهم من يوم ما وافقت وطاوعت قلبها واتجوزت معاذ ووافقته علي قرار انها تقعد ما هدي مامته وافقت لانها كانت بتحبه وللاسف الحب ده اختفي من اول يوم جواز ليها من وقت ما معاذ ساب امه تتحكم فيها وفي كل تفصيلة في حياتها افتكرت لما كانت بتتهان منه لمجرد ان امه ظلمتها وقالت عنها كلام محصلش مكنش حتي بيتعب نفسه ويسألها شخصيتها ماتت بسببه حتي اهلها لما لجأت ليهم رفضو يساعدوها وخلوها تتحمل نتيجة اختيارها الغلط لحد اليوم اللي جابت فيه جنة بنتها اللي كانت بتقويها علي كل حاجة كانت بتحصل بعد كدة لحد اليوم اللي معاذ مات فيه ووقتها ندي حست انها اخيرا هتتحرر وتاخد بنتها وتهرب من السجن اللي حكمت علي نفسها بيه بس حماتها كان ليها رأي تاني وحكمت عليها تفضل في نفس السجن بس باختلاف السجان ضغطت عليها ببنتها نقطة ضعفها الوحيدة ومكنش قدامها حل غير انها توافق علي الجواز من عمر اخو جوزها اللي كلمته عشان يجي بسرعة ويتمم جوازه منها عشان متعرفش تهرب فاقت من سرحانها علي صوت المأذون وهو بيعلن بجملته انها بقت مرات عمر رسمي ندم اجتاح كيانها وهي شايفة عمر بيسلم علي الموجودين بابتسامة رسمية وهدي اللي نقلت عنيها