العاجز و الحسناء
العاجز و الحسناء
عايزه تتجوزي واحد عاجز يا ملك
ملك
وماله يا ماما لما اتجوز واحد عاجز مش يمكن العاجز ده يحافظ عليا اكتر من واحد كان بصحته وبعدين العجز عجز القلوب
ردت الأم علي بنتها وقالت
يعني هو لما كان بصحته وسليم يخطب واحده غيرك هو دلوقتي لما حصل اللي حصله وبقى عاجز يخطبك انتي
ملك
انا مش هحاسبه ولا هعاتبه على اي حاجه راحت وطالما هو اختارني انا مش هخزله...
الأم
يا بنتي حرام عليكي انتي لسه صغيره والف واحد يتمناكي بلاش الجوازة دي.... ده انت كل يوم والتاني بيجيلك عريس شكل وما فيش واحد فيهم فيه حاجه تتعيب....
ملك
ايوا يا ماما بس انا...
الأم
انت ايه يا ملك اوعي تكوني بتحبيه
ملك
ايوه يا ماما بحبه وهفضل احبه حتى لو ما بقاش من نصيبي...
الأم...
هيقطع الحب وسنينه هو الحب يا بنتي هو اي الحب ده اللي يوجع الحب اللي بتقولي عليه ده مش هيخليكي تعرفي تعيشي حياتك زي الناس ابدا
انا هخرج لابوكي دلوقتي واقوله انك رافضة الجوازة دي
ملك
لو سمحتي انا قلت موافقة وده قراري ودي رغبتي ومش هتراجع عنها....
وقبل ما نبدأ حكايتنا تعالوا نتعرف على بطلة حكايتنا النهارده واللي اسمها ملك وعندها 25 سنة وبتشتغل ممرضة....وحكايتنا بدأت لما
في محافظة القاهرة وبالتحديد في بيت ملك واللي كانت قاعدة في اوضتها وباصة من الشباك بتدخل عندها اختها يقين واللي عندها 19 سنة وبتقولها
على فكره مش هيعدي النهارده من قصاد بيتي
اتوترت ملك وقالت
انا مش فاهمه انتي بتتكلمي عن ايه بالظبط او بتتكلمي على مين
يقين
يعني انتي مش عارفه انا بتكلم على مين بتكلم طبعا على اللي انت عشان واقفه في الشباك بقالك اكتر من ساعه هو انتي فاكره ان انا نايمه على وداني ولا
ملك
طيب بس بس وطي صوتك احسن حد يسمع ده انتي ما طلعتيش سهله يا شيخه...
يقين
انا هعمل نفسي ما شفتش اي حاجه وما سمعتش كمان اي حاجه
ملك
هو ايه ده كمان اللي ما سمعتيش اي حاجه ده انا حتى ما فيش بيني وبينه اي كلام
يقين
طبعا يا بنتي ما فيش بينك وبينه اي كلام هو معقول سيليم الحديدي هيبصلك ولا يكلمك اصلا انا بتكلم على الكلام اللي بتقوليه وانتي نايمه وبتهلوسي باسمه...
اتوترت ملك وقالت
هو انا بهلوس باسمه وانا نايمه
يقين
كل يوم ... ونصيحه مني تشيلي الموضوع ده من دماغك خالص اهو زي ما قلت لك ولا عمره هيبص لواحده زيك وده مش عشان حاجه لا سمح الله بس احنا فين وهو فين
ملك
انا عارفه اللي انتي هتقوليه كويس يا ملك انا بحبه بيني وبين نفسي...
يقين
حتى بينك وبين نفسك ما ينفعش تحبيه وده عشان ... عشان
ملك
عشان اي يا ملك ...سكتي ليه مرة واحدة كدة
يقين
عشان سليم خطب بنت رجل اعمال كبير وقريبا كده حددوا ميعاد الفرح... مش كده وبس كمان اللي خطبها دي كان بيعرفها من زمان قوي يعني تقريبا كده كانوا مرتبطين
ملك بلعت ريقها واتكلمت بعصبية وقالت
بطلي بقى المقالب بتاعتك دي انتي اكيد بتكدبي عليا صح قولي انك بتكدبي انا مش هزعل...بتكدبي صح
يقين
انا ما ينفعش اكدب عليكي في حاجه زي كده كان ممكن ما اقولكيش حاجه زي دي بس كان لازم تعرفي الحقيقه عشان تفوقي..
ملك اتكلمت بحزن واهلك
يعني انت بتتكلمي بجد سليم خطب وهيتجوز فعلا
يقين
ايوه يا ملك سلم خطب وهيتجوز وقريب كمان... ياريت انتي بقى تفوقي عشان تشوفي حياتك
ملك
حياتي
يقين
ايوه حياتك يا ملك ولا انقت هتفضلي عايشه كده على وهم... صدقيني العمر
وقبل ما يقين تكمل كلامها ملك بيغمى عليها وبينقلوها المستشفى
في الشركة الخاص ب سليم الحديدي كان سليم قاعد في المكتب بتاعه وسمع صوت عالي بره واول ما خرج بيسمع السكرتيره بتقول
لو سمحتي مش هينفع تدخلي دلوقتي المكتب على مستر سليم
ردت عليها شهد وقالت
انتي شكلك اتجننتي ومش عارفه انت بتكلمي مين وانا هعرفك ازاي تتكلمي معايا كويس
السكرتيرة
انا عارفه ان حضرتك تبقي خطيبه مستر سليم بس انا بنفذ التعليمات وأوامر مستر سليم...
شهد اتكلمت بغرور وقالت
التعليمات والاوامر دي شاطره تمشي على اي حد لكن انا لا... وتعدي دلوقتي على الحسابات عشان تاخدي باقي حسابك والسكرتيرة اللي هتيجي بعد كده انا اللي هختارها بنفسي...
واول ما جات تمشي بينادي سليم على السكرتيره وبيقول
استني يا دعاء لو سمحتي كملي شغلك عادي وانا هنا اللي اقول مين يمشي ومين يقعد
شهد
سليم انت بتقول ايه انت ما شفتش هي بتعاملني ازاي
سليم
انا شفت وسمعت كل حاجه تعالي معايا يا شهد نكمل كلامنا في المكتب..... وبص على السكرتيره وقالها
لو سمحتي يا دعاء ممكن حد يجيب لنا اتنين ليمون على المكتب
السكرتيرة
تحت امرك يا مستر سليم....
واول ما بيدخلوا المكتب اتكلم سليم مع شهد وقالها
اظن يا شهد انا اتكلمت معاكي 1000 مره في اسلوبك اللي بيتعاملي بيه الموظفين... لازم تعرفي ان الناس دي شغالة معانا مش عندنا
شهد
على فكره اسلوبك ده هيخلي الموظفين تتمادى في الغلط وعلى العموم براحتك انا كنت جاية بس عشان افكرك عشان نحجز القاعة
سليم
على فكره كان ممكن توفري على نفسك كل ده وتتصلي بيا وحتى لو ما اتصلتيش انا فاكر
شهد
طيب
سليم
ما انا جبت لك الشبكه اللي انت عايزاها زي ما طلبت بالظبط
شهد قربت من سليم واتكلمت معاه بدلع وقال
بس يا حبيبي انا شفت سمر صاحبتي جايبه شبكه احسن منها واغلى كمان يرضيك اكون مرات سليم الحديدي واتخطب بشبكه اقل منها
سليم
بل طبعا يا حبيبتي ما يرضنيش خلاص هفض نفسي يوم ما اروحش فيه الشركه وننزل انا وانتي نختار الشبكة اللي تعجبك.... مبسوطه كده ولا عندك اي طلبات تاني
شهد
لا بقا ده انت بقى متعمد تنسى....
سليم
انسى ايه بس تاني يا حبيبتي ما انا نفذت كل طلباتك هو في حاجه تاني
شهد بدلع
انا عايزة اغير العربيه بتاعتي دي بقالها معايا حوالي سبع شهور وبصراحه كده في عربيه هموت عليها يرضيك يا حبيبي اموت عشان خاطر حته عربيه صغننه
سليم
لا يا حبيبتي ما يرضينيش في اليوم اللي هنختار فيه الشبكه الجديده نبقى نغير العربيه... في حاجه تاني
شهد
تسلملي يا روح قلبي.... وطالما صالحتني انا هنسى موضوع السكرتيره ده ومش هتدخل في شغلك تاني بعد كده...
سليم
طيب انا لازم امشي دلوقتي عشان اروح فرع الشركه التاني وانتي اشربي الليمون بتاعك وتطلعي من هنا على البيت على طول ما تروحيش اي مكان ولا نادي ولا غيره
شهد
حاضر يا حبيبي ...
في اليوم التاني عند ملك وبعد ما بتخرج من المستشفي اتكلمت معاها مامتها وقالتلها
مش هتقولي برده ايه اللي تعبك
ملك اتكلمت بحزن وقالت
ما فيش حاجه يا ماما الظاهر كده عشان طبقت كام يوم في المستشفى تعبت فجاه
الأم
وانتي يعني يا حبيبتي هي دي اول مره تطبقي في المستشفى... قلبي مش مطمن وبيقول في حاجه انا مش عارفاها
ملك
اطمني يا ماما ما فيش اي حاجه كلها النهارده وهبقى تمام وبكره هرجع
الأم
انا بقول ما فيش داعي لشغل المستشفى ده احنا مستورين مش
