حواديت رحيم بقلم رؤيا محمد 1

ودنيا كانت تمام لحد الساعة حداشر ونص المطعم كان بيفضى ومكنش فيه غير كام زبون.
الأكل ناقص ملح يا آنسه.
عند حضرتك ملاحة ممكن تزود بيها الملح للمقدار اللي تحبه.
فين دي
اتنفست بهدوء وقربت ومسكتها من على الترابيزة لكني لقيت أيده بتتحط على أيدي حاولت اسحب أيدي بعنف لكنه كان متبت فيها فزعقت
لو سمحت سيب أيدي.
استني بس يا قمر.
بقولك سيب أيدي يا حيوان.
شد أيدي نحيته أكتر
ليه بس الغلط يا حلوه
كنت هرد لكن وقفني صوت زعيق وحد بيشد الشخص اللي قدامي بقوه.
أنا هقولك ليه الغلط يا روح امك.
بعدت وأنا بتابع الخناقة كان هو مكنتش متفاجئه لأني شوفت الساعة بتاعته اللي نساها وشيلتها معايا وكنت هرجعاله ومتفهمونيش غلط أنا كنت هرجعاله بس.
كان الراجل مشي بعد ما اخد العلقة التمام يلا نصيبه الساعه كانت خلاص اتناشر والمطعم فاضي من الناس إلا أنا وهو.
دخلت جيبت شنطتي وساعته وابتديت اقفل المطعم.
اتفضل ساعتك.
مش هتشكريني حتى
أنت كمان مديونلي بشكر على فكره فواحده قصاد واحده وكده خالصين.
شكر عن إيه
شاورت على أيده
عن ساعتك مثلا.
مكنتش اعرف إنك بتشتغلي هنا عمري ما شوفتك.
همست بصوت واطي
عشان مبتشوفش.
بتقولي حاجه
بقول لأن المطعم بتاعي ومعظم الوقت بكون قاعده برا بتابع الشغل او ببقى في المطبخ فطبيعي متشوفنيش ده غير إنك اصلا بتيجي تشرب قهوتك وتفضل حاطط راسك في اللاب وتخلص تمشي.
أنا آسف للمره التانية أنا مكنتش اقصد اللي قولته ساعتها ولا اللي قولته انهارده.
خرجت من المطعم وهو ورايا وابتسمت.
عشان حركة الجدعنة اللي عملتها معايا اعتذارك مقبول يا سيدي.
عال أوي.
فضلنا ماشيين كنا ساكتين على عكس قلبي وعقلي اللي بيتكلموا وبيسألوا ليه ليه ساكته وماشيه معاه وليه فجأة بقى موجود والآية اتقلبت وليه..
مكنتيش بتيجي الأيام اللي فاتت ليه
ليه
ليه إيه
ليه بتسأل وعشان إيه
كنت حابب اعتذرلك عن موقفي.
اديك اعتذرلت خلاص.
يعني مش ناويه تقولي
اقولك ليه اصلا أنا اعرفك منين ولا أنت كنت تعرفي منين عشان تعرف أنا مكنتش باجي ليه.
نتعرف يا ستي صحاب
فكرت ثانيتين إلا ربع وكان قراري.
صحاب يا سيدي وماله.
رحيم عبدالعزيز.
رؤيا عبدالله.
عارف.
ماشي يا عم العارف تصبح على خير.
وأنت من اهله.
ومن هنا بدأت الحكاية بعد ما كل هدفي أظهر نفسي في حياته بقيت جزء من حياته وهو كمان بقى ليه دور اساسي بقا لما الحياة تميل بيا اجري عليه واحكيله لما احتار بين الفستان الاحمر ولا الأزرق بقيت اروحله وهو يختار عرفت عنه حاجات كتير زي أن والده متوفي وعايش مع مامته بقينا عارفين مخاوف بعض وفاهمين بعض بقينا نشرب القهوه كل يوم الصبح واحنا بنحكي في إي كلام يعدي عليا بليل ونتمشى ويوصلني لحد البيت وننهي اليوم بأرق تصبحي على خير يا كل الخير بقينا اتنين حبيباه بيتداروا في توب الصحاب.
بتتصل ليه معندكش ثقافه أن الناس بتكون نايمه الوقت ده
عندي اجتماع في الشغل ومش عارف البس إيه.
قول الأوبشنات اللي عندك وامري لله.
اوبشنات
يعم خلصني.
ماشي القميص الأبيض على البنطلون الرمادي والبليز الرمادي ولا على البنطلون الاسود والبليز الاسود
الأسود أكيد.
خلصانه هلبس الرمادي.
حسبي الله في دي معرفه يا اخي.
كنت بقلب على التايم لاين بدون هدف ولقيت بوست لبنت بتسأل عن عنوان محل وحبيب قلب مامي كان بيوجب في الكومنتات.
بعتله اسكرين بالكومنت.
إيه ده غالي
إيه
هتستعبط كتير هنكد عليك.
كومنت بريء.
والكومنت البريء ده مكنش ينفع تنهيه ب لو معرفتيش على الوصف ده تعاليلي خاص.
مساعدة الغير واجبة على كل مسلم موحد.
وحياة طنط ابتسام
خلاص متكبريش الحوار ده كان كومنت والبنت مجتش اهي.
لا ما أنا اللي جيتلك يا حبيبي.
حبيبك
بصيغة الخناق متعيش الدور.
طب إيه
عارف يا رحيم لو شوفتك بتوجب مع حد تاني بقلبك الحنين ده هقلب عليك.
يعني ابخل بالمساعدة غيري
لأ وتبخل ليه لما اروح اساعد الغير أنا كمان.
ماشي.
هتسيبني اساعد يعني
ابقي اطلعي برا الشات ولا ابقى اشوفلك كومنت كده ولا كده.
شوفت المسدج وسكت هو عادي أني ابقى غيرانه بالشكل ده الغيره دي احساس صعب بدون مقدمات تحس أنك مش مرتاح وفي هوا وفراغ في قلبك بس فراغ مؤلم على شويه عدم راحه وأسأله تجيبك وتوديك من عقلك ساعات ببقى عايزه امشي اهرب اختفي كل ما بفتكر أنه مش من حقي أغير وهما الصحاب بيغيروا على بعض هو ينفع الصحاب يغيروا على بعض.
طب على فكرة بقى دي بنت خالتي وانا كنت بهزر والله.
لمحت المسدج من برا وابتسمت اللي بيودي ويجيب بقى اكتر من احساس الغيره هو احساس الحب لما القلب يخرج عن طوعنا بدون سابق إنذار نحب ونقع على وشنا.. ونفرح وقلبنا يكون راضي في النهاية.
بص أنا هخلص كل عندي انهارده بحيث اذاكر بكره جامد اوي.
من اول الترم وأنت بتقوليلي البوئين دول.
قصدك إيه بالقلام الماصخ ديه.
قصدي أنك مش ناويه تتخرجي السنه شكلك.
اتكلم بأدب يا ولد إيه مش ناويه تتخرجي دي اسمها عندك ولاء وحب للكليتك ومش قادره تفرقيها.
معرفتكيش