حواديت رحيم بقلم رؤيا محمد 1

أنا كده.
لأ بجد هريح دلوقتي وبكره هبدأ مذاكره جامد.
دخلت المطعم الصبح ابتسامتي كانت مرسومه عندي احساس ان العصافير بتغني من حواليا الشمس طالعة بشكل يفتح القلب اليوم مناسب لحاجات كتير حلوه ممكن تتعمل ومناسب لدقة قلب لنظرة مليانه بالحب وبالدفا ول.. ولنكد والخناق بردو ميضرش يا رحيم قربت من الترابيزة بتاعتنا اللي دايما بنقعد عليها انا وهو أنا وهو بس مين السنيورة اللي قاعد معاها بقى
صباح الخير يا رؤيا.
جزيت على سناني وابتسمت بغيظ
صباح الخير يا رحيم صباح الخير جدا.
كنت حابب اعرفك على ندا كانت زميلتي في الجامعة ولسه متعينه معايا في الشركة.
اهلا وسهلا يا ندا.
لفيت وشي نحيته وأنا بجز على سناني بغيظ وبميل عليه
عايزاك دقيقة.
لازم يعني
قوم يا حنين.
معلش يا ندا يا حبيبتي ثواني وراجعين احتمال نتأخر عادي يعني.
طلعنا برا المطعم خالص.
في إيه وبعدين هنتأخر ليه ورانا إيه
مين الأموره
ندا كانت معايا في الجامعه و..
ومتعينه في الشركه جديد عرفنا إيه اللي جايبها هنا
يعني ادعيلي يمكن يكون في مشروع حب وجواز ولا حاجه.
يا نصيبتي.
نصيبة إيه في ايه
إيه اللي عجبك فيها دي 
حاجات كتير.
زي إيه دمها خفيف بتهتم بيك مثلا بتكلمك كل يوم تصحيك وهي اصلا لا بتحب الصحيان بدري ولا بطيقه بتختار معاك لبسك وتوصفلك الاكله في عز الليل جمبك من غير حتى ما تطلب فيها حاجه من دول يا رحيم تحبها بيها
اومال هحب مين يعني أنت الوحيدة اللي فيك كل ده هحبك أنت هحب اختي
الوقت وقف لثواني العصافير صوتها اتحول لنحيب الشمس اللي كانت طالعه غربت في لحظة والفرق الوحيد أن كل ده في عيني أنا وبس واجهت كل ده ورسمت ابتسامه باهته زي كل شيء حواليا
حوش أنا اللي في دباديبك يعني.
كل أسألتك دي ليه بقى
رسمت على وشي ابتسامه باهته
الله مش بطمن عليك وعلى مرات اخويا المستقبليه.
اخوك
طبعا اخويا ويلا عشان متتأخرش على ندا يلا.
طب أنت رايحه فين
افتكرت حاجات في البيت مهمه لازم اعملها سلام.
طب استني اجي اوصلك.
رجعت لورا بسرعه وهزيت راسي برفض كذا مره وكأني بعود نفسي قبل ما اكون برفض.
لأ هروح لوحدي مع السلامه.
ومن هنا انتهت الحكايه زي ما ابتدت وبعد ما ظهرت اختفيت دوره الاساسي مبقاش موجود والحياة لما بقت تميل مبقتش بجري عليه وبقيت بجري على أوضتي اعيط والوم نفسي على غبائها ألومني بدل المره ألف إني جازفت بقلبي في حرب خسرانه مبقتش احتار بين الفساتين بقيت اللي يجي في أيدي باخده بدون ما اعاند وافكر لا قهوه بقت تتشرب ولا المطعم بقى يتراح لا بنزل من البيت ولا بشوفه عشان ينهي اليوم ب تصبحي على خير يا كل الخير قررت معاندش مع الدنيا كتير قررت ابعد بكل هدوء.
أنت مبترديش ليه
..
طب طمنيني عليك طب.
..
على فكره اول ما تردي مش هسكتلك على عدم ردك ده.
..
طب أنا عملت إيه ضايقك طب
..
ردي عليا ودلوقتي حالا.
..
أنا تحت البيت لو منزلتيش هطلعلك.
..
حتى بيتك مش موجوده فيه طب أنت فين مش عايز غير انك تطمنيني.
..
أنا مش هبعتلك تاني على فكره.
..
طمنيني عنك.
..
أنا تعبت.
سافرت اسكندرية حاولت ابعد على قد ما اقدر واسيبله وقته يمكن الوقت يفهمه أن مفيش قلب هيحبه زي.
كنت قاعده على البحر وفجأه قعد قدامي.
مش عيب لما توقعي شاب كتكوت زي في بداية عمره في حبك وتهربي يا استاذه دي حركات ولاد الناس
رحيم
سند وشه على كفه وبكل الراحة اللي في الدنيا
مشيتي ليه قولي متداريش عليا حاجه أنا ستر وغطا عليك يا اختي.
اختك
انا قولت بردو أنت متجيش اختي أنت تيجي مراتي حبيبتي قره عيني حاجه في الرينچ ده.
أنت عرفت مكاني ازاي
مشيتي ليه وسبتيني لوحدي.
مكنش مكاني من البداية.
كنت محتاج افهم شعوري تجاهك تجاه واحده ظهرت في يوم قالتلي كلمتين ميقولوش غير انها مجنونه ورغم جنونها ده بقت بين يوم التاني كل حياتي.
سندت كفي على أيدي وانا ببتسم.
وفهمت
وعرفت.
وعرفت إيه يا سيدي
إن دي مش حركات ولاد ناس مينفعش اسيبك وقعه في حبي كده ولازم اعمل حاجه.
هتعمل ايه
هتجوزك وامري لله.
وجودك بجانبي مثل من تمنى نجمة صغيرة ولكنه قد فاز بالمجموعة بأكملها.
رؤيا_محمد.
حواديت_رحيم.