العاجز و الحسناء

اكيد قالك ولا اعملك حاجه ضايقتك ما انا قلتلك من الاول بلاش تروحيله بس انتي اللي نشفتي دماغك
ملك بضيق
معمليش حاجه انا اللي لقيت ان مفيش امل وان استحاله هيبصلي علشان كده سبت الشغل لما لقيته مش فارق معاه ولسه بيحب اللي اسمها شهد دي
يقين بهدوء
هعمل نفسي مصدقاكي وهعديها المهم الحبس الانفرادي اللي انتي فيه ده ناوية ينتهي امتى من اسبوعين وانتي حابسه نفسك في الاوضه كده وامك هتتجنن والمستشفى حاولوا يتواصلوا معاكي وحضرتك تليفونك مقفول
ملك
انا هرجع شغلي من بكره متقلقيش
يقين
طب الحمد لله اهو تغيري جو بدل حبسه الاوضه دي وياريت بقى تشيليه من تفكيرك وتعيشي حياتك وتبطلي ترفضي كل العرسان اللي بتتقدملك اديك في النهايه عرفت ان انتي ملكيش نصيب معاه
ملك بدموع
ايوه عرفت خلاص بقى مش كل شويه تقعدي تفكريني
يقين
طب انا اسفه يلا بقى قومي معايا خلينا نحضر الاكل وناكل سوا
ملك
تمام يلا بينا
في اوضه سليم كان قاعد مع عمار صاحبه
عمار بضيق
اللعبه دي مش هتنتهي بقى ولا ايه انا زهقت انت سايب الحمل كله عليا يا سليم ولا انت ما صدقت تعمل اللعبه دي علشان خاطر تترميلي الشغل كله
سليم بضيق
انا متضايق قوي يا عمار
عمار بهدوء
حصل ايه تاني بس يا سليم
سليم بحزن
انا طردت ملك وهنتها جامد
عمار بصدمه
ليه كده ده انا كل ما باجي هنا بلاقيها بتهتم بيك جدا وما بتزعلكش في حاجه ليه عملت كده بقى
سليم
كان في اليوم اللي عرفت ان شهد اتخطبت لابن خالتها كنت متعصب جدا وصعبان عليا نفسي وعصبيتي جيت فيها هي وطردتها واهنتها ومن ساعتها وانا ما شفتهاش ومتضايق جدا
عمار بخبث
وانت متضايق ليه ان شاء الله هو انت مش بتحب شهد برده
سليم
لا مش بحبها مبقتش طايق اسمع اسمها حتى انا لو كنت متضايق فانا كنت متضايق اني كنت مغفل للدرجه دي ونضحك عليا من حته بنت زي دي ما تسواش حاجه هي واهلها دي واخده مني ملايين اذا كانت عربيات او ذهب ازاي كنت اهبل للدرجه دي صدقني لو قلتلك اني اختبرت ملك علشان اشوفها زي شهد. ولا لاء
عمار باستغراب
اختبرتها ازاي يعني مش فاهم
سليم بهدوء
خليتها تنزلني الجنينه وخليت زينب تطلع تحط انسيال ذهب على الارض جنب الكومودينو وبعدها تنزل وانا اخلي ملك تطلع تجيبلي التليفون من على الكومودينو وكنت مفكرها هتطمع فيه وهتاخده وخصوصا ان الانسيال اللي معاها ده بيعدي فوق ال 70 الف جنيه بس اتفاجئت انها نزلته ليا وقالتلي انها لقيته في اوضتي كانت امينه جدا ومش بتبص للفلوس بالعكس كانت بسيطه وحتى احلامها بسيطه زيها
عمار ابتسم
هي الصناره غمزت ولا ايه
سليم بهدوء
معرفش يا عمار بس حاسس اني متضايق جدا وحاسس بتانيب الضمير بسبب اللي قولته لسها ونفسي اشوفها قوي يا اعمار انا حتى بعتت واحد من الرجاله يروح يسال عليها في المستشفى واكتشفت ان بقالها اسبوعين ما راحتش من ساعه ما سابت الشغل هنا وانا ما اعرفش عنوان بيتها علشان اروح و اعتذرلها
عمار بهدوء
لو بتحبها روحلها وقولها الحقيقه
سليم
تفتكر انها ممكن توافق تتجوزني وانا عاجز ولا هتعمل زي شهد
عمار
ما اعتقدش ان ملك زي شهد جرب مش هتخسر حاجه
سليم
انا اصلا مش عارف هقابلها ازاي هي ما بتروحش الشغل انا موقف واحد قدام المستشفى عشان اول ما تروح اعرف على طول وحشتني قوي يا عمار
عمار ابتسم
انت حالتك صعبه جدا انا هسيبك بقى وابقى اجي لك وقت تاني سلام
ومشي عمار وتاني يوم ملك راحت الشغل وفي وقت البريك قعدت في اوضه الممرضين وفجاه دخلت واحده وقالتلها
في واحد في اوضه الدكتور عايز يشوفك
ملك باستغراب
واحد مين ده
الممرضه
مش عارفه الدكتور طالبك روحي
ملك راحت للدكتور واتصدمت لما شافت سليم قاعد لوحده في الاوضه
ملك بهدوء
خير يا استاذ سليم
سليم بهدوء
اقعدي يا ملك عاوز اتكلم معاك شويه
ملك بهدوء
انا عندي شغل ومش فاضيه
سليم بهدوء
وانا يا ستي مش هاخرك اقعدي
وقاعده ملك وسليم قال
انا عارف انك زعلانه مني بسبب اخر مره والاسلوب
ملك قاطعته
انا مش زعلانه ولا حاجه يا استاذ حصل خير بعد اذنك
سليم بهدوء
قلتلك اقعدي اما اخلص كلامي ابقي امشي اول حاجه عايز اقولهالك انا اسف جدا على الكلام اللي قلتهلك وجرحتك بيه انا ما اقصدش حقك عليا وتاني حاجه بقى تقبلي تتجوزي واحد عاجز زيي
ملك صدمه
حضرتك تقصد ايه
سليم
هو في حاجه في كلامي مش مفهومه بقولك تقبلي تتجوزي واحد عاجز وعلى كرسي بعجل زيي ويعتبر برده مفلس ومش حيلته حاجه وعايش صداقه كده من الفلوس اللي فاضله
ملك دموع
انت بتتكلم بجد يا استاذ سليم ولا بتهزر
سليم
هي دي فيها حاجه هزار يا ملك بتكلم جد انا بحبك يا ملك واكتشفت ده الاسبوعين اللي انتي بعدتي عني فيهم مكنتش طايق نفسي و كان نفسي اشوفك لانك وحشتيني جدا
ملك عيطت بانهيار
سليم بخضه
انتي بتعيطي ليه لو رافضه قولي انا رافضه لكن ايه سبب العياط ده
ملك بدموع
انا بقالي اكتر من كام سنه نفسي اسمع منك الكلمه دي يا سليم طول الوقت كنت بحبك في صمت كان نفسي اكون من نصيبك كنت كل يوم افضل واقفة في البلكونة علشان اشوفك و انت معدي من تحت البيت بس انت رحت خطبت واحده تانيه تعبت جدا لما عرفت انك حصلك صدمه وقعدت على كرسي ولما عرفت انك طالب ممرضه فضلت اتحايل على الدكتور لغايه ما وافق انا اجيلك انا كنت عايزاك تحس بيا ومشاعري بس كنت كل يوم قاسي عليا وبتعاملني معامله قاسيه
سليم كان بيسمعها بصدمه
ليه ما قلتليش
ملك
كان هيفرق بايه لو قلتلك وبعدين ما ينفعش البنت اللي تروح تعترف للراجل كرامتي ما تسمحليش افرض نفسي على حد لكن انا عندي استعداد اتجوزك واعيش خدامه تحت رجلك طول العمر حتى لو هنقعد في اوضه فوق السطوح معنديش مشكله

سليم ابتسم
انا كمان بحبك يا ملك هاتيلي رقم والدتك علشان اتقدملك ونتجوز على طول
ملك بفرح
تمام
وملك اداتله الرقم وسليم مشي واتصل على والدتها واخذ منها ميعاد وراحت اتقدم ورد والدتها كان
عايزه تتجوزي واحد عاجز يا ملك
ملك
وماله يا ماما لما اتجوز واحد عاجز مش يمكن العاجز ده يحافظ عليا اكتر من واحد كان بصحته وبعدين العجز عجز القلوب
ردت الأم علي بنتها وقالت
يعني هو لما كان بصحته وسليم يخطب واحده غيرك هو دلوقتي لما حصل اللي حصله وبقى عاجز يخطبك انتي
ملك 
انا مش هحاسبه ولا هعاتبه على اي حاجه راحت وطالما هو اختارني انا مش هخزله...
الأم 
يا بنتي حرام عليكي انتي لسه صغيره والف واحد يتمناكي بلاش الجوازة دي.... ده انت كل يوم والتاني بيجيلك عريس شكل وما فيش واحد فيهم فيه حاجه تتعيب....
ملك
ايوا يا ماما بس انا...
الأم 
انت ايه يا ملك اوعي تكوني بتحبيه
ملك 
ايوه يا ماما بحبه وهفضل احبه حتى لو ما بقاش من نصيبي...
الأم...
هيقطع الحب وسنينه هو الحب يا بنتي هو اي الحب ده اللي يوجع الحب اللي بتقولي عليه ده مش هيخليكي تعرفي تعيشي حياتك زي الناس ابدا 
انا هخرج لابوكي دلوقتي واقوله انك رافضة الجوازة دي
ملك
لو سمحتي انا قلت موافقة وده قراري ودي رغبتي ومش

هتراجع عنها
الام
انت حره بقى يا بنتي انا هعملك ايه يومين كده وهقول له ان انا موافقين بس يا ريت في اليومين دول تفكري كويس عشان الموضوع ده ما فيهوش رجوع
ملك ابتسمت
وانا فكرت يا ماما خلاص
وفعلا فضلت ملك مصرة على موقفها لغايه ما اتفقوا على ميعاد كتب الكتاب والفرح على طول ويوم الفرح اتصدمت ملك وهي في الاوضه ان سليم داخل وماشي على رجله
ملك بصدمه
انت خفيت بقيت كويس يا سليم
سليم ابتسم 
انا مكنش عندي حاجه اصلا ومكنتش عاجز الفترة اللي فاتت دي انا كنت بعمل كده علشان خاطر اشوف شهد على حقيقتها واشوف هتقف معايا ولا هتسيبني واتفقت مع الدكتور ومع عمار صاحبي على كل حاجه واحسن حاجه عملتها في اللعبه دي اني عرفتك يا ملك وحبيتك
ملك بعياط 
انا بجد فرحانه جدا يا سليم
سليم بابتسامة. 
وانا فرحان اكتر انك خلاص بقيتي مراتي بحبك يا ملك
ملك بفرح 
وانا كمان بحبك يا سليم
سليم ابتسم 
يلا بقي خلينا ننزل نحضر الفرح و نسافر علي طول محضرلك مفاجاة هتعجبك
واخدها و نزلوا القاعة وكانوا فرحانين جدا وبعد الفرح اخدها و سافر علشان يقضوا شهر العسل
وخلصت الحكايه