حبي الحقيقي بقلم هاجر نور الدين
المحتويات
بس دي كلها كانت خطة متدبرلها عشان أخرجك من موضوع كبير أوي وخطر كبير جدا عليكي ويبان إننا مطلقين ومحدش يهددني بيكي تاني
بصيتله بإستغراب وقولت
مش فاهمة!
حد يهددك بيا !
وتاني!
رد بجدية وهو بيهز راسه بمعني أه
للأسف كان في عصابة مطرداني عشان مرضتش أشارك معاهم وأهربلهم المخدرات برا البلد من الشحنات بتاعت الشركة إنتي عارفة إني المسئول عن الشحنات اللي بتطلع من الشركة وعشان كدا كانوا ورايا وبيهددوني بأقرب الناس ليا ولما شوفتك راجعة بالليل مع واحد وفي وقت متأخر خوفت عليكي جدا لأنهم كانوا مهددني بيكي وعملت الشو دا كله عشان يبعدوا نظرهم عنك بس الحمدلله في الأخر عرفت أوقعهم في إيد الحكومة والموضوع بجد كان صعب عليا أوي أني أطلقك أو أضربك
كمل بأسف واضح
حقك عليا ياحبيبتي
بصيتله وأنا بفكر في الموضوع وفعلا بدأت ألين لكن سألته بأستغراب
والبنت اللي كنت قاعد معاها والكلام اللي قولتهولها
دي تبقي جزء من الخطة برضوا لإنها تبقي بنت الزعيم بتاعهم وكنت بوقعها عشان تبقي حاجة نهددوه بيها يعني
بصيتله بتفكير وأنا شايفة الأسف في عيونه رديت عليه وقولت
هفكر في الموضوع ياحسين بس بعد إذنك لأني تعبانة دلوقتي وعايزة أرتاح
براحتك وخدي وقتك أنا عارف ان الموضوع مكنش سهل بس ياريت تردي عليا بكرة هبقي مستنيكي في نفس الوقت برضوا ومش ه مل أبدا لإني معنديش غيرك
بصيتله وأكتفيت بإبتسامة ومشيت وكنت فعلا بفكر في كل اللي قاله وكنت خلاص شبه خدت القرار إني أسامحه لإن اللي بيننا مكنش قليل ولو اللي قاله فعلا حقيقي يبقي ليه أسيبه دخلت البيت وقلعت شنطتي و دخلت المطبخ عشان أعملي نيسكافيه بس أول ما دخلت المطبخ شوفت نفس البنت اللي إدتني الدونتس وصوتت بصوت عالي وهي كمان صوتت وبقينا إحنا الإتنين نجري في الشقة
طب إنتي بتصوتي وتجري ليه دا بيتي أنا إنتي بتعملي إي هنا وإنتي مين أصلا أو إنتي إي وإزاي مظهرتيش في الكاميرا!?
من غير ماترد لاقيتها بتتحول لنفس الست العجوزة اللي شوفتها في الجنينة بصيتلها بصدمة وأنا مبرقة وفاتحة بوقي وقولت
هو إنتي!!?
الجزء السادس والأخير هاجر نورالدين
هو إنتي!!?
بصتلي وضحكت وقالت
عرفتيني دلوقتي?
أقدر أرجع ل شكلي الطبيعي?
بصتلها وأنا مصدومة و فاتحة بقي وقولت
شكلك الطبيعي إي?!
انتي مين
رجعت لشكل البنت الجميلة تاني وقالت
أنا هي إنتي
بصيتلها وقولت
بمعني يعني?
إنتي ساحرة??
بصتلي وقربت مني وأنا كنت برجع لورا بخوف لحد ما جات قدامي وغمضت عيني و خبطت علي دماغي 3 مرات وبعدين قالت
بطلي غباء شوية وخلينا نتكلم بجد
فتحت عيني وبصتلها وقولت
طب هو انتي اي?
ما قولتلك أنا هي إنتي بس يمكن بشخصية تانية
اللي هو أزاي يعني?
إممم حاجة زي عالم موازى كدا بس الشكل بيبقي متغير لكن روحي وروحك واحدة
بصتلي من فوق لتحت وبعدين بصت حواليها وكملت
المفروض يعني بس مش عارفة الطريقة والتفكير بيتغير ولا لأ ما علينا من كل دا متصدقيش كلام حسين عشان كداب وشايلك مصيبة كبيرة ورا كلامه دا
بصيتلها بشئ من الحسرة وقولت
بس كان باين في كلامه إنه صادق!!
بصتلي بعصبية وعيونها حسيت إن كإن في عود كبريت ولع فيها وبعدين إتطفي بعد 5 ثواني بالظبط وقالت
صادق دا يبقي عمك أسمعي الكلام اللي بقولك عليه وبطلي سذاجة وهبل شوية وفتحي عينك وشوفي مين اللي بيحبك بجد
بصيتلها وقولت
إنتي عارفة كل حاجة زي مابتقولي ف قوليلي مين اللي بيحبني بجد
قامت وقفت وقالتلي وهي بتدخل المطبخ وكإنه بيتها!
دي بالذات ضد القواعد والقوانين بتاعت
بصيتلها وقولت بعصبية خفيفة
قصدك إني غبية?!
ردت عليا وهي بتاخد مج النيسكافيه في أيديها وقالت
أيوا
بصيتلها وقولت بعصبية
هو أنتي بتعملي أي في المطبخ بتاعي والمج بتاعي
بصتلي وهي بتشرب من النيسكافيه وقالت
هما بتوعي أنا كمان في العالم بتاعي
ودلوقتي إنتي ف بيتي أنا
بصتلي وقالت بشئ من الدهشة
قصدك أني أسيب حاجتك يعني ومتحركش في بيتك ?
قولتلها ب ثقة
أيوا
بصتلي ببرود وقالت
لأ
وراحت قعدت بعدها علي الكنبة ومسكت الريموت وجابت فيلم وقعدت ولا علي بالهاروحت وقفت قدامها وقولت
والمفروض إنك كدا بتساعديني يعني?!
إنتي اللي مش مساعداني
هو مين اللي بيساعد مين!!
شاورتلي جنبها علي الكنبة بمعني أني أروح أقعد روحت قعجت وأنا بنفخ راحت بصتلي بجنب عينيها بأعتراض علي الحركة اللي عملتها ف تجاهلت نظرتها قالتلي بعد ما قعدت
مبدئيا مالكيش دعوة خالص ب حسين ومهما قال أوعي تصدقيه لإن هو بيحاول يعمل آي حاجة دلوقتي عشان ينتقم منك لإنك بوظتيله كل مخططاته
قولت بسخرية ومرارة
هو كمان اللي متدايق وعايز ينتقم!?
بصتلي ب نوع من الشفقة وقالت
للأسف في من نوعية حسين دا كتير في حياتنا ومش بيشوفنفسه مهما عمل إنه غلطان وبيبقي عايز ينتقم من مل اللي حواليه عشان آذي سببه هو لنفسه
مسحت الدمعتين اللي نزلوا مني وقولت
طيب نقفل سيرته عشان بجد مش بحبها وبتخليني أكتئب
ردت عليا وهي مبتسمة وقالت
بالظبط نقفل صفحته كلها مش سيرته بس وندخل في المهم وفي مستقبلنا
ركزت معاها وكملت
لازم تركزي
بصيتلها وبعدين قولت وأنا بقوم
طب إنتي مش هتمشي بقي أنا عايزة أنام
بصتلي بصدمة وقالت
هتطردي نفسك برا!?
أنا تعبانة وعايزة أنام ف شوفي هتروحي فين بقي أنتي في العالم التاني بتاعك محدش بيفتكرك كدا خالص ولا اي حاجة
العالم بتاعكم بيجري بسرعة جدا ال 3 أيام هنا ب ساعة في العالم التاني
بصيتلها بأستغراب وقولت
بصي أنا لحد دلوقتي أصلا مش مقتنعة وعارفة أنك عفريته بس واضح من كلامك إنك طيبة ف أنا هطلع أنام ونبقي نشوف الموضوع دا بعدين يلا تصبحي علي خير
سبتها وطلعت وبمجرد ما حطيت راسي علي المخدة روحت في نوم عميق أوي وحلمت ب عمر وكان الحلم كالآتي
عمر كان واقف قدام بحر وأنا واقفة وراه ب شوية وكان الشارع فاضي من الناس قربت من عمر و وقفت جنبه وسألته
بتعمل إي هنا?
بصلي و رد عليا بأبتسامة وقال
كنت مستنيكي
بصتله بأستغراب وقولت
مستنيني?!
أيوا أنا بقالي كتير أوي واقف هنا يمكن سنين
بصتله بأستغراب وقولت بهزار
هو في حد يقف يستني حد سنين?!!
رد عليا بإبتسامة جميلة زيه
أنا إستنيتك سنين ومملتش المهم إنك جيتي في الآخر
بصتله بتوهان وقولت
إنت ضحكتك حلوة
وإنتي كل حاجة حلوة وعشان إنتي جنبي ف دا سبب ضحكتي الحلوة
بصتله وقولت بإبتسامة
أنا بحبك ياعمر
وأنا بعشقك ياقلب عمر
بصيتله بأبتسامة وفرحة كبيرة جدا وبعدين صحيت علي صوت المنبه وأنا بقع في الأرض وكانت العفريتة دي قاعدة قدامي وهي بتضحكلي خوفت منها ورجعت بضهري لورا وأنا بقول
إيييي حد يخض حد كداا ياستي مش متعودة علي وجود حد معايا في البيت أنتي مصرة تجبيلي
بصتلي بأستغراب وقالت
يعني اي هسهس?!
بصيتلها ب ملل وقولت
عفريتة من التجمع هو مرار
متابعة القراءة
