رواية شمس بقلم روني محمود

فلوس ..
بس يعنى الفيديوهات دى يكون فيها ايه !
اى حاجة يعنى مثلا تكونى مرة بتغنى مرة تانية بترقصى كده مش هقولك انا اى حاجة كده تجيب مشاهدة
لا لا ده حرام
ثانية واحدة...
لدينا إعلان قيد التحميل.
حرام ايه لا سمح الله هو انا بقولك اعملى حاجه كده ولا كده طب انتى عارفة واحده صاحبتى وصلت انها بتكسب فالفيديو الواحد ألف جنيه ..وكل ما تعمل فيديوهات اكتر تكسب فلوس اكتر ..
لا لا انا ملييش فالسكة دى
طب خلاص براحتك سبيى بقى امك ټموت من التعب والمړض وانتى خليكى قاعدة حاطة ايدك على خدك .. اه وعملى حسابك ابوكى خلاص زهق من كتر المصاريف وقالى انه بيفكر يجوزك للأسطى عماد ..
دخلت اوضتى وسبتها وانا بفكر هل ده صح ولا غلط..
بعد شوية لقيت رباب اختى دخلت عليه وقالت 
على فكرة يا شمس انا سمعت ابوكى بيكلم الاسطى عماد وبيقوله يجيب ابوه ويجوا ..
ثانية واحدة...
لدينا إعلان قيد التحميل.
يا ختى احمدى ربنا هو حد طايل .. ده كان بيقول انه هيخليكى تقعدى من التعليم وتسافرى معاه الصعيد عشان تخدمى امه هناك
يي يوجو ده ايه انا مستحيل اتجوز تاجر المخډرات ده
يالاهواى ده انا كنت أموت نفسي ..
انا ممكن اساعدك على فكرة ..
ازاى قوليلى بسرعة ..
وافقى على موضوع الصور والكام فيديو دول وبعدين اعمليلك قرش حلو وبعدين خلاص ..
بب بس انا خاېفة
وهو بوبع هياكلك .. ياختى شاكلك غاوية فقر ملكيش في العز واكل الوز ..
خرجت من الاوضة وسابتنى تايهة 
الشيطان لعب بدماغى وقررت انى اوافق بعد ما اقتنعت بكلام مرات ابويا و رباب وانى بردو محتاجة فلوس عشان اقدر اعالج امى ...
وبعد يومين لقيت مرات ابويا جايبالى شنطة وبتدهانى وبتقول 
خدى يا بت يا شمس ألبسي الهدوم الى فالشنطة دى ..
فرحت اوى ومسكت الشنطة فتحتها 
واتفاجات اما شفت الهدوم 
ايه يا مرات ابويا ده الهدوم دى هتبقى عريانة اوى هو انا هلبسخا وامشي بيها ازاى كده ..
عريانة طب وايه يعنى يا بت الهدوم دى لزوم الشغل يعنى مش هتلبسيها قصاد حد غريب .. ومتقلقيش مفيش حد هيشوفك فالشارع بيها ..
بب بس انتى هتصورينى وفى ناس هيشوفوا جسمى ..
يا بنتى ده القناة دى هتكون بنات بس .. يعنى احنا بنات مننا فى بعضينا كده ملناش دعوة بالرجالة .. قطعوا الرجالة وسيرتهم ..
متاكدة

يا مرات ابويا ..
متقوليلى يا دولى وبلاء مرات ابويا دى الى بتعكر المزاج وبعدين
ده انا كاتبة عالقناة ممنوع دخول الرجالة اه انا بردو بخاف على سمعتى
طيب يا مرات ابويا هعمل ايه يعنى
البسي بس الفستان ده ومتشغليش بالك هصورك وانتى بتغنى اى اغنية كده تكوز روءة ولتهحر الشباب 
لا قصدى البنات يعنى ..
شباب شباب ايه 
اه ماشي هشوف ..
لبست الفستان ورحتلها وصورتنى وانا بغنى وكل يوم ولا اتنين كانت بتعيد نفس الى بيحصل تجبلى شنطة هدوم وتقولى اغنى مرة ومرة فى مره خلتنى ارقص كمان ومش انا بس لا ده رباب كمان علمتها تعمل زيي وكانت بتدينى على كل فيديو ١٠٠ جنيه وانا كنت فرحانة انى قدرت اعالج امى واجيب كل الى نفسي فيه
وفي يوم كنت فالمدرسة لقيت هند ماسكة التليفون وجاية تقولى
تعالو يا بنات اتفرجوا على الى عملالنا فيها خضرة الشريفة ..
جت نور وزعقت لها وقالت 
بت انتى لمى نفسك عشان لو مسكتيش انا هروح للمديرة ..
المديرة دى انا الى هروحلها عشان افرجها على الرقاصة الى بترقص ولا اجدع من فيلى عبده ..
انا كنت واقفة بعيط مش عارفة اعمل ايه لقيت هند جمعت البنات حواليها وبدات تشغل الفيديوهات بتاعتى وتورهالهم حتى نور كانت مصډومة جت تقولى 
شس شمس اتكلمى قولى ان الفيديوهات دى مش بتاعتك ..
عيطت اكتر وانا مش عارفة ارد عليها واقولها ايه !!
لقيتها صړخت فيهم وقالت 
شمس مستحيل تعمل كده الفيديوهات دى متفبركة ..
هند هههههه هى دى الحجة الى هتقولها انا عارفة والفيديوهات هتكون متفبركة وهى متصوره فى اوضتها وكمان اختها معاها !!
ردت واحدة من البنات وقالت 
ساةبتتى دى شكلها العيلة كلها مش تمام .. ده مش بعيد تكون امها اتهملت من الطريق الۏحش الى كانت ماشية فيه ..
استغفر الله العظيم ربنا يكفينا شرك ..
نور بصتلى بحزن وقالت 
انتى يا شمس تعملى كده وانا الى فكرتك واحده محترمة وكنت ديما بدافع عنك ..
نن نور انا ..
متقوليش حاجه انا مش عاوزة اعرفك تانى ..
نور مشيت وسابتنى وانا وقفت في مكانى اعيط لقيت البنات بدات تحدفنى بالتراب والژبالة ساعتها المديرة جت وقالت 
فى ايه وايه الى بيحصل هنا 
هند اتفضلى يا ميس اتفرجى على الرقاصة دى انا مش عارفة ازاى مدرسة محترمة تكون فيها واحدة زى دى ..
ردت بنت وقالت 
دى عوزانا نشتغل زيها وتبوظ اخلاقنا ..
المديرة بعد ما اتفرجت على الفيديو قالتلى 
اتفضلى ورايا على المكتب ..
رحت وراها على المكتب وانا بحاول استعطفها وابررلها الى حصل بي لقيتها طلعت ورقة ومضت عليها وادتهالى ..
اا ايه دى 
ده جواب رفد من المدرسة احنا ميشرفناش ان واحدة زيك تكون معانا ...
حاولت انى اشرحلها او احكلها الا ان محدش سمعنى لقيتها خلت الامن ياخدونى ويطلعونى برا المدرسة ....
بعد وقت وصلت البيت ولما شفت مرات ابويا قربت منها وقولتلها 
منك لله ربنا ينتقم منك على الى عملتيه فيه
جرا ايه يا بت انتى انا عملتلك حاجه انتى جاية ترمى بلاكى عليه ..
الفيديوهات اتنشرت فالمدرسة واتفضحت المديرة رفدتنى مستقبلى راح بسببك حسبي الله ونعم الوكيل ..
طب ولله احسن كويس انها جت منهم هو انتى يعنى هتعملى ايه بالعلام ولله انتى بس لو تركزى معايا كده هتكسبى فلوس تعيشك ولا الملكة ..
انا خلاص مش هعمل كده تانى وعمرى ما همشي وراكى تانى انتى شيطان ..
لقيتها قامت ضربتنى بالقلم .. وقفت اعيط شوية وبعدين رحت
لامى اترمى في حضنها ... 
شوفتى يا ماما الى بيحصلى انا مبقتش عارفة اعمل ايه انا تعبت تعبت اوى ..
لقيتها حطت ايدها على راسى وقالت 
استغفرى وتوبى يا شمس ..
مم ماما انتى بتتكلمى ماما انتى خفيتى ..
اا اه يا شمس انا بقيت كويسة الحمد لله بس انا عوزاكى تبعدى عن السكة الى مرات ابوكى مشتك فيها دى .. دولى دى شيطان على هيئة بشړ .. انا مش زيها يا شمس
انا تبت يا ماما ولله مش هعمل كده تانى .. ماما انا خلاص بقيت بكره البيت ده تعالى نمشي من هنا ..
هنمشي يا شمس بس مش دلوقتى ..
ليه يا ماما لو عالفلوس فانا محوشه مبلغ صغير نأجر بيه اوضة صغيرة في اى حته ومن بكرة هنزل اشتغل اى حاجة واجيب فلوس ..
لأ يا شمس انا مش همشي من هنا غير لما اكشف دولى على حقيقتها بس لازم متعرفيش حد انى خفيت وبقيت كويسة ...
ماشي يا ماما متقلقيش ... بس انتى ناوية على ايه 
متستعحليش كل خاحة باوانها دولى عملت كتير وان الاوان انها لازم تاخد جزاءها ...
تانى يوم قررت انى افتح صفحة جديدة في حياتى نزلت دورت على شغل لغاية لما لقيت مصنع وافق يشغلنى
بالعافية ..
مرات ابويا كانت بتكلم الى اسمه سامح ده من وقت للتانى وبتتفق على حاجات فالاول مكنتش فاهمة لغاية ما عرفت انها طلعت بتاجر فالاعضاء وبتخطف عيال من الشارع وبتوديهم لسامح وكمان بتشتغل مع عصابة بتاجر بالبشر بتخلى البنات الى زى حلاتى يتصوروا ويبعتولها الصور وتعمل معاهم زى ما عملت فيه ...
انا وامى رحنا بلغنا البوليس 
الظابط يعنى انتم متأكدين من الكلام ده ..
اه طبعا متأكدين احنا معانا الفيديوهات الى كانت بتصورها للبنات وهى بتستغل حاجتهم للفلوس وان سنهم صغير وكمان معانا تسجيل للمكالمات الى كانت بتعترف فيها انها بټخطف العيال وتبعهم لواحد اسمه سامح ..
تمام عموما انتم مينفعش ترجعوا البيت دلوقتى لانها لو عرفت انكم بلغتوا عنها ممكن تأذيكم واحنا محتاجين وقت على ما نثبت الكلام الى قولتوه ..
متقلقش يا باشا احنا عاملين حسابنا وخلاص مش راجعين البيت ده تانى ...
وبعد كام يوم البوليس قبض على دولى وهى متلبسة وكانت بټخطف عيل صغير من الشارع و لما البوليس قبض عليها اعترفت بكل حاجة وكمان قالت على العصابة الى كانت شغالة معاهم ...
انا وماما كنا عايشين في اوضة فوق السطوح ودى اجرتها بعد ما سبنا البيت عند مرات ابويا ... وفي يوم لقيت ابويا جه وقال 
سس سمحينى يا بنتى على الى عملته فيكم ..
ماما قالت 
نسامحك على ايه ولا ايه على خېانتك ولا على غدرك ليه ولا لما رمتنى وانا عيانة ومسالتش فيه ..
اا انا ندمان ودولى ضحكت عليه انا
شششش اسكت وامشي من هنا مش عاوزين نشوف وشك تانى ..
بابا مشى وهو حزين ندمان على الى عمله فينا زمان ورغم ان امى مكنتش طيقاه الا انها قالتلى كلمة
بصى يا شمس اه هو ابوكى وانا مش طيقاه بس لازم تبريه عشان ربنا ميعاقبكيش وعيالك يعملوا فيكى كده وقل رب ارحمهما كما ربيانى صغيرا 
بس هو الى بدأ لما خانك واتجوز صاحبتك
دى حاجة بينى وبينه وربنا هو الى بيحاسب ..
ماما صممت انى ازور بابا من وقت للتانى عشان ربنا ميحاسبنيش انى بطلت
ابره .. وفى يوم لقيته جايبلى ورقى وبيقولى 
خدى يا شمس الورقة دى
ورقة ايه يا بابا
انا قدمتك في مدرسة تانية ووافقوا انك تاخدى الثانوية من هناك
كنت فرحانة اوى انى هرجع المدرسة وبعد كام شهر امتحنت والنتيجة طلعت جبت مجموع كويس اه مش هيدخلنى طب بس انا راضية بقضاء ربنا وبحالى وبعدين يعنى لما اتخرج من كليه الحقوق وابقى محامية دى حاجة حلوة مش وحشة ...
النهاية