رواية شمس بقلم روني محمود
يا دكتور ما هى كانت كويسة الصبح ..
مفيش اصلها محتاجة عمليه كده صغيرة وهترجع كويسة ..
شمس بقلق
عملية ايه بس يا دكتور انا امى كانت كويسة ابوس ايدك طمنى ..
مم متقلقيش انا بس هشلها الزايدة عموما انا اعرف دكتور صاحبى فاتح قسم مجانى فالمستشفى بتعته انا هكلمه وان شاء الله تعملوا العملية هناك ..
يا ما انت كريم يارب .. يعنى هى هترجع كويسة ...
اا اه اه متقلقيش ...
الدكتور طلب عربية اسعاف وجم اخدوا ماما .. الغريبة بقى ان مرات ابويا حلفت مېت يمين منا رايحة معاهم المستشفى ولازم استنى فالبيت ولما صممت انى اروح هددتنى انها هتخلى الدكتور يرمى امى فالشارع وميعملهاش العملية فالاخر وافقت انى استنى فالبيت ....
وبعد كام ساعة رجعوا البيت المسعفين دخلوا امى الاوضة بتاعتها وانا جريت عليها لقيتها نايمة فقلت لمرات ابويا
هى امى مالها مبتنطقش ليه
نايمة .. وبعدين من تأثير البينج سبيها ترتاح ..
طب يعنى الدكتور قالك ايه
يوووه متزهقنيش هى هتبقى كويسة ...
اخدت اجازة من المدرسة كام يوم عشان اكون جنب امى وهى تعبانة بس لاحظت انها تعبانة اكتر من الاول على طول پتتوجع والچرح بتاع العمليه مقفلش رغم انى بغيرلها عليه كل يوم ...
كلمت نور صاحبتى وقولتلها
بقولك ايه يا نور ماما لسه تعبانة انا مش عارفة اعمل ايه
طب شوفلها دكتور تانى غير الى عملت عنده العملية يمكن يكتبلك على علاج احسن ..
منا قلت لمرات ابويا وهى مرضتش وقالتلى بلاش مصاريف عالفاضي ...
خلاص انا عندى الحل انا اعرف دكتور شاطر فالعمارة الى فى وش البيت عندى هروح اشوفه ولو ينفع يجى البيت معابا هجيبه وأجيلك ..
ماشي ياريت واهى مرات ابويا مش هنا ..
ماشي ماشي يلا سلام
بعد وقت نور جابت الدكتور وجت عند شمس والدكتور كشف على والدتها وفاجأها بحاجة تانية خالص ....
مين الى قالك انها عاملة عملية الزايدة
امال ايه يا دكتور ما هو چرح العمليه اهوه قدامك ..
ببساطة كده الزايدة بتكون فالجنب اليمين اخر البطن اما الچرح الى قدامى فده فالجانب الايسر من البطن وبعدين واخد منحنى بعيد خالص ..
يعنى لازم تاخدى ولدتك لمستشفى وتعملى اثبات حالة .. انا شاكك ان الكلية مسروقة ..
يعنى ايه يا دكتور انا مش فاهمة حاجة ..
انا اعدت فى مكانى وانا تايهة وكأنى مغيبة مش عارفة ايه الى بيحصل نور وصلت الدكتور لغاية الباب وجت قالتلى
هتعملى ايه يا شمس ..
مم مش عارفة انا مصډومة مش عارفة افكر ..
لازم ناخدها عالمستشفى ونعمل زى ما الدكتور قال
هو الدكتور مقلقيش هو شاكك في ايه
لا قال
طط طب قولى
شاكك انها تكون اتعرضت لسړقة اعضاء
يالهواااى
بعد وقت وصلنا المستشفى ولما عملنا الاشاعات عرفنا انها ناقصة كلية .. بلغت البوليس وحكتله على الى حصل ولما جه يستجوب مرات ابويا قالت
اا انا معرفش الدكتور ده كل الى اعرفه انه اسمه سامى
الظابط طب
والمستشفى اسمها ايه ومكانها فين
مم مش فاكرة انا كنت راكبة عربية الاسعاف ومبصتش عالأسم ..
الظابط فضل يحقق مع مرات ابويا وفالاخر سابها تمشي ولما دور عالدكتور الى هى قالتله على اسمه طلع ان صاحب الاسم ده متوفى من ١٠ سنين ومفيش دكتور بالاسم ده واتقفل المحضر على كده لما رجعنا البيت مرات ابويا مسكتنى من شعرى وقالت
عجبك كده مرمطتنا فالاقسام والبوليس !!
عيطت وانا بقولها
طط طب يعنى كنتى عوزانى اعمل ايه يا مرات ابويا اسيب أمى ټموت ..
ما ټموت ولا تروح
فالوقت ده جالها تليفون سابتنى وجريت عالاوضة بتاعتها وقفلت وراها الباب عشان اسمعها واتفاجأت من الى سمعته
ياترا شمس هيحصلها ايه.
يتبع
الفصل الثاني و الاخير
الفصل الثاني والاخير
لما وقفت ورا الباب عشان اسمعها لقيتها بتقول
قول للچماعة متقلقوش كلو تمام
اټخضيت لما لقيت رباب اختى واقفة ورايا وبتقول
انتى بتعملى ايه هنا
اا انا كنت داخلة لمرات ابويا الاوضة
طب ومدخلتيش ليه
عشان لقيتها مشغولة يلا انا هروح اشوف امى وابقى اجلها وقت تانى ...
تانى يوم نور صاحبتى جت عشان تزورنى وكنا قاعدين سوا بنتكلم ولقيتها بتقولى
شمس على فكرة المسابقة بكرة لازم تيجى المدرسة ..
بس يا نور ماما لسه تعبانة وانا مش هقدر امشي واسبها ..
ده هما كام ساعة بس الى هتروحى فيهم المدرسة وظبطى حالك قبل ما تمشي فطريها كويس واديها الدوا ..
مم مش عارفة اصلا حتى لو فوزت مش هقدر اطلع الرحلة واسبها ..
يا ستى متقلقيش ساعتها هبقى اجى انا واقعد اليوم ده مع مامتك ..
ربنا يخليكى ليه يا نور ومتحرمش منك ابدا ..
بت انتى لازم تفوزى بالمسابقة مش عاوزين الغوريلا الى اسمها هند دى تكسبها ..
اصلا انا داخلة المسابقة دى مخصوص عشان اخليها تخسر .
تانى يوم رحت المدرسة ولقيت هند جيه تقولى
متتعبيش نفسك لانك مش هتفوزى ولا حاجة ..
لما نشوف والشاطر الى يضحك فالأخر ..
تجاهلت كلامها ورحت فصلى بس لقيت واحدة صاحبتنا اسمها سارة بتدينى علبة عصير وبتقولى
شموسة خدى اشربي ده وعوزاكى ترفعى راسنا ..
اخدت العصير منها وقولتلها شكرا ليكى
يلا اشربيه !!
لا مش عاوزة دلوقتى
لا اشربية دلوقتى قبل الامتحان كده عشان تكونى مركزة
شربت العصير والى مكنتش اعرفه. انها متفقة مع هند وحطولى ملين فالعصير وجه وقت الامتحان ويادوب بمسك القلم عشان احل بطنى وجعتنى جريت عالحمام وفضلت الساعتين بتوع الامتحان رايحة جاية وطبعا مقدرتش أحل حاجة وخسړت فالمسابقة ...
بعد ما المديرة اعلنت ان هند هى الى فازت لقيتها جيه تكلمنى وهى شمتانة
مش قولتلك يا حلوة متتعبيش نفسك انتى الى غاوية تعب قلب وخلاص ..
طب على فكرة بقى انتى غشاشة لولا العصير بتاعك ده كنت حليت كويس ..
هند كلمت صحابها وقالت
يلا يا بنات سيبكم منها يلا بينا عشان نجهز الشنط عشان نسافر ...
على الرغم من انى كنت مضايقة الا انى قلت لنفسى ان ممكن ده يكون خير عشان مسبش أمى لوحدها ..
روحت البيت ولقيت مرات ابويا وقفة وبتقول
حمدلله عالسلامة يا ختى بقولك ايه انا مش فايقة لۏجع الدماغ امك من ساعة مانتى مشيتى وهى بټعيط وتصوت وصدعتلى دماغى ..
جريت على اوضة امى اشوفها لقيتها نايمه فقولتلها
ماهى نايمة اهى يا مرات ابويا فى ايه
بقولك
ايه انا مش خدامة ليكى ولامك الهبلة دى لو عاوزة تروحى المدرسة جبلها واحدة تخدمها اه انا مشلش مسؤليتها ..
ودى نجبلها منين بس والظروف انتى عارفة على ادها ...
بقولك ايه يا بت يا شمس عملتى ايه فالبنتين الى قولتلك عليهم
بنتين ايه
البنتين الى عوزاهم في شغل الله لحقتى نسيتى ..
ده وقته بردو يا مرات ابويا هو انتى شيفانى فايقة ..
بقولك ايه طب مانتى محتاجة فلوس عشان تصرفى على امك التعبانة ايه رايك فى شغلانة كده بسيطة من البيت ..
ازاى يعنى مش فاهمة ..
هقولك يا شمس .. بصي في برنامج كده بينزل على التليفون بعد ما بتحمليه بتصوري نفسك كده كام فيديو ليكى او لاصحابك كده
