وان كنت اقدر احب تاني.. اسكريبت كامل بقلم ريم خالد

شوفته كان قاعد في الجنينه قربت منه بهدوء..
_ عارفه أنك زعلان بس والله..
رفع عينيه ليا واتكلم بأبتسامة_ مش زعلان عارف أنك مشغوله..
قعدت جنبه وأنا بأخد نفسي بضحك_ كنت خايفه تكون قموص وأقعد ساعه أصالح فيك..
ضحك بصوت عالي خلاني سرحت فيه وفي غمزاته اللي بانته مع ضحكته أكتشفت أنه وسيم عيون عسلي مع غمازات لاحظ سراحني طرق صوابعه قدام عيني وهو بيبصلي برفعه حاجب..
_ سرحتي في أي..
رديت بتوتر_في الشغل بقا وكدا..
هو رأسه وسكت لحد ما سألته _ قولي بقا عامل أي انهارده..
_ كويس جدا مستني نتيجة التحاليل .!
_يعني خلاص العلاج مبقاش يتعبك ..
كان لسه هيرد بس قطع كلامنا الدكتور وهو بيقوله بأبتسامة واسعة..
_أحنا دلوقتي نقدر نقول حمد الله علي سلامتك وهتوحشنا..
سألته بفرحه_ يعني خلاص يقدر يخرج..
هو رأسه بموافقة وهو بيطبطب علي كتف عمر بفرحه.
_أكتر واحد شوفته كان عنده إراده وكان فعلا عايز يبطل كلنا فخورين بيك يعمر.
قام عمر وقف قصاده وهو بيقوله_شكرا لحضرتك لولا مساعدتك مكنتش وصلت للي أنا فيه دا..
_ صدقني لولا إرادتك مكنش دا كله حصل..
شكره عمر وبعدها مشى وأنا واقفه ببص لعمر بغيظ وفي ثانيه ضربته برجلي في رجله وأنا بقوله..
_مساعدته هو بس ..!
مسك رجله وهو بيتألم بس ضحك وهو بيرد عليا
_ أنتي عنيفه أوي ..!
_ماشي يا سيدي شكرا...
أتعدل وهو بيبصلي وبيبتسم_أنتي ليكي شكر خاص بس لما أخرج من هنا..
قولتله بأبتسامة_ أنا مش عيزاك تشكرني كفايه أنك وفيت بوعدك معايا وأتعالجت..
رد بغيظ_أومال كان لي العنف من الأول..
ضحكنا أنا وهو وبدأنا نلم هدومه عشان يمشي سلم علي الممرضين والدكاتره اللي كانوا زعلانين وبيودعوه بحزن أول ما خرجنا لف للبوابه بتاعت المصحه وبصلي..
_ من شهرين كنت واقف الوقفة دي بس الفرق أني كنت خايف أني أدخل وأيدك هي اللي شجعتني وفضلت تشجعني برده لحد ما خرجت منها مهما قولت شكرا مش هيكفي..
_أنا مش عايزه شكرا أنا عيزاك توعدني لتاني مره أنك مترجعش للحاجه دي تاني وتوفي بوعدك ها..
أبتسم وهو بيقولي_أوعدك وهوفي بوعدي..
كمل كلامه وهو بيقولي_ ممكن تيجي معايا عند أمي..!
_ طبعا أنا اصلا متحمسه للقاء..
ضحك وهو بيركب العربية وأتحركنا لحد ما وصلنا قدام عماره باين علي اللي ساكنين جواها أنهم من طبقه عاليه.
_ أنت ساكن في العمارة دي..
_أيوه وعلي فكره أنا والدي الله يرحمه ووالدتي دكاترة أسنان ..!
بصيتله بصدمة ضحك بصوت عالي وهو طالع علي السلم..
_أققولك علي مفجأه أكبر بقا أنا خريج هندسه ..
وقفت مكاني وأنا ببصله بأستغراب وبسأله..
_ لا ثانيه بقا يعني أنت من عيلة ماشاء الله كلها دكاتره وأنت مهندس أي بقا اللي حصل..
وقف قدامي وهو بيقولي_ أنا كنت وحيد وكنت مدلع من والدي جدا وطلباتي كلها كانت مجابه بعد وفاته تعبت جدا واتأثرت وطبعا أنتي عارف ولاد الحرام ميتوصوش سحبوني في السكه دي بحجه أنها هي اللي هتخرجني من اللي أنا فيه ووالدتي شافتني وأنا بتعاطي قدامها فضلت تعيط لحد ما أتعصبت وخرجت من البيت ومن ساعتها مرجعتوش تاني..
_ومحكتليش من الأول لي..
_محبتش أحكي غير لما أرجع لحياتي من تاني ها أي أسأله تانيه أنا أمي بتنام بدري ..
بصتله بتكشيره وهو بيضحك لحد ما وقف قدام شقته وأخد نفسه وهو بيرن الجرس ببطئ وأنا واقفه وراه..
_ ايوه جايه..!
اتفتح الباب وظهرت ست جميلة رغم كبر سنها لاكن ملامحها كانت جميلة ومريحه لابسه لبس نضيف ومهندم نزلت دموعها أول ما شافتنا سابت الباب ودخلت دخلنا وراها ونزل عمر علي ركبته قدامها وهو بيعيط..
_أنا عارف أنك زعلانه مني ومش طايقه تشوفي وشك بعد اللي شوفتيه مني بس أنا أتعالجت والله ..!
بصلي وبعدها كمل كلامه_أنا رجعت عمر أبنك اللي أنتي ربتيه اللي قابلتيه أخر مره دا مش أنا دا كان شخصية غريبة عليا وعليك عارف أنك خوفتي مني يومها وكنتي بتهربي من الحيوان اللي كان بيزعق فيكي أنا آسف أنا مستعد أفضل كدا لحد ما تسامحيني بس أنتي سامحيني ..!
كان رافعة رأسها مش بتبصله ودموعها نازله لاكن كان باين عليها زعلها منه لحد اخر كلامه اللي أنهار بعدها من العياط خلاها بصتله وهو بتنزل لمستواه براحه وبتحاوط وشه بين أيديها.
_لي يا عمر لي تعمل فيا وفيك كدا دا أنا مليش غيرك..
_أنا أسف لحظه ضعف مني والله سامحيني ..
فضلت بصاله بحزن وهو بيترجاها بعيونه ثواني وكانت شداه لحضنها وهي بتعيط وأنا ببصلهم بدموع وفرحه بعدها وقف عمر جنبي وهو بيعرف مامته بيا.
_أحب أعرفك يا أمي بالسبب الرئيسي اللي خلاني اتعالجت بعد ربنا... ريم .
قربت مني وهي بتسلم عليا وبتبصلي جامد.
_أنا عرفاكي أنتي البنت اللي قالبه الفيس بالبث المباشر بتاعك..
_أي دا لدرجه دي طلعت مشهوره ..
_ يعني أنتي بجد..
هزيت رأسي وأنا ببصلها بأبتسامة واسعة..
ضحكت بهدوء وهي بتقولي _تصدقي أني بقالي شهر بحاول أوصلك أو أوصل لرقمك ومش عارفه ..!!
قولتلها بأبتسامة_ وأنا بحالي قدام حضرتك أهو..
ضحكت برقه_ لا ما خلاص أنتي جيتي وفي أيدك المشكلة اللي كنت عيزاكي فيها..
شاورت بعينيها علي عمر اللي ضحك ونزل رأسه في الأرض بأحراج بصتلها وأنا بضحك وهي بتطبطب عليا بحنيه قعدت معاهم شويه لحد ما روحت وبحكي لماما علي اللي حصل خلصت كلامي وأنا بقولها بأبتسامة..
_بس مامته ست جميلة أوي يا ماما كلامها وضحكتها ورقيقه اوي في كلامها..
_ربنا يحفظها..
بهتت أبتسامتي وأنا بسألها_ماما مالك أنتي كويسه..
اتنهدت وهو بتقولي_ ريم أنا شيفاكي بتتعلقي بالشاب دا وكدا غلط..
اتوتر وأنا بقول لماما_ هو أي اللي غلط..
_كل حاجه غلط علاقتك بالشاب دي غلط لما اشوفك بدأتي تتعلقي بشاب مدمن زي ..
قاطعتها وأنا بقولها _كان يماما عمر مبقاش مدمن ..!
ردت بأنفعال_ كان أو لسه مش فارق معايا اللي أعرفه أنه كان مدمن وأحتمال في أي لحظه يضعف ويرجع تاني شيلي الموضوع من دماغك يريم وأبعدي عنه أنتي عملتي اللي عليكي وخلاص مبقاش محتاج مساعدتك ..!
قمت وقفت وأنا بقولها بأنفعال_أنا مش هبعد يا ماما أنا مشوفتش منه حاجه وحشه وبعدين هو وعدني أنه مش هيرجع للقرف دا تاني لي بدل ما نشجعه ونفضل معاه نقلل من قدرته وشجاعته ..!!
_ريم أنا قولت اللي عندي وكفايه أوي لحد كدا ..!!
_ وأنا كمان قولت اللي عندي يا ماما أنا مش هبعد عن عمر ..
أتحركت علي أوضتي وأنا بأخد نفسي بغضب من كلام ماما وكانت لسه بتتكلم بصوت عالي واصلي
_ أخرتها هتحبي واحد مدمن علي جثتي أن دا يحصل يا ريم أنتي فاهمه..
بعدها سمعت هبد باب أوضتها نزلت دموعي وأنا برجع رأسي علي السرير وبغمض عيني جامد وصلتلي رساله وكانت منه أول ما فتحتها سمعت صوته .
_ماما مش مبطله كلام عنك باين عليها حبيتك أوي بصراحه عندها حق مين مجنون ميحبكيش ..
سمعت الريكورد وأنا مبتسمه بس بحزن قفلت التلفون من غير ما أرد عليه وروحت في النوم محاوله مني للهروب من التفكير..
صحيت علي صوت زعيق عالي في الشقه عندنا أول ما فتحت باب أوضتي لقيت عمر واقف قصاد ماما وعيونه حمره من الغضب وماما بتبصله بأنفعال وغضب في نفس الوقت قربت منهم كنت لسه هتكلم ماما شاورت بأيديها أني أسكت..
_ أنا خلصت كل كلامي أتفضل أطلع برا ..!
_ ماما ..!
بصتلي بتحذير قربت من عمر وأنا بمسك أيده اللي كان ضاغط عليها جامد محاولة منه أنه مينفعلش شد أيده مني وهو بيفتح الباب وبيمشي..
_ أي اللي حصل وأي اللي جاب عمر هنا ..
_ معرفش أي اللي جابه بس كويس أنه جه عشان كان لازم نتكلم..
انفعلت علي ماما وأنا بقولها_ أنتي قولتيله نفس الكلام اللي قولتهولي أمبارح..
_ أنا فوقته وخليته يأخد باله من حاجه عامل نفسه أعمي عنها ..!
سألتها وأنا بعيط_ وأي هي بقا ..
_ أنه مينفعكيش وأنه كان مدمن..
كنت لسه هرد لحد ما سمعت صوت تلفوني جريت عليه وأنا متوقعه أنه عمر لاكن اتفجأت بزميل ليا في التيم هو اللي بيكلمني..
_ ايوه يريم هو أنتي وعمر أتخانقتوا ..!
سألته بترقب_ شويه في أي..
_ مش عارف بس أنا كنت جاي مع عمر عشان أوصله لبيتك وأستنيته تحت شويه ولقيته نازل شكله متعصب وأخد تاكسي وماشي في طريق غريب وأنا وراه بس أنا قلقان بصراحه ..
قولتله بخوف وقلق_ أبعتلي اللوكيشن بسرعة .
وقفت وبدأت أغير هدومي وأنا بترعش خلصت لبسي وخرجت بصيت علي ماما بنظرة عتاب ركبت عربيتي وأتحركت علي المكان اللي محمد قالي عليه أول ما وصلت قابلني محمد وهو بيقولي بهمس وتوتر..
_ ريم المكان دا شمال خلينا نمشي..
_ عمر فين ..
_ ريم بقولك المكان دا شمال أتحركي ..
رديت عليه بعصبيه_ مش قبل ما أعرف عمر فين ..
_ معرفش دخل الشارع دا المكان دا مليان بلاوي ومخد...رات خلينا نمشي بالله عليكي..
بصتله بصدمة وأنا دموعي بتنزل وقلبي بيتنفض وبيتكرر في وداني كلمه مخد..رات. وأن عمر موجود في المكان دا لحد ما شوفته طالع من الشارع بتعب وعينيه حمره ..
_ عمر ..!
يتبع...
ريم_خالد..
PART 2
_عمر.!
قربت منه وأنا ببص علي المكان من حواليا وبسأله بصدمه ..
_ أنت جيت هنا لي ..
رد بتوتر_ متخافيش مأخدتش حاجه والله..
_ بقولك جيت هنا لي ..!
_ كنت محتاج أجي..
قاطعته وأنا بصرخ في وشه_محتاج تيجي فين .! دي المكان اللي أنت أتاذيت فيه أي وحشك الأدمان ..!!
حاول يقرب مني وهو بيهز رأسه جامد وأنا بعيط لمجرد التفكير أنه فكر يرجع للمخد..رات من تاني..
_ أنتي فاهمه غلط والله أنا جيت عشان أثبت لنفسي أني عمري ما هضعف ولا هشتاق للمكان دا.
رديت بصدمه_ عشان تثبت أنك مش ضعيف ..! أنت للدرجه دي مكنتش واثق أنك مش هتضعف ..!
_ ريم أهدي لو سمحتي..
كان صوت محمد اللي بيحاول يهديني وهو بيشدني من قدامه وعمر كان بيبصلي بصدمة شديت أيدي منه قبل ما أدخل العربية وأنا بوجهه كلامي لعمر..
_ فعلا ماما كان عندها حق أنت شخص عديم الثقة والمسئولية ومتتأمنش علي بنت في أي مشكلة هتهرب علي هنا عشان تنسي اللي أنت فيه عايز تروح تتعا..طي روح يعمر 
زقيته في صدره وانا بقوله بعصبية..
_ يلا روح واقف لي روح ..
كنت لسه هركب العربية لما لقيت أيده بتشدني وبيهبد ضهري في العربية ورايا وهو بيقول بزعيق..
_يعني دا رأيك فيا ..! أني عديم المسئولية أنا لو مكنتش عايز أبطل مكنتش بطلت أنتي مضربتنيش علي أيدي عشان أجيلك أنا اللي جيتلك وطلبت أني أتعالج أنا اللي كان عندي الإرادة أني أبطل أنا جيت هنا عشان أثبت لنفسي أني عمري ما هرجع والدتك هي اللي هزت ثقتي في نفسي وقالت أني أول ما أشوف المكان...
وقف كلام وهو بيأخد نفسه بعصبية وبعدها كمل كلامه بغضب وهي بيغمض عينيه..
_ قالتلي أول ما أشوف المكان هشتاق وهرجع للمخد..رات تاني بس هي كانت غلطانه أنا أول ما شوفت المكان قرفت منه ومن نفسي وحسيت بحاجه بتخنقني خرجت من المكان وأنا قرفان مكنتش عارف ازاي أنا شايف راحتي هنا..! شوفتي بقا أني مش ضعيف وأني قد الثقة بتاعتك لاكن أنتي مفهمتيش دا ودا أكبر دليل أني اتعالجت أو متعالجتش هيفضل جواكي شك من ناحيتي وأن مفيش حد عمره هينسي أني كنت مدمن حتي أنتي..
ساب أيدي مع أخر كلمه قالها كونا بنبص لبعض بغضب لحد ما سمعت صوت محمد وهو بيقولي..
_ أركبي عربيتك يا ريم وأنت يا عمر تعالى معايا..
رد عليه بتعب_شكرا يا محمد تقدر تمشي أنت ..
ركبت عربيتي ومسمعتش باقي كلامه وأنا بتحرك بصتله في مراية العربية كان بيبصلي بعتاب وخذلان أتحركت بالعربية وعينيه متبعاني وصلت قدام بيتنا ودخلت لماما وانا بقولها بدموع..
_ ممكن أعرف حضرتك قولتيله أي..
سابت اللي في أيديها وهي بتقوم تقف قدامي..
_ أكيد هو قالك ..!
_مقالش حاجه قوليلي أنتي ..
أتنهدت وهي بترد عليا_ كان جاي عشان يسأل عليكي..
كملت كلامها_ معأنه ميبنش عليه أنه