يا حبيب امبارح وحبيب دلوقتي بقلم ريم خالد
المحتويات
من شكل ماما وسمعت صوتها وهي بتقولي..
_ لو سمعتك بتقولي كدا تاني هقول لابوكي يتصرف معاكي يخرجك من التعليم يربيكي من أول وجديد..
رجوع من الفلاش باك
_ بدأ فضولي يزيد ناحية الحاجة دي وأني اعرفها رفض ماما أنها تشرحلي وتفهمني كان عامل أساسي اني أبحث عن الحاجة دي وأعرفها من الغريب واللي عرفته وللاسف شوفته كان مصيبة أكبر وللأسف...
سكتت شويه وسألتها بترقب.
_اتعلقتي ..
بصتلي البنت بحزن ونزلت وشها في الأرض..
_ حاولت اقاوم نفسي بس منفعش انا عيزاكي تساعديني..
أخدت نفس وحاولت أهدي وانا ببتسم بهدوء..
_ متقلقيش لمجرد أنك حسيتي أنه غلط ومينفعش دا أكبر علاج أنتي مش مريضة أنتي بس بحثتي كتير عنهم ودا خلي نوع من الشعور بالتعلق يخلق جواكي وأحنا حنحاول نتخلص منه..
سألتني بلهفة وخوف..
_ يعني انا مش زيهم..
طبطب علي ايديها وانا بقولها.
_ لأ مش زيهم خالص ..
ضحكت ضحكة نورت وشها تدريجيا.
_ لازم تكوني عارفة أن دول مش شبهنا ولا ينفع يبقوا
_ كان هيحصل أي لو ماما قالتلي كدا..
_ مكنش هيحصل حاجة التوعية في الحاجات دي مهمه بس في أمهات شايفين أنه مينفعش..
قطع كلامنا خبط علي الباب
_أدخل..!
_ دكتورة ريم والدة حضرتك بره..
_ تمام خليها ترتاح خمس دقائق بس..
_ تحت أمرك.
قامت هند من
_ طيب يا دكتورة انا همشي أجيلك أمتي تاني..
_عيادتي مفتوحة طول الاسبوع أي وقت تحبي تتكلمي تعالي.
هزت راسها بأبتسامة وهي ماشية ناحية الباب نديت عليها..
_ هند أوعديني أنك متتفرجيش علي حاجة لحد ما تجيلي..
فركت أيديها في بعض جامد وهي بتقولي.
_أوعدك..
طلعت وماما دخلت وراها وهي بتقولي بغضب مصتنع
_اي اللي انتي عملتيه في النادي دا يا ريم..
_ عملت اي.
_ مع العريس اللي جبتهولك.
_يماما حضرتك جيبالي عريس مش عارف يقول كلمتين علي بعض وبيعرق من التوتر اللي هو فيه دا وترني وانا قاعدة..
_هو مش أنتي دكتورة بيجيلك من الحالات دي كتير..!
_اهو حضرتك قولتي حالات مش عرسان..
_طيب وبعدين كل عريس هتفضلي تتطلعي فيه عيوب كدا..
_ يماما والله اللي بيجوا دول مش عرسان دولي مرضي عايزين يتعالجو..
_ لا وانتي العاقلة اوي انتي اول اللي عايزين يتعالجوا.
اتنهدت وأنا بقولها بنبرة ثقة مزيفة..
_ الدعم لما بيجي من الام بيبقي حاجة تانية برده..
ضحكنا أحنا الأتنين وهي بتضرب كتفي براحة بعد شويه انا وماما واقفين قدام الاسانسير مستنينه.
_ السلام عليكم..
لفينا للشخص كان دكتور عمر واقف جنب ماما بصتلي وأبتسمت جامد وهي بتمد أيديها بتسلم عليه..
_ وعليكم السلام ورحمه
مد أيده وهو بيسلم علي ماما ومبتسم..
_ أهلا بحضرتك..
_حضرتك دكتور..
_ايوه دكتور قلب وأوعية دموية..
شاورت ماما عليا وهي بتقوله..
_ كويس انك جيت اكشفلي علي ريم..!
بصيت لماما بصدمة وهو بيبصلي بأستغراب..
_خير يادكتورة حضرتك بتشتكي من حاجة..
هزيت راسي بلأ وانا ببص لماما تفسر..
_ يدكتور دا قلبها لا بيحب حد ولا بيتعلق بحد بيضخ دم من سكات..
ضحك جامد هو وماما وانا والاسانسير بنحاول نستوعب ماما قالت اي..
_طيب خدي بس طب انتي زعلتي لي دلوقت..
لفيت لماما بعد ما دخلنا شقتنا وانا بقول بعصبية..
_أنا قلبي بيضخ دم..!
_يابنتي ما كلنا قلبنا بيضخ دم..
_ ماما..!
_ أنا عملت أي غلط عايزة أطمن علي قلبك.
فضلت ببص لماما بعصبية وهي بتبصلي ببراءة.
_ بس لطيف دكتور عمر مش زي ما أنتي حكيتيلي عنه لأ.
_ لطيف هو فين دا اللي لطيف..
_ اه ولله لطيف وجان وبغمازات يعني جميع الاوصاف موجوده..
_ بس قليل الذوق.
قولت كدا وأنا بدخل أوضتي وسمعت صوت ماما وهي بتقولي..
_ لا مش قليل الذوق هو يعني عشان حد قدر علي جبروتك بقا قليل الذوق..
فتحت الباب فجأة وأنا بجري عليها وهي بتجري قدامي ودخلت أوضتها وضحكت..
_طيب خليكي في الاوضة بقا..!
قدام العمارة تاني يوم الصبح..
_ مين الحلو اللي
نزلت من عربيتي وأنا بنادي علي عمو سعيد وهي جيلي جري..
_ ايوه ياست الدكتورة..
_ مين واخد ركنتي..!
_ أنا..
سمعت صوت ورايا وكان عمر واقف ولابس النظارة الشمس بتاعته وقفت قدامه وأنا بقوله
_ ومين سمحلك تأخد ركنتي..
قلع النظارة وهو بيقرب مني وبيربع ايده قدامي..
_ انا اللي جيت الأول..
_ هو أي دا اللي جيت الأول هو أحنا في فصل تالته تاني..!
_ والله أنا جيت ملقتش حد راكن فركنت..!
_ طيب يا عسول أنا جيت اهو خد عربيتك وأركن في حته تانية..
ضحك بسخرية وهو بيقولي..
_ عسول..!
فضلت ابصله بعصبية وهو بيبصلي ببرود لحد ما عمو سعيد قالي..
_طيب يا دكتورة هاتي المفتاح وأنا هركن عربيتك متقلقيش..
رفعت صوابعي في وشه وأنا بقوله ببرود.
_أول وأخر مره تأخد ركنتي حتي لو مجتش اليوم كله متاخدهاش برده..!
نزل صباعي بايده وهو بيقولي بأبتسامة مستفزة.
_ حاضر لما تتكتب بأسمك مش هأخدها..
_ اعتبرها من دلوقتي مكتوبه..
أديت لعمو سعيد المفاتيح ومستنتش رده وأنا داخلة العمارة وقفت قدام الاسانسير جه من ورايا وهو بيقولي بسخرية..
_ عيادتي مفتوحة في أي وقت لو عايزة تكشفي..
لفيتله وأنا بقوله ببرود.
_ وأنا برده عيادتي مفتوحة في أي وقت لو حابب تحكي أي اللي حصلك خلاك عدواني كدا.
_ انا عدواني..!!
ثواني بصينا لبعض وبعدها ضحكنا أحنا الاتنين..
_ مينفعش نفضل علي خلاف كدا عشان ركنة
متابعة القراءة
