العاجز و الحسناء

محتاجين اي حاجه ولا محتاجين لشغل المستشفى بتاعك ده... انا عايزاك يا حبيبتي تفوقي وتبصي لنفسك اللي في سنك دلوقتي بقى معاه اطفال وانتي كل ما يتقدملك عريس ترفضيه بسبب ومن غير سبب
ملك اتكلمت بدموع وقالت 
يا ماما لو سمحتي هو انتي كل مره تفتحي معايا نفس السيره ونفس الموضوع انا مش بفكر في الجواز دلوقتي ولا هفكر فيه ولو سمحتي يا ماما كفايه كفايه كفايه....
الأم اتكلمت بحزن وقالت 
يا بنتي انا مش قصدي ازعلك انا بدور على مصلحتك
ملك 
لو فعلا يا ماما عايزه مصلحتي يبقى ما تفتحيش معايا السيرة دي تاني لو سمحتي...
الأم 
حاضر يا حبيبتي زي ما تحبي ارتاحي دلوقتي نامي شويه واللي فيه الخير يعمله ربنا....
بعد حوالي اسبوع بيصحى كل اللي في القصر على صوت صراخ سليم اللي بيكون مش قادر يقوم من على السرير ... وبيتصلوا بالدكتور عشان يجي يطمن عليه ولما بيجي الدكتور وبعد ما بيكشف وبعد عمل التحاليل والاشاعات اللازمة بيقولهم انه تعرض لصدمه عصبيه وبسببها حصله شلل نصفي...
الدكتور 
انا هشوف ممرضه كويسه تفضل معاها على طول عشان تتابع حالته وعشان تخلي بالها من علاجه
والد سليم
انا مستعد اسفر ابني بره اعالجه اكبر مستشفيات في العالم اهم حاجه يرجع يقف تا انت عايزاه ني على رجليه
الدكتور 
لو كان السفر برة هيجيب نتيجه كنت انا بنفسي هقولكم تسفروه بره... لان سليم نسبه شفاء 80 متوقفه على العامل النفسي.... انا هكتبله على شويه علاج وادويه لازم يتاخدوا بانتظام والممرضة اللي هتيجي هتكون كفء جدا وهي اللي هتخلي بالها منه ... وفي نوع حقن انا اللي هديهوله بنفسي .....
هو بعد ما بيمشي الدكتور بيجي عمار صاحب سيف واللي اتكلم وقال
نصيحتك يا صاحبي 1000 مره قبل ما تبدا الخطوه دي وقلتلك بلاش البورصه وبلاش المضاربه في البورصه
سليم اتكلم بعصبيه وقال
خلاص يا عمار ما لوش لازمه الكلام ده... انا خسرت فلوسي وخسرت الشركه بتاعتي والبنك هيحجز على كل ممتلكاتي حتى صحتي كمان خسرتها...
اتكلم والد سليم باستغراب وقال
انا مش فاهم حاجه فهمني انت يا عمار يا ابني
عمار 
للاسف سليم اشترى بكل ممتلكاته وكل فلوسه اسهم في البورصه مش كده وبس اخد كمان فلوس بضمان الشركات بتاعته واشترى بيها هي كمان أسهم وفي الاخر خسر كل فلوسه...
والد 
خسر كل فلوسه
عمار 
ويا ريت جات على قد كده وبس ده كمان سليم ماضي علي نفسه شيكات بدون رصيد ومعاد استحقاقها قرب وطبعا حضرتك عارف ممكن يحصل ايه في حوار شيكات بدون رصيد
اتكلم والد سليم بزعل وقال 
ليه بس يا بني ليه تعمل في نفسك وفينا كدة..
سليم 
اتكلم بعصبيه وقال انا مش عايز حد معايا هنا اطلعوا بره بره...
وفي اخر اليوم بتيجي شهد عشان تطمن على سليم بعد ما سمعت وعرفت اللي حصل واتكلمت وقالت 
هو فعلا يا سليم انت خسرت كل فلوسك
سليم 
ان شاء الله هقف على رجلي من تاني واعوض كل حاجه
شهد 
يعني الكلام اللي سمعته حصل فعلا.... رد يا سليم وقول انه كدب
سليم 
كنت اتمنى يكون كدب لكن هي دي الحقيقه بس انا لقيت حل كويس ممكن ينقذني من المشكله دي والحل ده متوقف عليكي
شهد 
عليا انا طيب ازاي 
سليم 
بصراحه كده يا شهد انا محتاج الشبكه اللي جبتهالك وكمان نظر عن العربيه اللي دفعنا المقدم بتاعها ودول يعملوا فلوس كتير اكتر من 5 مليون جنيه.... العربيه لسه ما جتش والشبكه معادكه ... وكمان في هدايا كتير الماظ انا كنت جايبها بيكي دلوقتي انا محتاجهم وانتي اكيد مش هتبخلي علي بيهم...
شهد اتوترت وقالت
انت بتقول اي يا سليم عايزني ارجع الشبكه لا طبعا مستحيل اعمل حاجه زي كده ....
سليم 
انتي بتقولي ايه يا شهد المفروض انك تقفي جنبي ده احنا باقي على فرحنا اقل من شهر وهتكوني مراتي يعني انتي دلوقتي هتكوني اقرب حد ليا واول حد المفروض يقف جنبي..
شهد
هو انت بقى عايزني اتجوزك يا سليم وانت بحالتك دي.. يعني مفلس ومديون وكمان عاجز وعايزني اتجوزك
سليم ما كانش مصدق اللي بيسمعه من شهد وقالها
معقول يا شهد انت بتقولي كده.. طيب فين الحب اللي كان بينا انا وانتي
شهد
حب ايه اللي انت بتقول عليه يا سليم... لو انت بتحبني فعلا كنت من اول ما عرفت اللي حصل اتصلت بيا وقلتلي كل واحد فينا من طريق ولا انت عايزني اضيع شبابي وعمري معاك... ولو على الشبكه والهدايا اللي انت جبتهالي فاعتبرهم على الايام الحلوه اللي قضيناها مع بعض ولو حاسبناها بالفلوس هتلاقي ان ايامي معاك واقعه عليا بخساره..... انا همشي يا سليم وهنسى اني عرفتك ويا ريت ما تحولش تتصل بيا تاني ولا تعرفني وانا هعرف بابا ان كل حاجه بينا انتهت...
اه صحيح نسيت اقولك انا هكلم ابن خالتي اللي كان عايز يتجوزني قبل منك واقوله اني موافقه على جوازي منه كان نفسي اعزمك عشان تحضر الفرح بس انت مش هتعرف تيجي.....
سليم 
يا خساره يا شهد انا ما كنتش اعرف انك انسانه واطيه كده واهم حاجه عندك الفلوس
شهد
بقولك يا سليم اي كلمه تاني مش هسمحلك بيها لازم تعرف حدودك كويس ولازم تعرف انا مين وبنت مين...
سليم 
انا اكتر واحد اعرف انتي مين وبنت مين وتاريخ والدك انا عارفه كويس وعارف كمان الفلوس اللي معاه مصدرها من فين...
شهد قاطعته في كلامه واتكلمت بصوت عالي وقالتله
كلمه تاني مش هسمحلك وانا مراعية الحاله اللي انت فيها... وبعد ما بتمشي فضل سليم يصرخ ويكسر في كل حاجه في الاوضه لانه ما كانش مصدق ان شهد حب عمره تعمل فيه كده
في اليوم التاني بتعرف ملك اللي حصل ل سليم وبتكون زعلانه اوي عليه وبتتصل مع الدكتور اللي متابع حالة سليم وبتطلب منه أنها تطوع عشان تكون الممرضه المسؤوله عن سليم وفعلا الدكتور بيوافق ... واول ما بتروح السراية بتاعه سليم وبتشوفه نايم على السرير وجنبه الكرسي المتحرك ما تقدرش تمسك نفسها ولا تخبي دموعها من زعلها على سليم
سليم اول ما شاف ملك بتعيط وهي بتبص لرجله زعقلها بغضب وقال
انتي مين يا بت انتي امشي اطلعي بره
الدكتور بتوتر
اهدى بس يا سليم بيه دي اشطر ممرضه عندي في المستشفى واللي هتاخد بالها من حاله حضرتك
سليم بغضب
وانا مش عايزها طلعها بره وشوفلي واحده تانيه
ملك بتوتر مسحت دموعها
ليه بس يا استاذ سليم انا عملت ايه لده كله انا مكنتش اقصد والله حقك عليا انا اسفه
الدكتور بهدوء
انا بعتذرلك يا استاذ سليم هي واضح ان في حاجه مضايقاها علشان كده عيطت على العموم هي عارفه ميعاد كل الادويه بتاعه حضرتك
سليم بضيق
تمام يا دكتور تقدر تتفضل
الدكتور مشي وملك فضلت واقفه مكانها
سليم بحده
اسمعي اما اقولك يا بتاعة انتي اي حاجه هتسمعيها في البيت ده وهتروحي تنقليها لاي مخلوق ايا كان هو مين ساعتها هتشوفي وش عمرك ما شوفتيه اوعي تفكري ان الكرسي اللي انا قاعد عليه ده هيمنعني عنك ولا عن اذيتك بالعكس انتي ما تعرفيش انا ممكن اعمل ايه شغل الجواسيس مش عايزه
ملك بهدوء
حضرتك انا ممرضه كل اللي