حبي الحقيقي بقلم هاجر نور الدين
بصيتله برفعة حاجب وقولت
ومتأكد منين إني جاية?
إتكلم بثقة وهو بيرفع راسه ل فوق
أنا عمر برضوا مش آي حد
كتمت ضحكتي علي شكله وقولت وأنا بوجه نظرى للكمبيوتر
ماشي ياللي مش آي حد ممكن علي مكتبك عشان أشوف شغلي
إبتسم وهز راسه وراح لمكتبه مش عارفة ليه نظراته كانت موتراني ومخلياني قاعدة مش علي بعضي كدا مع إن هي هي نفس النظرات بتاعت كل يوم ك عادة عمر بس أنا مش عارفة مالي النهاردة بجد خلصت المشروع اللي بشتغل عليه وقومت وأنا بفرد ضهري لأني تعبت من القاعدة ونزلت أتمشي شوية في جنينة الشركة تحت وأنا بشرب نيسكافيه لاحظت واحدة ست كبيرة في السن متكومة علي نفسها كدا وقاعدة في ركنة بعيد ركنة ضلمة!!
مع إننا بالنهار بس المكان اللي هي قاعدة فيه ضلمة بصيت حواليا ومتلاقتش حد غيري في الجنينة ف قربت منها يمكن محتاجة مساعدة أو حاجة قربت منها وأنا بقول
أقدر أساعد حضرتك بآي حاجة?
رفعت راسها وفكت التكويمة بتاعتها وقامت وقفت وهي بتبصلي بشكل مريب خوفني وفكرت إني عايزة أمشي من قدامها بس إتسمرت مكاني أول ما قالت
مش ناوية تتعلمي من أخطائك شوية يامروة?
بصيتلها بأستغراب وصدمة وقولت
إنتي مين وعرفتي إسمي إزاي??!
ضحكت وقالت
أنا أعرف كل حاجة عنك بس إنتي اللي مش عارفة حاجة عن نفسك خلي بالك صفحة حسين متقفلتش هو ناويلك علي نية وإنتي و نصاحتك يا تفهميها وتتعلمي من أخطائك أو هتقعي في نفس الفخ والمرة دي مش هتعرفي تقومي تاني
بصيتلها برعب حقيقي وقولت
إنتي مين وعارفة كل دا إزاي وإي اللي بتقوليه دا
مش مهم أنا مين المهم هقدر أقدملك إي هشوفك تاني يامروة
إختفت!!!!
دي بجد إختفت من قدامي!!
هو إي اللي حصل دا أكيد دي مش بشر طب كان تهيؤات!
الجزء الخامس هاجر نورالدين
هو إي اللي حصل دا أكيد دي مش بشر طب كان تهيؤات!!
فوقت من أفكارى وعمر قدامي وبيقول
مالك يا مروة إنتي كويسة?!
بصيتله بإنتباه وقولت بسرعة وأنا بمسك إيديه وأنا مش واخدة بالي وبمشي
تعالى أنا شكلي إتجننت
رد عليا بإستغراب وهو ماشي معايا
مالك في اي ?
أنا كويسة بس شكلي جعانة أو خدت ضربة شمس
ركزت بعد شوية أني ماسكة إيديه وسبتها بسرعة وقولت بتوتر
أاا تاكل?
أنا أصلا كنت جايلك عشان أقولك إني هجيب أكل لينا كنت هسألك تاكلي إي
آي حاجة ياعمر عادي
خلاص هطلبلك مكرونة ايطالي وكانز زي مابتحبي
بصيتله بإنتباه وإكتفيت بإبتسامة وهزيت راسي وهو راح عشان يطلب الأكل روحت قعدت في كافتيريا الشركة وأنا بفكر في اللي حصل ولحد دلوقتي مش مستوعبة بس هديت أفكارى وقولت يمكن بيتهيألي عشان مكالتش ومهبطة شوية ف بقيت أشوف حاجات غريبة ضحكت علي أفكارى وإني فعلا صدقت إني شوفت واحدة إختفت قدامي جه عمر وف إيديه الأكل والبيبسي وباصصلي بإستغراب وهو بيسأل
مالك في اي بتضحكي علي اي
بصيتله بإنتباه وقولت وأنا بعدل ملامحي وقعدتي الهبلة وقولت
مفيش سرحت بس شوية عادي
بصلي وهو بيديق عينيه بشك وقال
إنتي فيكي حاجة مش طبيعية
برق عينيه فجأة وقال بصوت عالي نسبيا
بتحبي حد ولا إي?!!!
بصيت حواليا بإحراج وقولتله وأنا بجز علي سناني
وطي صوتك ياعمر في اي لأ مش بحب حد كل الموضوع إني زي ماقولتلك سرحت شوية وضحكت غصب عني عادي فيها اي يعني
بصلي بشك وهو مديق عيونه وقال
ربنا يفرحك ويضحكك كمان وكمان إقعدي يلا عشان ناكل
كتمت ضحكتي علي شكله وقعدت كلت وبعد ماخلصنا أكل قال
إنتي هتقومي ولا إي إستني فيه آيس كوفي جاي و دونتس
بصتله وقولت
آيس كوفي ودونتس!
عمر إحنا في الشغل
مش فاهم!
اي يعني في الشغل هو أنا بقولك بحبك دا أكل عادي
بصتله بصدمة من الكلمة وسيبته ومشيت مش عارفة ليه قلبي كان بيدق من ساعة ماقال الكلمة دي بس مش مهم أنا هركز في الشغل وبس بعد شوية وأنا قاعدة بكتب علي الجهاز بتاعي لاقيت واحدة حلوة أوي جاية وجايبالي معاها آيس كوفي ودونتس وبتقولي
عمر طلب مني أجبلك دا
بصيتلها من فوق ل تحت وعدت كلامها تاني وأنا بتتك علي كلمة عمر حاف كدا وقولت
عمررر طلب منك تجبيلي دا !
إنتي مين أصلا عشان يقولك تجيبيلي دا وليه بتقولي عمر كدا من غير أستاذ
ضحكت بسماجة ومشيت وهي بتتمخطر من غير ماترد عليا ودا اللي عصبني بزيادة وقومت من مكاني وأنا راحة ل مكتب عمر بعصبية وهو قاعد وكإنه مشافش آي حاجة خبطت علي مكتبه بإيدي وقولت
مين البنت اللي إنت بعتتها دي
بصلي بأستغراب وكإني مجنونة وقال
بنت مين!
إحنا هنستهبل ياعمر البنت الجامدة قصدي البنت اللي بعتتها تديني الدونتس والآيس كوفي
بصلي بإستغراب أكتر وقال
أنا مبعتتش حد وبعدين أصلا مجبتش دونتس ولا آيس كوفي لإنك مشيتي وسبتيني وإنتي متدايقة
بصيتله بنفاذ صبر وقولت
عمر!
البنت كانت حلوة جدا وجات قالتلي كمان
وقفت زي ماهي كانت واقفة بمياعة وقلدت كلامها وصوتها وقولت
عمر طلب مني أجبلك دا
عدلت وقفتي وكلامي ولاقيته بيضحك أتعصبت وزعقت فيه ف قال
والله مابعتت حد أصلا ما لو جايبلك حاجة هديهالك بنفسي
لأ بس دي تعرفك اوي لإنها قالت عمرر بس من غير ألقاب وبصيتلك كمان وهي ماشية بإبتسامة
بصلي عمر وهو لسة بيضحك وقال
إممم فالنفترض إني أعرفها مالك بقي متدايقة ليه!?
بصيتله لثواني بتفكير وقولت بعدها بتوتر
أنا
شكتت شوية وكملت
أه متدايقة بس عشان أنا قولتلك إني مش عايزة حاجة وبعتلي
بصلي بتفس الإبتسامة وقال
بس أنا فعلا مبعتتش حد وغلاوتك عندي
تجاهلت ضربات قلبي علي جملته الأخيرة وقولت
أومال مين البنت دي وليه جابتلي الحاجات دي
قام عمر معايا وقال
تعالي نشوف يمكن حطالك فيها حاجة
روحنا علي مكتبي ولاقيت اللي صدمني بجد مفيش آي أثر للآيس كوفي أو الدونتس بصيتله بصدمة وقولت
عمر!!
كانوا هنا والله الحاحة كانت علي المكتب ياعمر راحوا فين!?
بصلي وقال
يمكن كان بيتهيألك أو راحت عليكي نومة وكان حلم وفكرتيه حقيقة
بصيتله بعصبية وقولت
عمر أنا متأكدة إني منمتش ومكنش بيتهيألي لو بيتهيألي يعني هخترع بنت وتجبلي الحاجات دي وأقوم ليك كمان!!
بصلي عمر بإستغراب وتفكير وشكله فعلا محتار بصيتله وقولت
تعالي نروح لأوضة المراقبة ونشوف الكاميرات
روحنا فعلا أوضة المراقبة ولكن شوفت اللي صدمني بجد هناك وهو إني كنت بكلم نفسي!!
هه أه والله بكلم نفسي وبعدين قومت روحت ل عمر وإتكلمت معاه بصيت ل عمر بصدمة وقولت
إزاي دا حصل
والله كان في واحدة ياعمر بتكلمني وجابتلي دونتس
بصلي عمر وقال
أنا مصدقك بس يمكن إرهاق مثلا ومحتاجة ترتاحي تعالي أوصلك البيت ترتاحي شوية
بعدته من قدامي وقولت وأنا هتجنن
شكرا ياعمر أنا هروح لوحدي معلش
سيبته ومشيت وأنا مش مصدقة اللي بيحصل معايا النهاردة دا يعني قابلت شخصيتين مش موجودين أصلا طب إزاي يعني فضلت ماشية لحد ما لاقيت قدامي حسين!
بصيتله بإستغراب وهو لابس بدلة وفي إيديه ورد أحمر و واقف علي أول الشارع بتاعي أول ماشافني جري عليا وقال
مروة أنا عايز أتكلم معاكي في
