يا حبيب امبارح وحبيب دلوقتي بقلم ريم خالد
ولا اي..
_انت اللي بدأت..!
_ خلاص أنا آسف نتعرف من أول وجديد أنا عمر.
_وأنا ريم..
_وقلبك بيضخ د م من سكات..
ضحكنا وأحنا بنركب الاسانسير اللي أخيرا وصل وكل واحد دخل عيادته بعد ما ودعنا بعض..
_ وبس يماما هو دا اللي حصل..!
ابتسمت ماما وهي بتقولي بأبتسامة واسعة وبتحط أيديها علي خدها.
_ هيأخد معاد مني أمتي..
_معاد لأيه..
_ عشان نشوف السجاد علي مين..!
اتنهدت وأنا بقولها.
_ السجاد علي عمو سعيد البواب..
_ خلاص اتفقنا تبقي الستاير عليه..
بعد مرور شهرين رقية اتحسنت جدا وبدأت تتعامل مع الناس شويه مش كتير بس اتعاملت هند بقالها شهر ونص بعيده وبدأت تشغل نفسها بالرسم الموهبة اللي اكتشتفها متأخر أنا وعمر بقت علاقتنا قريبة وطلع شاب لطيف فعلا ماما مش بتكدب..
_ طبعا انا مجتمعة بيكوا انهارده لأنكو انجازي خلال الشهرين دول وفخورة بيكوا جدا..
كان اجتماع لكل المرضى بتوعي وكنت بكرم فيهم
_ أي يا رقية عجبتك الحفلة.
_ جدا يا دكتورة حلوة اوي وهادية..
قربت منها شويه وأنا بقولها بخبث.
_ أخدت بالي أنك كنتي بتتكلمي مع أحمد في حاجة ولا اي..
رجعت خصلة من شعرها ورا ودانها بخجل وهي بتضحك بهدوء.
_ لطيف أحمد علي فكره أديله فرصة..
رفعت عنيها ليا وهي بتقولي بخوف..
_ بس أنا لسه بخاف..
_ متقلقيش أحمد أبن ناس ومتربي ويمكن يكون العوض ليكي ويساعدك توصلي لبر الأمان..
لقتلها بتبص عليه ورايا لفيت ليه لقيت عيونه مركزة عليها وقرب مننا..
_ الحفلة جميلة اوي يا دكتورة..
أبتسمت وأنا برد عليه..
_متشكرة يا أحمد..
أبتسم بهدوء ورقية مسكت ايدي بأمتنان وأنا طبطبت علي ايديها ومشيت سبتهم مع بعض كانت هند واقفة لوحدها روحتلها.
_ واقفة لوحدك لي.
ردت عليا بحماس وفرحة باين في صوتها..
_ شوفي يا دكتور نزلت رسوماتي علي جروب وناس كتير اوي عماله تشكر في رسوماتي أنا فرحانة أوي..
لفيت ايدي علي كتفها وأنا بشوف ردود فعل الناس معاها علي رسوماتها وعنيها اللي بتلمع من الفرحة.
_ من غير تشجيعك ليا واكتشافك لموهبتي أنا عمري ما كنت هتعافي من اللي كنت فيه..
_ بأصرارك وارادتك قدرتي تمنعي نفسك أنا بس ساعدت مساعدة صغنونة خالص..
_ شكرا اوي..
نطت في حضني وأنا ضمنتها ليا بحب..
_ يلا روحي شوفي الفانز بتوعك..
ضحكت وهي بتقولي..
_ الشهرة عايزة مني أي .!
ضحكتلها وسبتها ووقفت بعيد شويه وأنا ببص علي كل الموجودين اللي جالي كان فاقد الأمل من الحياة واللي مأذي من أهله وأصحابه واللي اتعرض للتنمر لدرجة كانت ممكن تأدي للانتحار أختاروني أنا اكون معاهم ودلوقتي أنا بفتخر باللي أنا وصلتله مع كل واحد فيهم ليا مع كل واحدة حكاية مختلفة بس نهايتها
_ واقفة لوحدك لي..
_عمر.!
أداني بوكيه ورد أحمر جوري كانت ريحته جميلة وضميت البوكيه ليا وسألني بهدوء..
_ لكل واحد فيهم حكاية مختلفة مش كدا..
_ دا حقيقي وحكايات خلتني أعيط أنا عيشت مع كل واحد فيهم حكايته واتأثرت بيها..
أبتسملي بهدوء وهو بيقولي..
_علاقتك معاهم جميلة مش دكتورة ومريض أنتي كنتي بطلة في حكاية كل واحد فيهم..
ابتسمتله بهدوء وهو ردلي الابتسامة سكتنا أحنا الاتنين وكل واحد فينا باصص قدامه لحد ما هو قطع الصمت دا
_ ما توافقي تبقي بطلة حكايتي أنا كمان .!
بصيتله وأنا مضيقة عيني وبسأله بأستغراب..
_ ازاي يعني..
أبتسم وهو بيطلع دبلة من جيبه وبينزل علي ركبته وبيضحك والكل واقف قدامنا عمال بيصور وبيسقفوا..
_ كدا تتجوزيني .!
_ بجد..!
_ بجد جدا بس بسرعة عشان رجلي وجعتني..
ضحكت جامد وأنا بميل رأسي شويه علي اليمين وببصله بأبتسامة ردهالي هو بغمزة وهو بيلبسني الدبلة.
يا حبيب إمبارح وحبيب دلوقتي يا حبيبي لبكرة ولأخر وقتي.
ريم_خالد
