وان كنت اقدر احب تاني.. اسكريبت كامل بقلم ريم خالد
نسيت كل حاجه كدا فجأه ..!!
قاطعني وهو بيمسك أيدي_ لأ أنا دايما بسأل عليكي أسألي محمد مبيفوتش يوم مسألتش عليكي فيه ..!
_ أنت ليه بتلف وتدور ما تكلمني أنا وأسأل عليا أنا هو محمد يعرف عني حاجه أو يعرف أنا بمر بأيه ..
_ أنا آسف حقيقي أنا بعدت عشان فاكر ببعدي هكون بحميكي وبخف من ضغظ أعصابك طول ما أنتي معايا أنا مكنتش ناوي أغيب بالسنة أنا كنت كام شهر وهرجع بس موضوع الشغل فتح معايا ومكنتش عارف أنزل بسبب شغلي صدقيني بعدي مكنش قصدي بيه حاجه زي ما أنتي فاكره ..!!
شديت أيدي منه وأنا برد عليه ببرود..
_ كلام كله فاضي ومفيهوش حاجه تخليني أشفعلك أو أسامحك كنت لازم تبقي واثق في نفسك أكتر من كدا وتبطل تهرب من كل حاجه مكنش هيفرق تغيب سنه ولا سنتين المهم أنك كنت سألت ..! أنا قولت كل الكلام اللي عندي بس سؤال أخير معلش .
سندت أيدي علي الترابيزة وأنا بسأله.
_ أي سبب القناة اللي حضرتك فتحتها ..
رد بهدوء_اه بالنسبة للقناة كان هدفها الرئيسي هي مساعدتهم وتشجيعهم أنهم يتعالجوا عشان يكون عارفين أول ما يتعالجوا هيلاقوا وظيفة مستنايهم بس لو عيزاني أقفل القناه كلها هعمل كدا ..!
ضحكت بسخريه_ لا أنا مليش أني أققولك أقفل القناة أنا بس كنت عايزه أفهم وكمان أنك تساعد الشباب دي حاجه تفرحني ومقدرش أمنعها بالتوفيق ..
قومت وقفت وأنا بشيل شنتطتي قام وقف وهو بيمسك أيدي..
_ أنتي رايحه فين ..
قولت ببرود_ همشي اللي كنت جايه أققوله قولته ..!
قرب مني وهو بيقولي_ ريم لو سمحتي .!
_عمر لو سمحت أنت أبعد عني أحنا خلاص أتعودنا علي غياب بعض ..!
شديت أيدي وأنا بمشي قطع طريقي وهو بيقولي بحزن.
_ ريم أنا بحبك متعودتش علي غيابك ولا هعرف .
_لا هتعرف زي ما عرفت تبعد سنه ..
قالي برجاء_ طيب فرصة واحده أديني فرصه ..!
ضحكت بسخرية _ مش بعرف أدي فرص تانيه أنا أسفه..
_ ريم أنا بجد بحبك ..!
هزيت رأسي بنفي_ قساوتك كانت أكبر من حبك ..
زقيته من قدامي وأنا طالعة من المكان وهو واقف ورايا أول ما بعدت غمضت عيني بوجع..
وفي الخلفية صوت رامي جمال .
مات اللي فات ومستحيل يعيش تاني اللي مات
يعني خلاص يا ناس بجد نسيت الذكريات..!
أرد ليه عليه وأعيد وأزيد ليه في حكايات
بجد في الحالات دي يبقى أحسن رد السكات ..
يقول اللي يقوله عني خليه يقول كمان
خلاص كرهته يعني مش هانرجع
عدي يومين مش بنزل من البيت فيهم وقافله كل تلفوناتي كنت نايمة علي سريري وسامعه صوت جنى برا وهي بتتكلم مع ماما دخلت الأوضة بهجوم وعصبية..
_ ريم فوقي بقا وبطلي تحبسي نفسك بالطريقة دي ..!
أتنهدت بأرهاق وأنا بحط رأسي تحت المخده من تاني شالت المخده من علي دماغي وهي بترميها بعيد
_ متبقيش مستفزة هاتي المخده وسيبيني أنام ..
قعدت جنبي وهي بتقول بدموع _ ريم عشان خاطري بقا.!
أتعدلت في قعدتي وأنا بقولها بصدق _ صدقيني مفيش حاجه أنا عايزه أنسحب من العالم اللي برا شويه عشان أرجع وأنا فيا طاقة أنا تعبت ومحتاجة أرتاح من حقي ..!
_لو علي الراحه مفيش مشكلة هسيبك ترتاحي بس متهدميش كل حاجه أنا عايزه أشوف ريم اللي أعرفها الغزال اللي بيتحرك في كل مكان ..!
بصتلها وضحكت بعد كلمتها وأنا بحضنها بحب حقيقي وهي بادلتني الحضن بحنية..
_ بقولك أي أنا كمان تعبانة ما تيجي نخرج كدا نفسح نفسنا أنا عمري ما أتفسحت قبل كدا ..!!
فكرت شويه وبعدها قومت نطيت من علي السرير وأنا بقولها..
_ يلا أنا هفسحك..!
غيرت هدومي ونزلنا أنا وهي روحنا الملاهي الأول وطلعنا كل الطاقة السلبية اللي جوانا في الصريخ كان جوانا طاقة محتاجه تتطلع بعدها مشينا علي الكورنيش وأحنا بنأكل دره مشوي وبندندن مع الاغاني اللي شغاله كان الجو سقعة وماسكين في بعض وحاطه أيدي في جيب الجاكت بتاعها وبنفتكر ذكرياتنا وبنضحك قابلنا فرح وقفنا وسط الناس وبدأنا نسقف ونزغرط معاهم واحنا بنضحك بعدها جرينا في الشارع لحد ما وصلنا لمطعم دخلنا قعدنا وأحنا بنأخد نفسنا..
_مش قادرة رجلي وجعتني ..
رديت عليها بهزار_ سلامتها ..!
قعدنا نتكلم بعد ما طلبنا أكل في وسط كلامنا كان عمر قصادي هو ومامته وميرا داخلين المطعم جات عيونا في عيون بعض أتفجأ بوجودي ووقف مكانه بس بعدت عيني عنه وأنا ببص لجنى اللي بتبصلي بترقب ضحكتلها وأنا بكمل كلامي..
أتكلمت جنى بهدوء_ لو عايزه نمشي يلا ..!
بصتلها باستغراب_ نمشي لي ما أحنا قاعدين أهو ..!
شاورت بجنب عينيها علي عمر اللي قعد علي الترابيزة اللي جنبنا بصتلها بعدم أهتمام وأنا بهز رأسي بعد شويه قومنا عشان نمشي وبنطلب الحساب..
_الحساب أندفع يا فندم ..
سألته ببرود_ مين دفعه ..
شاور علي ترابيزة عمر قومت روحتله وجنى ورايا بتحاول تمسكني بس وقفت قصاده وأنا ببتسم
_ أسفه اني قاطعت كلامكوا ..
وقفت مامته وهو بتسلم عليا..
_ ريم ازيك يا حببتي وحشاني..
_أزي حضرتك يا دكتورة عامله أي..
أبتسمت بهدوء_ الحمد لله بخير ..
هزيت رأسي وبعدها بصيت لعمر اللي قام وقف وبيبصلي بهدوء قربت منه وأنا بمد أيدي بالفلوس ببرود..
_شكرا لحضرتك بس أحنا مش بنأكل علي حساب حد ..
قالي بأنفعال_ شيلي الفلوس يا ريم وعدي ليلتك ..
أبتسمت ببرود_ عدي أنت ليلتك وخد الفلوس ..
فضلت ماده أيدي بالفلوس وهو بيبصلي ببرود ومربع أيده فضلت بصاله شويه بعدها لفيت لوالدته وأنا بقولها بأبتسامة قبل ما أمشي ..
_فرصه سعيده يا دكتوره..
ردت بأبتسامه_ أنا أسعد يحببتي..
عديت من جنبه وأنا بقوله بهمس..
_ ومش فرصة سعيده خالص أني أقابلتك..
ضحك بسخرية روحت لشاب كان واقف وكلمته دقيقتين وبعدها طلعت من المكان وجنى جنبي سمعت صوته وهو بينادي عليا بصوت عالي شديت جنى جامد وأنا بركب العربية بسرعة ومشيت وأنا بضحك وجنى بتبصلي بصدمه..
_هو أي اللي حصل ..
_ابدا بعت الفلوس مع الشاب ..
ضحكت وهي بتقولي _ دا أنتي بتربيه من أول وجديد..!
بصتلها بأستغراب _ أنا لا خالص ولا في دماغي..!
كملت كلامها بضحك_بس بصراحه هو يستاهل عشان مترباش فعلا ..
ضحكت علي كلمتها روحنا وأول ما دخلت أوضتي قعدت علي السرير وأنا بقول لنفسي..
_ أنت فعلا كنت لازم تتربي وأنا هربيك ..
تاني يوم الصبح صحيت علي صوت ضحك عالي عندنا في الشقة أول ما فتحت باب أوضتي كانت ماما قاعده مع عمر وبيتكلموا مع بعض سألت بصوت عالي.
_ اي دا خير ..
لفتلي ماما وهي بتقولي بضحك_ أي دا أنتي صحيتي ..!
قربت منهم وأنا ببصلهم بأستغراب كان قاعد حاطط رجل علي رجل وبيبصلي بخبث وأنا معديه من جنبه ضربته برجلي وقربت من ماما وأنا بسألها بأستغراب ..
_ من أمتي الرضى دا كله ..
_ أبدا أنا وعمر قاعدين مع بعض شويه طلع دمه خفيف زي ما أنتي بتقولي ..!
ربعت أيدي وأنا بقولها بسخرية ..
_ لا والله ..
_ أستني أعملك قهوه باين عليكي صاحيه مصدعه ..!
كنت ببصلها بغضب وهي داخله المطبخ حسيت بحاجه ورايا لفيت كان واقف قريب مني وبيبصلي ببراءة مصتنعة زقيته بعيد وأنا بزعق..
_ أنت بتعمل أي هنا ..
رفع اكتافه ببرود_ واحد وجاي يقعد مع حماته في أي.
ضحكت بسخرية _ حماته ..!
عدل الجاكيت اللي هو لابسه وأبتسم ببرود وهو بيقول.
_
فضلت بصاله شويه وهو بيبصلي ببرود هزيت رأسي وأنا بروح ناحية باب الشقه وقولتله بأبتسامه بارده
_طلبك مرفوض أطلع برا ..!
قرب مني وهو بيقولي _ علي فكره دا مش أسلوب كلام يعني مش مامتك مره وأنتي مره ..!
مسكت أيده وأنا بزقه برا وبقوله بغضب..
_ أطلع برا يا عمر متعصبنيش ..!
سند علي الباب قبل ما يخرج وهي بيقولي..
_ كفايه قساوه عليا بقا ..!
_ أنت اللي بدأت بالقساوه ..!
_ أنا وحش متبقيش زي ..!
_ لا معلش أنا أوحش منك ..
زقيته وقفلت الباب في وشه وأنا بسند عليه وسمعته..
_مكنتش سنه اللي سافرتها دي كانت سنه سوده ..!!
ضحكت وأنا سانده علي الباب علي طلعت ماما وهي بتبصلي بقلة حيلة وبتضرب كف علي كف ..
بعد شهرين من محاولات عمر الكتير أنه يوصلي أو يتكلم معايا وأنا برفض أي مقابلة تجمعنا كنت في لقاء صحفي بتكلم فيه عن المخد...رات وبجاوب علي أسئلة الصحفيين وكنت بتكلم علي الحالات اللي قابلتني بعد الايف بتاعها معادا عمر مجبتش سيرته وقفت جنى جنبي فجأه وهي بتتكلم في المايك بهدوء.
_أسف علي المقاطعة بس معانا ضيف مهم جدا حابب يتكلم معاكوا علي تجربته أتمني تسمحولنا نستقبله ..!!
بصتلها بأستغراب وهي بتبعد بعد دقيقتين من الإنتظار دخل وبدأ صوت الصحفيين يعلى بأستغراب وهما بيبصوا لبعض بصدمه وقف جنبي وهو بيضحكلي..
_عمر ..!
فضلت بصاله بصدمه وأنا لسه بحاول أستوعب لقد ما سأله واحد من الصحفيين اللي واقفين بأستغراب .
_بشمهندس عمر حضرتك ليك علاقه بالأدمان ..
هز رأسه وبدأ يجاوب علي أسئلة الصحفيين بهدوء وبدأ يحكي الحكايه من أولها والكل مستمع ليه أول ما خلص بدأ صوت التسقيف يعلي من اللي حوالينا ضحكت بسعاده وأنا ببصله لفلي بهدوء وجات ميرا من وراه وهي بتديله بوكيه ورد وبتغمزلي وكاميرات الصحافة بتصور قرب مني وهو بيقولي بهدوء ..
_ أنا أتربيت من أول وجديد والله ..!!
ضحكت وأنا ببصله قرب مني وهو بيقولي بخبث..
_عرفت من مامتك أنك بتحبي أسم يونس ..!
هزيت رأسي وأنا ببصله بأستغراب..
_ يونس عمر الدهبي لايق مش كدا ..!
ضحكت وأنا بميل رأسي شويه وهو بيبصلي بحب..
وكانت آخر صورة بتأخدها كاميرات الصحافة وهو
بيديني البوكيه وأحنا بنبص لبعض ونضحك..
وفي الخلفية بتغني ام كلثوم
وارجع واسامحك تاني
وإن كنت أقدر أحب تانى أحبك انت..
ريم_خالد
