العاجز و الحسناء

عليا ان اديلك ادويتك في ميعادها واخد بالي منك لغايه ما اروح اكتر من كده مليش وعلى العموم انا مش محتاجه الفلوس اللي هاخدها لو حد طلب مني اني اتجسس على معاليك
سليم بسخريه
امال شغاله ليه ان شاء الله وايه اللي جايبك هنا لما انتي مش محتاجه الفلوس
ملك بهدوء
والله اعتقد انه ما يخصش حضرتك في حاجه انت طلبت ممرضه وانا جيت
سليم بصلها بصدمه
بقى انت تقوليلي ما يخصنيش انتي مش عارفه بتكلمي مين ولا ايه
ملك
لا عارفه كويس يا فندم وزي ما قلت لحضرتك انا جايه ادي وظيفتي وخلاص حاليا ميعاد الفطار بتاع حضرتك عشان تاخد العلاج تحب تنزل تحت ولا انزل انا اقولهم يجيبوا الفطار
سليم بحده
اطلعي بره ولما اعاوزك هقولك تعالي انا مش هفطر دلوقتي
ملك بهدوء
ازاي يا فندم بقول لحضرتك ميعاد الادويه بتاعتك يبقى ازاي مش هتفطر دلوقتي
سليم بحده
انا حر خليكي في حالك
ملك بهدوء
لا مش هخليني في حالي امال انا لازمتي ايه هنا حضرتك اللي المفروض تسمع كلامي علشان خاطر تخف
سليم اتعصب وكان جنب الكومودين مسك الفازه اللي جنبه وحدفها جنبها اتكسرت
ملك بخوف
ايه اللي انت عملته ده
سليم بحده
لما اقول كلمه تتنفذ اقولك اطلعي بره تخفي تطلعي بره ومش فاطر يبقى مش فاطر متقعديش ترغي معايا انتي رحتي ولا جيتي حته ممرضه ارميكي بره واجيب مكانك 10 انتي ولا تسوي هتعملي نفسك حاجه وهتامريني
ملك اتصدمت وقالت بدموع
انا ما امرتش حضرتك ولا حاجه انا بنفذ التعليمات اللي الدكتور اديهاني وعلى العموم ده مش طريقة تعامل بعد اذنك
وسابته وخرجت بره الاوضه واتصلت على الدكتور وحكيتله على اللي حصل
الدكتور بهدوء
معلش يا ملك استحمليه شويه وسيبيه يا ستي مش مهم العلاج دلوقتي لما يحب يفطر ابقي اديهله
ملك بقلق
ازاي بس يا دكتور نسيبه على راحته طب ما كده ممكن العلاج ما يجيبش اي نتيجه
الدكتور بهدوء
ان شاء الله خير متقلقيش انا هبقى اجيله بكره واحاول اقنعه شويه انه يسمع كلامك بلاش كلامك يبقى بصيغه الامر يا ملك يعني انتي عارفه انه حاسس بالنقص دلوقتي ومش هيتقبل مننا اي اوامر او تعليمات هنقولها
ملك
حاضر يا دكتور اللي تشوفه
كانت ملك قاعده على السلم لغايه ما سمعته بينده عليها دخلتله وقالت
نعم يا فندم
سليم ببرود
انزلي يلا حضري الفطار
ملك بهدوء
انزل يعني اقول لحد من الخدم يجهز الفطار
سليم بهدوء
هو انتي غبيه ولا بتستغبي انا قلتلك انزلي حضري الفطار يعني انزلي انتي اعمليه
ملك بصدمه
حضرتك انا وظيفتي ممرضه مش شغاله
سليم ببرود
ده اللي عندي ولو مش عاجبك بقى امشي
ملك بابتسامه
اه حضرتك بتعمل كده عشان تطفشني يعني وماله انزل اجهزلك الفطار حضرتك تحب حاجه تانيه جنبه اي نوع عصير او قهوه زي ما تحب يعني
سليم بعصبيه
انتي واحده مستفزه
ملك ابتسمت
متشكره جدا يا فندم بعد اذنك هنزل احضرلك الفطار
وتابته ونزلت دخلت المطبخ وقالت لوالد سليم
لو سمحت استاذ سليم طلب مني احضرله الفطار ممكن
والد سليم
طب ليه يا بنتي تتعبي نفسك اقعدي انتي وانا هقول لزينب الشغاله تحضروا
ملك بهدوء
ابن حضرتك بيتلككلي علشان خاطر امشي خليني اجهزله الفطار مش مهم فين المطبخ
والد سليم
معلش يا بنتي حقك علي بس هو اعصابه تعبانه اليومين دول اتفضلي معايا وانا اوريكي مكان المطبخ
والد سليم وصلها المطبخ وسابها تعمل اللي هي عايزاه وبعد ما خلصت اخذت الصينيه وطلعت لسليم
ملك ابتسمت
عملتلك بقى فطار هتاكل صوابعك وراه
سليم بص للاكل اللي كان عباره عن جبن وكوبايه عصير
سليم استغراب
فين الاكل اللي هاكل صوابعي وراه انت جايبه جبن معلبه من التلاجه ما انتيش عاملاها يعني
ملك ابتسمت
يعني الرصه دي مش عاجباك كفايه تعبي فيها وانا برصلك اللانشون وبخليهالك بشكل لطيف والسلطه قول شكرا مش هتخسر حاجه
سليم ابتسم وبعدين قال بحده
مش خلاص جبتي الاكل اتفضلي روحي اقعدي على السلم بقى لغايه مندهلك تاني
ملك بهدوء
طب ما افضل معاك هنا انا ايه اللي يخليني افضل متذنبه على السلم يعني
سليم بحده
هو انتي مبتعرفيش تقولي حاضر وخلاص لازم تقاوحي معايا
ملك بهدوء
حاضر يا سليم بيه
وسابته وخرجت تقعد على السلم
وعدى شهرين وكان سليم بيعامل ملك بطريقه مهينه رغم تعاملها الكويس معاه واهتمامها بيه
سليم بغضب
انتي يا زفته يا اللي اسمك ملك انتي يا بت
ملك بدموع
نعم يا فندم
سليم بغضب
كنتي فين نايمه على ودانك انا نديتك اكتر من مره انتي شغلتك هنا شغاله عندي وقت ما انده اسمك من اول مره تبقي قدامي
ملك بدموع
والد حضرتك كان بيتكلم معايا
سليم بغضب قاطعها
ميخصنيش اللي حصل ده لو تكرر تاني هطردك فاهمه ولا لا
ملك بدموع
على فكره اللي انتي بتهني بسببها دي متستحقكش واللي انت معصب نفسك منها وعمال بتهين فيا وانك تطلع العصبيه اللي جواك من ناحيتها عليا هي ما تستاهلهاش
سليم بغضب
تقصدي مين بكلامك ده
ملك بدموع
اقصد شهد اللي عرفت ان هي خطوبتها على ابن خالتها النهارده واللي بيتهزقني برده بسببها هي ما تستاهلكش انت تستاهل واحده احسن منها واحده تقدرك فعلا مش واحده كانت واخداك علشان خاطر فلوسك ومنصبك وعمرها ما حبيتك يا سليم بيه انت اللي كنت مخدوع فيها واديها بانت على حقيقتها وبدل ما تصلح من نفسك وتعيش حياتك تاعب نفسك و بتفكر فيها وزعلان انها تبقى لغيرك
سليم بغضب
انتي اتجننتي ولا ايه انتي هتصاحبيني بتاخدي وبتدي معايا في الكلام نسيتي نفسك ولا ايه نسيت انك مجرد ممرضه هنا
ملك بدموع
لا انا منسيتش حاجه يا سليم بيه وبعتذر لو كنت اتدخلت في حاجه ما تخصنيش انا اسفه
سليم بغضب
كل مره تعملي حاجه غلط تقولي اسفة بس المرة دي غير انتي تاخدي بعضك وتطلعي بره وما تورينيش وشك هنا تاني مش عايز اشوفك قدامي اطلعي بره ملكيش شغل هنا بعد النهارده
طلع والد سليم وقاله بصدمه
في ايه يا ابني حصل ايه ده كله عملتلك ايه البنت
سليم بغضب
البنت دي انا مش عايز اشوفها هنا خالص انا عارف انها معندهاش كرامه ومش هتخرج اطردها انت بره ولا لا جيب الامن يخرجها بره
ملك كانت بتعيط وقالت
مفيش داعي يا سليم بيه انا خارجه من نفسي ومتشكره قوي على اللي انت قولته
وسابتهم خرجت تجري من الفيلا والد سليم حاول يلحقها ولكن ما اعرفش طلع لسليم وقاله
في ايه شايط فينا كلنا ليه عملتلك ايه البنت الغلبانه اللي كانت بتهتم بيك وبتعمللك كل اللي انت عايزه مش حرام عليك تقطع رزقها مش حرام عليك تعملها بالقسوه دي دي كل اللي كانت بتقولهلك حاضر ونعم عملتلك ايه عشان تهينها بالشكل ده يا سليم انت مالك بقيت عصبي زياده عن اللزوم ليه كل ده عشان ست الحسن والجمال هتتجوز ما في داهيه انت ناسي انها باعتك واخترت اللي معاه الفلوس فكر في نفسك يا ابني وانساها بقى حرام عليك نفسك
وسابه وخرج وهو متعصب
بعد اسبوعين في بيت ملك كانت حابسه نفسها في اوضتها ما بتخرجش دخلت اختها يقين
يقين
هتفضلي كده لغايه امتي المستشفى مبقيتيش تروحيها ولا حتى بتخرجي تقعدي معانا زي الاول هو اللي اسمه سليم ده عملك ايه
ملك بهدوء
وايه دخل سليم في الموضوع
يقين
يعني انتي مفكراني غبيه للدرجه دي جيتي من عندهم معيطه يبقى