رواية شمس بقلم روني محمود
الفصل الاول
انتى يا زفتة يالى اسمك شمس ..
نن نعم يا طنط
طنط لما طنطتك قال طنط قال .. اوعى يا بت تكونى مفكرانى عجوزة زى أمك لا انا يا حبيبتى اصغر منها يجى بعشر سنين ولو كنت اتجوزت من زمان كان زمانى جبت قدك كده .. ياكش بس النصيب ..
ماشي يا مرات ابويا ...
بقولك ايه يا بت اعدلى لسانك ده وقوليلى يا دولى يا ختى ده الى يشوفنى ماشية جانبك فالشارع يفتكرنى اصغر منك ..
حاضر يا دولى ها عوزانى في ايه
المواعين الى فالحوض متغسلتش ليه ها مستنيانى انا اغسلها ولا على ايدك نقش الحنة ..
حاضر هقوم اغسلها انا كنت بذاكر حاجة كده وقلت هقوم اكمل المواعين ..
قومى يا ختى قامت قيامتك انا مش عارفة بتذاكرى وتتعبى نفسك ليه منا قولتلك مېت مرة ان ابوكى مستنيكى تخلصي الثانوية واهو تكونى كملتى ١٨ سنة عشان يجوزك ..
وانا قلت قبل كده انى مش هتجوز الى اسمه عماد ده لو حتى قتلتونى مش هتجوزه ..
يا ختى انتى تطولى ده كل العرسان هتهرب منك بسبب امك الهبلة ..
مم متقوليش على امى كده وبعدين ما انتى السبب فى الى حصلها ..
قربت منى وبكل غل ضربتنى بالألم وقالت
لسانك ده هقطعهولك لو مبطلتيش طريقة كلامك معايا ..
وسابتنى ومشيت انا اعدت في مكانى اعيط وافتكرت الى حصل من عشر سنين ..
انا شمس فى السنة الاخيرة من الثانوية العامة نفسي ادخل كليه الطب وابقى دكتورة نفسية عشان اقدر اعالج ماما من عشر سنين تقريبا فالوقت ده كان عندى ٧ سنين ماما كان ليها صديقة قريبة منها اوى وكانت بتحكلها عن كل حاجة فى حياتها حتى مشاكلها مع بابا وصاحبتها دى كانت طنط دولى الى فضلت توقع بنها وبين بابا لغاية ما اتفاجانا في يوم ان بابا داخل
طول الوقت قاعدة في اوضتها مببتحركش انا الى اروحلها وابص عليها واكلها واشربها نفسي امى تتعالج وتبقى كويسة وترجع زى الأول .....
لقيت مرات ابويا دخلت تانى وبتقولى
انتى لسه قاعدة عندك شكلك وحشك شبشبي الى بيعلم عالوش ..
مسحت دموعى وقمت خلصت المواعين لقيت اختى رباب جاية تقولى
بقولك ايه يا بتاعة انتى مامى بتقولك اعمللها نسكافيه وهتيهولها البلكونة ..
حح حاضر ...
عملت النسكافيه ورحت عشان ادهولها سمعتها وهى ببتكلم في التليفون وبتقول
بقولك ايه يا سامح مش هينفع نتقابل دلوقتى ...
سكتت شويه وبعدين قالت
لا من ساعة الى حصل اخر مرة وانا خاېفة الا البوليس يقفشنا ...
سكتت تانى وكانت بتسمعه وهو بيتكلم وبعدين ردت وقالت
خلاص اصبر كام يوم كده وهبقى اكلمك ونتقابل ...
خلاص بقى يا سامح يومين وهشوفلك بنتين تلاتة بس نخلى شغلنا على خفيف ..
تمام تمام ماشي يا سامح مع السلامة ..
قفلت السكة وانا عملت نفسي مسمعتش حاجة ودخلت حطتلها النسكافيه عالترابيزة وكنت همشي لقيتها بتقولى
بقولك ايه يا بت يا شمس معندكيش واحدة من صحابك كده ظروفها على قدها وبدور على شغل ..
مم ملكيش
دعوة هو شغل وخلاص ها عندك ولا لأ
ممم شغل شغل ايه
طب ما تشغلينى انا ينوبك ثواب واهو اجيب مصاريف الدروس الى ابويا مبيرضاش يدفعها
فكرت شوية وبعدين قالت
لا انتى غبية وهتبوظى الدنيا شوفيلى اتنين تلاتة من صحابك وليكى عندى اديكى خمسين جنيه عالواحدة ..
طب بصي جربينى لو منفعتش فالشغل خلاص .. انا ولله ذكية وبتعلم بسرعة ...
يوووه سبينى اشرب النسكافيه متوجعيش دماغى وشوفى صحابك زى ما قولتلك ...
دخلت وسبتها وانا بفكر يا ترا ايه الشغل ده ومين سامح الى كانت بتكلمه ..
تانى يوم كنت رايحة المدرسة ولما خرجت من الاوضة لقيت مرات ابويا قاعدة فالصالة قولتلها
اا انا نازلة يا مرات ابويا رايحة المدرسة في حاجة عوزانى اعملهالك
فى داهية يا ختى ياريت ما ترجعيش منها
مهتمتش لكلامها لانى تقريبا خلاص اتعودت على كده كنت يادوب نزلت درجتين من السلم ولقيتها بتنادى عليه لفيت وبصتلها لقيتها حدفت كيس الژبالة فى وشي وقالت
خدى يا ختى ارمى الژبالة دى معاكى وانتى ماشية ..
حح حرام عليكى يا مرات ابويا وسختيلى هدوم المدرسة وريحتى بقيت وحشة ..
بقولك ايه متصدعنيش عالصبح وانتى مفكرة ان الژبالة هتكون احلا من ريحتك ..
دخلت وقفلت الباب فى وشي من غير ما حتى تدينى فرصة اتكلم .. نزلت ورحت المدرسة واتفاجأت ان المدرسة عاملة مسابقة والى هيفوز بيها هيطلع رحلة معالم لأسكندرية .. كانت امنية حياتى انى اروح وازور مكتبة اسكندرية أخدت عهد على نفسى انى اذاكر بجد لغاية لما افوز بالمسابقة ...
كنت واقفة انا ونور صاحبتى لقيت هند وكامليا قربوا مننا وهند قالت
بقولك ايه شمس انتى ولا ضلمة انسي موضوع الرحلة دى نهائى انا جيت اقولك عشان متحلميش وتتعشمى ...
شمس ليه بقى ان شاء الله كنتى انتى الى منظمة الرحلة ولا حاجة .. ولا كنتى هتطلعينى
لا بس عشان انا الى ناوية افوز بالمركز الاول كفاية انى سبتلك المسابقات الى قبل كده بمزاجى ..
نور ههههه مزاج مين يا قطة انتى اصلا كنتى هتموتى وتطلعى الاولى مرة بس شموسة ديما كانت الاشطر ..
كامليا بغيظ طب ايه رأيك بقى محدش هيفوز بالمسابقة دى غير هند ..
نور ده بعينك انتى بس متغاظة عشان عارفة ان شمس اشطر منك وهى الى هتفوز ..
هند تفوز مين يا بتاعة انتى المسابقة دى اصلا بتاعتى والرحلة دى انا الى هطلعها .. انا قلت اقولك عشان متتعبيش نفسك وتتعشمى ولا حاجة ...
هند مشيت وسابتنا واقفين وبعدين نور قالت
بت يا شموسه متقلقيش انتى الى هتكسبي ولا تحطى كلام الخنفسة دى فى دماغك ...
رجعت البيت اخر اليوم ولما فتحت الباب لقيت مرات ابويا بتقولى
انتى رجعتى يا خلفة الندامة
ايوه يا مرات ابويا ..
طب يا يلا خشي عالمطبخ عشان ابوكى زمانه راجع من الشغل وعاوز يتغدى ..
معلش يا دولى انا تعبانة مش قادرة اقف اعملى انتى الغدا النهاردة وانا هبقى اغسل المواعين ..
غدا ايه الى اعمله بقولك ايه يا بت الهبلة انتى خشي غيرى هدومك واسبقينى عالمطبخ عشان انا مش فايقة لدلع البنات الماسخ ده ...
خلصت شغل البيت ودخلت اشوف ماما لقيتها نايمة مبتتحركش اعدت اصوت دخلت مرات ابويا وقالت
فى ايه يا زفتة انتى بتصوتى كده ليه سرعتينى ..
امى .. الحقى امى يا مرات ابويا ھتموت ..
ما ټموت
ولا تروح فى داهية انا مالى ..
حرام عليكى متسبيهاش تروح منى انا مليش غيرها فالدنيا ابوس ايدك اتصلى بدكتور ولا أى حاجة ..
طيب يا اختى خليكى انتى معاها انا هروح اشوف دكتور .. بس عالله يطمر ..
بعد شوية الدكتور جه وقال
لازم
دولى خطړة ازاى يعنى
