يا حبيب امبارح وحبيب دلوقتي بقلم ريم خالد
_ ماما في حاجة حصلت وعيزاكي تعرفيها..!
أتعدلت في قعدتها وهي بتخلع نظارتها وبتقولي.
_ خير..!
_ أنا انهارده في حد حاول وانا...
قاطعتني وهي بتقوم من مكانها وبتضربني علي بوقي وبتتلفت حواليها.
_ششش اسكتي انتي بتقولي اي.! لو حد سمعك يقتلك.
بعدت أيد ماما من على بوقي انا بقولها بعياط..
_يموتني لي أنا اي ذنبي..
زقتني علي اوضتي وهي بتقفل الباب وراها..
_ الكلام اللي انتي قولتيه بره دا محدش يعرفه..
_ يماما انا مليش ذنب.!
مسكتها الام من أيديها جامد وهي بتزعق بس بصوت واطي..
_ مفيش حد هيعمل كدا غير لو أنت ادتيه فرصة.!
حطيت ايدي علي بوقي من الصدمة سابتني ماما في صدمتي وطلعت وأنا قعدت علي سريري ودموعي نازلة وبقول في نفسي
_انا أديته الفرصة أزاي..!
رجوع من الفلاش باك في عيادة دكتورة نفسية
_ دا كان أول موقف حصل بيني وبين ماما وكنت مرعوبة بس رعبي زاد لما عرفت أن ماما شيفاني انا الغلطانة..
اتحركت من مكاني وأنا بقعد قدامها وبمد ايدي بمنديل ليها..
_ أنتي كان عندك كام سنة في الفترة دي..
_ كان عندي حوالي ١٣ سنة تخيلي عدي ١٥ سنة علي الموقف دا بس كل ما أفتكره نفس رعشة الخوف تتملكني من جديد وكأنه لسه حاصل حالا..
طبطبت علي أيديها وأنا بقولها
_ بعتذرلك عن قساوة الموقف بس مجتمعنا فرض علينا أن البنت هي اللي غلطانة لابسه غلط ماشية غلط وحتي لو كل حاجة فيها سليمة هيطلعوا فيها العيب لمجرد انها بنت بس أنتي أقوي من كدا وموقف زي دا يقويكي ميضعفكيش..
_ أنا عشان كدا جيتلك لأني عايزة انساه وعايزة أنسي شعوري وضعفي ناحيته..
_هتنسيه أنا واثقة فيكي أنتي قوية.
_ أنا كمان مش قادرة أسامح ماما هي جزء من اللي حصلي محتوتنيش في وقت ضعفي بالعكس زودته عليا وكأني أنا المذنبة مش الضحية..
_سامحيها مامتك خافت أنها تقول كدا الناس تأكلك عشان كدا لازم الأهالي يبقي عندهم الوعي الكافي أنهم يحتوي بناتهم ويكونوا درع الأمان ليهم..
_ أتمني فعلا.
رقية مريضة عندي عندها رهاب أجتماعي لسه في أول مراحل العلاج معاها بس يكفي أنها قدرت تحكي ودا في حد ذاته تقدم خلصت شغلي وأخيرا قعدت في عربيتي وأنا بتذكر موقف مشابه لموقف رقية مع مامتي..
بنت صغيرة بتجري علي شقتها وبتترمي في حضن مامتها وهي بتعيط..
_في أي يماما مالك..
_عمو اللي تحت يماما حاول بس أنا جريت منه..
قومتني من حضنها وهي بتمسك وشي بين أيديها وبتحاول تهدي..
_ عمو مين يماما..
_ عمو اللي بيبقي تحت قدام العمارة..
سكتت ماما شويه وأنا ببصلها بخوف بس مسكت
_مش عيزاكي تخافي أنا هقول لبابا وهيجبلك حقك ويخليه يمشي من هنا ومش هتشوفيه تاني بس أنتي شطورة أنك جريتي
_حاضر..
_ ولو حد حاول يعمل كدا تاني معاكي تقوليلي علطول وانا هتصرف معاه أتفقنا..!
هزيت رأسي وأنا بحضنها وبغمض عيني بأمان
رجوع من الفلاش باك وأنا بفتح عيني بأبتسامة وصوت كلاكس عربية عالي ورايا حاولت أشغل العربية بس مكنتش راضية تدور نزلت من عربيتي وأنا بزعق
_أهدى العربية مش راضية تدور في أي..
نزل منها شاب وهو بيخلع نظارته بعصبية وقرب مني.
_ولما هي مش راضية تدور قاعدة فيها لي بتتحايلي عليها..
أتكلمت بعصبية وأنا برفع صوباعي في وشه
_ لو سمحت مسمحلكش تتكلم معايا كدا..!
_ مش أنتي اللي تقوليلي أتكلم ازاي..
_لا اققولك وأقول لعشره زيك كمان..!
كان لسه هيتكلم لما قطع كلامنا عمو سعيد حارس العمارة..
_ في أي بس يا دكاترة مالكوا..
سألته بعصبية_ مين دا يعمو سعيد..
_ أنتي اللي مين..
وقف بينا عمو سعيد وأحنا صوتنا عالي..
_ أهدي بس يا دكتورة دا دكتور عمر لسه ناقل جديد هنا..
_ دكتور ازاي دا..
_ زي ما أنتي دكتورة.!
_أحترم نفسك دي مش أخلاق دكتور..
_يابنتي متخلينيش أتغابي
بصيتله وأنا بزق عمو سعيد براحة من قدامي..
_ أحسن ليك متظهرش قدامي تاني.
رد عليا بسخرية _لا وأنا اللي هموت وأظهر..
ضحكت ضحكة سمجة وهو ردهالي ولفيت لعمو سعيد اللي كان بيبصلنا بأستغراب..
_ عمو سعيد العربية مش راضية تدور..!
_ ثواني ياست الدكتورة اتصل بالواد حموده يجي يشوفها..
هزيت رأسي وأنا بروح ناحية عربيتي وسندت عليها والتاني واقف أدي لعمو سعيد مفاتيح عربيته عشان يركنها وطلع وعمو سعيد جه وقف جنبي..
_ دكتور اي دا..
_ دكتور قلب باين..
أبتسمت وأنا بقول بهمس..
_ يابخت القلب.!
_بتقولي حاجة يدكتورة..
_ ها اهه بقولك شوفلي حموده..
بعد٣ أيام قاعدة مع مريضة جديدة عندي في العيادة..
_ مستعدة تحكي يا هند.
سكتت شويه وبعد كدا ردت عليا..
_ ايوه..
فلاش باك.
_ ماما هو يعني اي
_ اي انتي بتقولي اي..
رجعت لورا خطوتين وهي بتقرب مني ووشها كله متشنج ومسكتني من دراعي جامد..
_أنتي بتجيبي الكلام دا منين..
_ في ناس كتير بتتكلم علي الفيس.!
مسكت التلفون ورمته علي الارض وهي بتزعق بصوت عالي..
_ وادي أم التلفون الحاجات دي انتي ملكيش دعوة بيها عيب مينفعش تسألي..
_حاضر والله حاضر..
كنت لسه بميل أخد تلفوني لما لقيتها بتشدني من أيدي
_مفيش تلفونات بلاش قرف التلفون مسحوب منك يلا غوري
جريت علي اوضتي وانا خايفة
